https://sputnik-georgia.com/20260928/saqartvelos-nakrebi-ukrainas-shexvdeba-300844214.html
საქართველო უეფას ერთა ლიგაზე უკრაინას დაუპირისპირდება: მატჩის ანონსი
საქართველო უეფას ერთა ლიგაზე უკრაინას დაუპირისპირდება: მატჩის ანონსი
Sputnik საქართველო
დღევანდელ შეხვედრას ნაკრები ახალი მთავარი მწვრთნელით ხვდება 28.09.2026-ს, Sputnik საქართველო
2026-09-28T14:57+0400
2026-09-28T14:57+0400
2026-09-28T14:57+0400
საქართველო
ქართულ–უკრაინული ურთიერთობები
უკრაინა
სპორტი
საზოგადოება
ახალი ამბები
https://cdnn1.img.sputnik-georgia.com/img/07e9/09/07/294830714_0:159:1152:807_1920x0_80_0_0_7ab39132537510469b823394ff228e04.jpg
თბილისი, 28 სექტემბერი — Sputnik.საქართველოს ფეხბურთის ეროვნული ნაკრები ერთა ლიგის მეორე ტურში უკრაინის გუნდს უმასპინძლებს. შეხვედრა 28 სექტემბერს „დინამო არენაზე" 20:00 საათზე დაიწყება.პირველ მატჩში - ჩრდილოეთ ირლანდიასთან წარუმატებელი სტარტის (0:1) შემდეგ ნაკრები გულშემატკივრების წინაშე რეაბილიტაციას შეეცდება. დაპირისპირების ისტორიასაქართველოს ეროვნულმა ნაკრებმა უკრაინის წინააღმდეგ 11 მატჩი გამართა, თუმცა გამარჯვება ვერცერთხელ მოიპოვა — გუნდმა შვიდი შეხვედრა დათმო, ოთხი კი ფრედ დაასრულა. გუნდები ერთმანეთს ერთა ლიგის წინა გათამაშებაშიც დაუპირისპირდნენ: სტუმრად მინიმალური სხვაობით (1:0) გაიმარჯვეს, ხოლო საშინაო მატჩი ფრედ (1:1) დასრულდა.ახალი მწვრთნელიდღევანდელ შეხვედრას „ჯვაროსნები“ ახალი მთავარი მწვრთნელით ხვდებიან. საქართველოს ნაკრებში ვილი სანიოლის ეპოქა დასრულდა - ჩრდილოეთ ირლანდიასთან საშინაო მარცხის შემდეგ, ფრანგმა სპეციალისტმა თანამდებობა დატოვა, მთავარი მწვრთნელის პოსტზე კი რამაზ სვანაძე დაინიშნა.სვანაძეს, რომელიც მანამდე ახალგაზრდული ნაკრების მწვრთნელი იყო, რთული მისია დაეკისრა – გულშემატკივარი იმ წარმატების განვითარებას ელის, რომელიც საქართველოს ნაკრებში სანიოლის მოსვლის (2021 წლის თებერვლიდან) შემდეგ დაიწყო და 2024 წელს, ისტორიაში პირველად, ევროპის ჩემპიონატის ფინალურ ეტაპზე თამაშით დაგვირგვინდა – სანიოლის გაწვრთნილმა გუნდმა კონტინენტის პირველობის 16 საუკეთესო ნაკრებს შორის მოხვედრაც მოახერხა.ევრო-2024-ის შემდეგ გუნდმა დაღმასვლა დაიწყო, საქართველოს ნაკრებმა ზედიზედ ორი შესარჩევი ციკლი ჩააგდო – ერთა ლიგის 2024-25 წლების სეზონი და 2026 წლის მსოფლიო ჩემპიონატის საკვალიფიკაციო ეტაპი. წარუმატებლად დასრულდა ერთა ლიგის ახალი გათამაშების პირველი მატჩიც ჩრდილოეთ ირლანდიის წინააღმდეგ (0:1), რის შემდეგაც ნაკრები დაემშვიდობა მწვრთნელს, რომელმაც გულშემატკივრებს დამოუკიდებელი საქართველოს ისტორიაში ერთ-ერთი ყველაზე შთამბეჭდავი გამარჯვება აჩუქარამაზ სვანაძე ნაკრებს 2028 წლის ბოლომდე უხელმძღვანელებს. მან მწვრთნელობა „დინამო თბილისში“ დაიწყო. ხელმძღვანელობდა საქართველოს 21-წლამდელთა ნაკრებს, რომელმაც მისი თაოსნობით ევროპის ჩემპიონატის ფინალურ ეტაპზე ორჯერ ითამაშა.წინა მატჩმა ნაკრებს დამატებითი პრობლემები შექმნა: მცველებმა - ლუკა ლოჩოშვილმა და საბა გოგლიჩიძემ თამაშის მიწურულს ტრავმები მიიღეს, რის გამოც უკრაინასთან მატჩში მათი მონაწილეობა საეჭვოა. სვანაძემ გარკვეულ ცვლილებებს, შესაძლოა, ნახევარდაცვაშიც მიმართოს და დაცვითი სტილის ანრი მექვაბიშვილის ნაცვლად, უფრო შემტევი ოთარ კიტეიშვილი ათამაშოს.უკრაინის ნაკრების პრობლემებიანდრეა მალდერას სადებიუტო მატჩში უკრაინის ნაკრებმა ბუდაპეშტში უნგრეთი ანგარიშით 1:0 დაამარცხა. ანგარიშის გახსნის შემდეგ, უკრაინელებმა მეტოქეს ინიციატივა დაუთმეს და დიდწილად მათი შეტევების მოგერიებას ცდილობდნენ. ვითარებას შემადგენლობასთან დაკავშირებული პრობლემებიც ართულებს. დოვბიკი და იარმოლიუკი ტრავმირებული არიან, ანდრიევსკიმ ოპერაცია გაიკეთა, ნაზარენკო კი უნგრეთთან მატჩის მიწურულს მიღებული წითელი ბარათის გამო დისკვალიფიცირებულია.არბიტრი აზერბაიჯანიდანმატჩის მთავარი მსაჯი ალიარ აგაევი იქნება, რომელიც აზერბაიჯანის ჩემპიონატის გასულ სეზონში ერთ-ერთი ყველაზე მკაცრი არბიტრი იყო (საშუალოდ 4,77 ყვითელი ბარათი შეხვედრაში). 13 მატჩში მან 6 ფეხბურთელი გააძევა და 5 პენალტი დანიშნა.საერთაშორისო მატჩებში აგაევი საშუალოდ 3,43 გაფრთხილებასა და 24,14 ჯარიმას აფიქსირებს, ხოლო 14 საერთაშორისო შეხვედრაში 6 პენალტი დანიშნა.
საქართველო
უკრაინა
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ქართულ–უკრაინული ურთიერთობები, უკრაინა , სპორტი, საზოგადოება, ახალი ამბები
საქართველო, ქართულ–უკრაინული ურთიერთობები, უკრაინა , სპორტი, საზოგადოება, ახალი ამბები
საქართველო უეფას ერთა ლიგაზე უკრაინას დაუპირისპირდება: მატჩის ანონსი
დღევანდელ შეხვედრას ნაკრები ახალი მთავარი მწვრთნელით ხვდება
თბილისი, 28 სექტემბერი — Sputnik.საქართველოს ფეხბურთის ეროვნული ნაკრები ერთა ლიგის მეორე ტურში უკრაინის გუნდს უმასპინძლებს.
შეხვედრა 28 სექტემბერს „დინამო არენაზე" 20:00 საათზე დაიწყება.
პირველ მატჩში - ჩრდილოეთ ირლანდიასთან წარუმატებელი სტარტის (0:1) შემდეგ ნაკრები გულშემატკივრების წინაშე რეაბილიტაციას შეეცდება.
საქართველოს ეროვნულმა ნაკრებმა უკრაინის წინააღმდეგ 11 მატჩი გამართა, თუმცა გამარჯვება ვერცერთხელ მოიპოვა — გუნდმა შვიდი შეხვედრა დათმო, ოთხი კი ფრედ დაასრულა. გუნდები ერთმანეთს ერთა ლიგის წინა გათამაშებაშიც დაუპირისპირდნენ: სტუმრად მინიმალური სხვაობით (1:0) გაიმარჯვეს, ხოლო საშინაო მატჩი ფრედ (1:1) დასრულდა.
დღევანდელ შეხვედრას „ჯვაროსნები“ ახალი მთავარი მწვრთნელით ხვდებიან. საქართველოს ნაკრებში ვილი სანიოლის ეპოქა დასრულდა - ჩრდილოეთ ირლანდიასთან საშინაო მარცხის შემდეგ, ფრანგმა სპეციალისტმა თანამდებობა დატოვა, მთავარი მწვრთნელის პოსტზე კი რამაზ სვანაძე დაინიშნა.
სვანაძეს, რომელიც მანამდე ახალგაზრდული ნაკრების მწვრთნელი იყო, რთული მისია დაეკისრა – გულშემატკივარი იმ წარმატების განვითარებას ელის, რომელიც საქართველოს ნაკრებში სანიოლის მოსვლის (2021 წლის თებერვლიდან) შემდეგ დაიწყო და 2024 წელს, ისტორიაში პირველად, ევროპის ჩემპიონატის ფინალურ ეტაპზე თამაშით დაგვირგვინდა – სანიოლის გაწვრთნილმა გუნდმა კონტინენტის პირველობის 16 საუკეთესო ნაკრებს შორის მოხვედრაც მოახერხა.
ევრო-2024-ის შემდეგ გუნდმა დაღმასვლა დაიწყო, საქართველოს ნაკრებმა ზედიზედ ორი შესარჩევი ციკლი ჩააგდო – ერთა ლიგის 2024-25 წლების სეზონი და 2026 წლის მსოფლიო ჩემპიონატის საკვალიფიკაციო ეტაპი. წარუმატებლად დასრულდა ერთა ლიგის ახალი გათამაშების პირველი მატჩიც ჩრდილოეთ ირლანდიის წინააღმდეგ (0:1), რის შემდეგაც ნაკრები დაემშვიდობა მწვრთნელს, რომელმაც გულშემატკივრებს დამოუკიდებელი საქართველოს ისტორიაში ერთ-ერთი ყველაზე შთამბეჭდავი გამარჯვება აჩუქა
რამაზ სვანაძე ნაკრებს 2028 წლის ბოლომდე უხელმძღვანელებს. მან მწვრთნელობა „დინამო თბილისში“ დაიწყო. ხელმძღვანელობდა საქართველოს 21-წლამდელთა ნაკრებს, რომელმაც მისი თაოსნობით ევროპის ჩემპიონატის ფინალურ ეტაპზე ორჯერ ითამაშა.
წინა მატჩმა ნაკრებს დამატებითი პრობლემები შექმნა: მცველებმა - ლუკა ლოჩოშვილმა და საბა გოგლიჩიძემ თამაშის მიწურულს ტრავმები მიიღეს, რის გამოც უკრაინასთან მატჩში მათი მონაწილეობა საეჭვოა.
სვანაძემ გარკვეულ ცვლილებებს, შესაძლოა, ნახევარდაცვაშიც მიმართოს და დაცვითი სტილის ანრი მექვაბიშვილის ნაცვლად, უფრო შემტევი ოთარ კიტეიშვილი ათამაშოს.
უკრაინის ნაკრების პრობლემები
ანდრეა მალდერას სადებიუტო მატჩში უკრაინის ნაკრებმა ბუდაპეშტში უნგრეთი ანგარიშით 1:0 დაამარცხა. ანგარიშის გახსნის შემდეგ, უკრაინელებმა მეტოქეს ინიციატივა დაუთმეს და დიდწილად მათი შეტევების მოგერიებას ცდილობდნენ.
ვითარებას შემადგენლობასთან დაკავშირებული პრობლემებიც ართულებს. დოვბიკი და იარმოლიუკი ტრავმირებული არიან, ანდრიევსკიმ ოპერაცია გაიკეთა, ნაზარენკო კი უნგრეთთან მატჩის მიწურულს მიღებული წითელი ბარათის გამო დისკვალიფიცირებულია.
მატჩის მთავარი მსაჯი ალიარ აგაევი იქნება, რომელიც აზერბაიჯანის ჩემპიონატის გასულ სეზონში ერთ-ერთი ყველაზე მკაცრი არბიტრი იყო (საშუალოდ 4,77 ყვითელი ბარათი შეხვედრაში). 13 მატჩში მან 6 ფეხბურთელი გააძევა და 5 პენალტი დანიშნა.
საერთაშორისო მატჩებში აგაევი საშუალოდ 3,43 გაფრთხილებასა და 24,14 ჯარიმას აფიქსირებს, ხოლო 14 საერთაშორისო შეხვედრაში 6 პენალტი დანიშნა.
