მცხეთობა-სვეტიცხოვლობა: როგორ აღნიშნა საქართველომ დღესასწაული – ფოტო

მცხეთაში დიდი დღესასწაული აღინიშნა.

სვეტიცხოველში დილიდან აღესრულებოდა ღვთისმსახურება.

ამ დღეს სვეტიცხოვლის ტაძარი დღესასწაულის მთავარი ეპიცენტრია.

დღესასწაულს საფუძვლად უდევს სასწაული: საქართველოს მიერ უდიდესი სიწმინდის, უფლის კვართის მიღება, რომელიც დაკრძალულია სვეტიცხოვლის საკათედრო ტაძარში

მორწმუნეები აღავლენენ ლოცვებს, სანთლებს ანთებენ და ერთმანეთს დღესასწაულს ულოცავენ.

უძველესი ტაძრის ეზოში მორწმუნეები და ქალაქის სტუმრები იკრიბებიან, რომლებისთვისაც ეს დღე განსაკუთრებულია.

წელს სადღესასწაულო ლიტურგია შიო მესამემ ჩაატარა.

ღვთისმსახურების შემდეგ საზეიმო განწყობა მცხეთის ქუჩებში ინაცვლებს.

ქალაქის მოსახლეობისა და ვიზიტორებისთვის მრავალფეროვანი სადღესასწაულო პროგრამაა მომზადებული.

დღესასწაულის პროგრამაში ისტორიული ინსტალაციებიც შევიდა.

გამოფენა-ბაზრობაზე წარმოდგენილია საქართველოს სხვადასხვა რეგიონის სოფლის მეურნეობის პროდუქცია.

პროგრამა ასევე მოიცავს სპორტულ და გასართობ ღონისძიებებს, რომლებიც ყველა ასაკის ადამიანზეა გათვლილი.

ქუჩებში იხილავდით ჩოხით შემოსილებსაც და აბჯრიან ადამიანებსაც.

სადღესასწაულო ღონისძიებები მთელი დღის განმავლობაში გრძელდება და საღამოს გალა-კონცერტით სრულდება.