https://sputnik-georgia.com/20261010/ass-si-sikvdilit-dasjis-warumateblad-dasrulebis-semdeg-mas-miurebeli-uwoda-301097217.html
აშშ-ში სიკვდილით დასჯის წარუმატებლად დასრულების შემდეგ რომის პაპმა მას მიუღებელი უწოდა
აშშ-ში სიკვდილით დასჯის წარუმატებლად დასრულების შემდეგ რომის პაპმა მას მიუღებელი უწოდა
Sputnik საქართველო
ტენესის შტატის გუბერნატორმა წლის ბოლომდე შეაჩერა სიკვდილით დასჯის აღსრულება, ხოლო პენტაგონის ხელმძღვანელმა 3 დეკემბერს ნიდალ ჰასანის სიკვდილით დასჯის პროცესის... 10.10.2026-ს, Sputnik საქართველო
2026-10-10T20:05+0400
2026-10-10T20:05+0400
2026-10-10T21:45+0400
მსოფლიო დღეს
მსოფლიოს ახალი ამბები
რომის პაპი
აშშ
პენტაგონი
https://cdnn1.img.sputnik-georgia.com/img/07e9/05/0f/293374662_0:0:2966:1668_1920x0_80_0_0_7f57de0b6a787f01a83e8e844b97713f.jpg
თბილისი, 10 ოქტომბერი — Sputnik. რომის პაპმა ლეო XIV-მ განაცხადა, რომ სიკვდილით დასჯა დაუშვებელია - მისი განცხადება მოჰყვა აშშ-ში სიკვდილით დასჯის წარუმატებელ მცდელობას და გაკეთდა იმ ფონზე, როდესაც ამერიკელი ხელისუფლების წარმომადგენლები სიკვდილით დასჯის პროცესის პირდაპირ ეთერში ტრანსლირებას გეგმავენ.პონტიფიკმა ხაზი გაუსვა, რომ სასჯელის ასეთი ფორმა არღვევს პიროვნების ხელშეუხებლობას.„სიკვდილით დასჯა დაუშვებელია, რადგან ის ხელყოფს პიროვნების ხელშეუხებლობასა და ღირსებას. შესაძლებელია საზოგადოებრივი სიკეთის დაცვა და სამართლიანობის მოთხოვნების დაკმაყოფილება სასიკვდილო განაჩენის გარეშეც“, — დაწერა პონტიფიკმა სოციალურ ქსელ X-ში.ლეო XIV-ის თქმით, თანამედროვე სამყაროში არსებობს სასჯელის ისეთი მეთოდები, რომლებიც იცავს მოქალაქეებს და, ამასთან ერთად, დამნაშავეს დანაშაულის გამოსყიდვის შესაძლებლობას არ უკარგავს.30 სექტემბერს შეერთებულ შტატებში მკვლელობისთვის მსჯავრდებულ კრისტა პაიკს სასიკვდილო ინექცია ორჯერ გაუკეთეს; მიუხედავად ამისა, ის გადარჩა და კრიტიკულ მდგომარეობაში საავადმყოფოში გადაიყვანეს. მისი ადვოკატების თქმით, ამჟამად იგი გონზეა. ტენესის შტატის გუბერნატორმა ბილ ლიმ წლის ბოლომდე შეაჩერა სიკვდილით დასჯის პროცესი და დამოუკიდებელი შემოწმება დანიშნა.მანამდე პენტაგონის ხელმძღვანელმა პიტ ჰეგსეთმა განაცხადა, რომ ნიდალ მალიკ ჰასანის დახვრეტით სიკვდილით დასჯას, რომელიც 3 დეკემბრისთვის იყო დაგეგმილი, პირდაპირ ეთერში გადასცემენ. სიკვდილმისჯილმა პირმა 2009 წელს ტეხასში მდებარე სამხედრო ბაზაზე სამსახურებრივი მოვალეობის შესრულებისას 13 თანამშრომელი მოკლა.
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიოს ახალი ამბები, რომის პაპი, აშშ , პენტაგონი
მსოფლიოს ახალი ამბები, რომის პაპი, აშშ , პენტაგონი
აშშ-ში სიკვდილით დასჯის წარუმატებლად დასრულების შემდეგ რომის პაპმა მას მიუღებელი უწოდა
20:05 10.10.2026 (განახლებულია: 21:45 10.10.2026) ტენესის შტატის გუბერნატორმა წლის ბოლომდე შეაჩერა სიკვდილით დასჯის აღსრულება, ხოლო პენტაგონის ხელმძღვანელმა 3 დეკემბერს ნიდალ ჰასანის სიკვდილით დასჯის პროცესის პირდაპირ ეთერში გაშუქება დააანონსა
თბილისი, 10 ოქტომბერი — Sputnik. რომის პაპმა ლეო XIV-მ განაცხადა, რომ სიკვდილით დასჯა დაუშვებელია - მისი განცხადება მოჰყვა აშშ-ში სიკვდილით დასჯის წარუმატებელ მცდელობას და გაკეთდა იმ ფონზე, როდესაც ამერიკელი ხელისუფლების წარმომადგენლები სიკვდილით დასჯის პროცესის პირდაპირ ეთერში ტრანსლირებას გეგმავენ.
პონტიფიკმა ხაზი გაუსვა, რომ სასჯელის ასეთი ფორმა არღვევს პიროვნების ხელშეუხებლობას.
„სიკვდილით დასჯა დაუშვებელია, რადგან ის ხელყოფს პიროვნების ხელშეუხებლობასა და ღირსებას. შესაძლებელია საზოგადოებრივი სიკეთის დაცვა და სამართლიანობის მოთხოვნების დაკმაყოფილება სასიკვდილო განაჩენის გარეშეც“, — დაწერა პონტიფიკმა სოციალურ ქსელ X-ში.
ლეო XIV-ის თქმით, თანამედროვე სამყაროში არსებობს სასჯელის ისეთი მეთოდები, რომლებიც იცავს მოქალაქეებს და, ამასთან ერთად, დამნაშავეს დანაშაულის გამოსყიდვის შესაძლებლობას არ უკარგავს.
30 სექტემბერს შეერთებულ შტატებში მკვლელობისთვის მსჯავრდებულ კრისტა პაიკს სასიკვდილო ინექცია ორჯერ გაუკეთეს; მიუხედავად ამისა, ის გადარჩა და კრიტიკულ მდგომარეობაში საავადმყოფოში გადაიყვანეს. მისი ადვოკატების თქმით, ამჟამად იგი გონზეა. ტენესის შტატის გუბერნატორმა ბილ ლიმ წლის ბოლომდე შეაჩერა სიკვდილით დასჯის პროცესი და დამოუკიდებელი შემოწმება დანიშნა.
მანამდე პენტაგონის ხელმძღვანელმა პიტ ჰეგსეთმა განაცხადა, რომ ნიდალ მალიკ ჰასანის დახვრეტით სიკვდილით დასჯას, რომელიც 3 დეკემბრისთვის იყო დაგეგმილი, პირდაპირ ეთერში გადასცემენ. სიკვდილმისჯილმა პირმა 2009 წელს ტეხასში მდებარე სამხედრო ბაზაზე სამსახურებრივი მოვალეობის შესრულებისას 13 თანამშრომელი მოკლა.
