საქართველოს ფეხბურთის ნაკრებმა უკრაინასთან მატჩი ფრე ანგარიშით დაასრულა - ფოტო

ორი ნაკრების შეხვედრა „დინამო არენას“ სტადიონზე გაიმართა.

შეხვედრა უეფას ერთა ლიგის მეორე ტურის ფარგლებში ჩატარდა.

მატჩი ნულოვანი ფრე ანგარიშით დასრულდა.

სტუმრები მასპინძლების შეჩერებას ხისტი თამაშით ცდილობდნენ.

ეროვნულმა ნაკრებმა არაერთი მწვავე მომენტი შექმნა და მთელი მატჩის მანძილზე უპირატესობა აშკარა იყო.

ყველაზე სერიოზული საფრთხე მე-20 წუთზე გაჩნდა: ჩაკვეტაძის შესანიშნავი დარტყმის შემდეგ, მეკარე ტრუბინმა ბურთი ზედა კუთხიდან მოხსნა და თავისი გუნდი გოლისგან იხსნა.

საქართველოს ნაკრების უპირატესობა მეორე ტაიმის მანძილზეც აშკარა იყო, თუმცა, გოლის გატანა ვერ მოხერხდა.

ვილი სანიოლის წასვლის შემდეგ რამაზ სვანაძემ გუნდი მოედანზე მთავარი მწვრთნელის რანგში პირველად გაიყვანა.

ის შემადგენლობაში მკვეთრ ცვლილებებს მოერიდა და ამ ფორმაციის გუნდისთვის უფრო ლოგიკური 3-5-2 განლაგება აირჩია.

მეორე ტაიმში სვანაძემ შეტევის ხაზი მნიშვნელოვნად შეცვალა – მიქაუტაძე, ჩაკვეტაძე და კიტეიშვილი გაიყვანა და თამაშში ჩართო კვერნაძე, დავითაშვილი და მექვაბიშვილი.

თუმცა, ცვლილებების მიუხედავად ანგარიში არ შეცვლილა.

მომდევნო მატჩს ეროვნული გუნდი 2 ოქტომბერს უნგრეთის წინააღმდეგ სტუმრად გამართავს.