https://sputnik-georgia.com/20260925/tbilservis-jgufis-avtoparks-kidev-40-mde-specteqnika-daemata-300806182.html
„თბილსერვის ჯგუფის“ ავტოპარკს კიდევ 40-მდე ერთეული სპეცტექნიკა დაემატა
„თბილსერვის ჯგუფის“ ავტოპარკს კიდევ 40-მდე ერთეული სპეცტექნიკა დაემატა
Sputnik საქართველო
„თბილსერვის ჯგუფის" განახლებული ტექნიკა თბილისის მერმა წარადგინა. 25.09.2026-ს, Sputnik საქართველო
2026-09-25T15:32+0400
2026-09-25T15:32+0400
2026-09-25T15:32+0400
ახალი ამბები
საქართველო
თბილისი დღეს
თბილისის მერია
საზოგადოება
https://cdnn1.img.sputnik-georgia.com/img/23692/04/236920454_0:63:1200:738_1920x0_80_0_0_fadb1ed6f3847d171f65a05fa121dd83.jpg
თბილისი, 25 სექტემბერი - Sputnik. დედაქალაქში დასუფთავების ხარისხის ამაღლების უზრუნველსაყოფად, „თბილსერვის ჯგუფის“ ავტოპარკს სხვადასხვა მარკის 40-მდე ერთეული სპეცტექნიკა დაემატა, ნათქვამია თბილისის მერიის მიერ გავრცელებულ განცხადებაში.როგორც დედქალაქის მერმა კახა კალაძემ აღნიშნა, ქალაქის სისუფთავეზე ზრუნვა მხოლოდ ადამიანური რესურსით ვერ მიიღწევა, საჭიროა ტექნიკის განახლება, რომელიც მომავალშიც აქტიურად გაგრძელდება.„თბილისი ქართული კულტურისა და ჩვენი ქვეყნის ისტორიის ანარეკლია. შესაბამისად, ამ ქალაქის მოვლა-პატრონობა უდიდესი პატივი და კიდევ უფრო დიდი პასუხისმგებლობაა. ამასთან, თბილისი თანამედროვე ქალაქია, რომელიც იზრდება და ვითარდება. გვემატება ახალი უბნები, ახალი სივრცეები, იზრდება მოსახლეობის რიცხვი, ყოველწლიურად იმატებს ტურისტების რაოდენობა. სწორედ ამიტომ, ქალაქის განვითარებასთან ერთად, კიდევ უფრო მნიშვნელოვანი ხდება მისი მოვლა და სისუფთავის ხარისხის უზრუნველყოფა“, - განაცხადა მერმა.კალაძის განცხადებით, სუფთა და მოწესრიგებული ქალაქი იმ კულტურის გაგრძელებაა, რომელიც ყოველთვის ჰქონდა თბილისს და თბილისელებს.„ყველაზე მთავარია, თბილისმა შეინარჩუნოს ის განსაკუთრებული სახე და ცხოვრების ხარისხი, რომლითაც ამაყობენ თბილისელები და რომელსაც ჩვენი ქალაქის ვიზიტორები იმახსოვრებენ. სუფთა, მოწესრიგებული, მოვლილი გარემო თბილისის კულტურის ნაწილია, რის შესანარჩუნებლადაც ჩვენ ყველაფერს გავაკეთებთ და გავაკეთებთ მომავალში“, – განაცხადა დედაქალაქის მერმა.მერიის ცნობით, ბოლო წელიწადნახევრის განმავლობაში შპს „ჯი-თი გრუპისა“ და შპს „თეგეტას“ მიერ მუნიციპალიტეტისთვის მოწოდებულია 23 მლნ ლარზე მეტი ღირებულების 60 ერთეული ახალი სპეციალიზებული ტექნიკა, რომელიც მაღალი სტანდარტით გამოირჩევა და გააჩნია შესაბამისი სერტიფიკატები.დამატებით შესყიდული შვიდი ერთეული ტექნიკიდან დედაქალაქში უკვე შემოსულია „საგმოტოს“ მარკის ორი სპეციალიზებული ტექნიკა, ხოლო დარჩენილი, „ფორდის“ მარკის ხუთი ერთეული სპეცტექნიკა თბილისში 2027 წელს შემოვა. აღნიშნული შესყიდვის ღირებულება 3 მლნ ლარია.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, თბილისი დღეს, თბილისის მერია, საზოგადოება
ახალი ამბები, საქართველო, თბილისი დღეს, თბილისის მერია, საზოგადოება
„თბილსერვის ჯგუფის“ ავტოპარკს კიდევ 40-მდე ერთეული სპეცტექნიკა დაემატა
„თბილსერვის ჯგუფის" განახლებული ტექნიკა თბილისის მერმა წარადგინა.
თბილისი, 25 სექტემბერი - Sputnik. დედაქალაქში დასუფთავების ხარისხის ამაღლების უზრუნველსაყოფად, „თბილსერვის ჯგუფის“ ავტოპარკს სხვადასხვა მარკის 40-მდე ერთეული სპეცტექნიკა დაემატა, ნათქვამია თბილისის მერიის მიერ გავრცელებულ განცხადებაში.
როგორც დედქალაქის მერმა კახა კალაძემ აღნიშნა, ქალაქის სისუფთავეზე ზრუნვა მხოლოდ ადამიანური რესურსით ვერ მიიღწევა, საჭიროა ტექნიკის განახლება, რომელიც მომავალშიც აქტიურად გაგრძელდება.
„თბილისი ქართული კულტურისა და ჩვენი ქვეყნის ისტორიის ანარეკლია. შესაბამისად, ამ ქალაქის მოვლა-პატრონობა უდიდესი პატივი და კიდევ უფრო დიდი პასუხისმგებლობაა. ამასთან, თბილისი თანამედროვე ქალაქია, რომელიც იზრდება და ვითარდება. გვემატება ახალი უბნები, ახალი სივრცეები, იზრდება მოსახლეობის რიცხვი, ყოველწლიურად იმატებს ტურისტების რაოდენობა. სწორედ ამიტომ, ქალაქის განვითარებასთან ერთად, კიდევ უფრო მნიშვნელოვანი ხდება მისი მოვლა და სისუფთავის ხარისხის უზრუნველყოფა“, - განაცხადა მერმა.
კალაძის განცხადებით, სუფთა და მოწესრიგებული ქალაქი იმ კულტურის გაგრძელებაა, რომელიც ყოველთვის ჰქონდა თბილისს და თბილისელებს.
„ყველაზე მთავარია, თბილისმა შეინარჩუნოს ის განსაკუთრებული სახე და ცხოვრების ხარისხი, რომლითაც ამაყობენ თბილისელები და რომელსაც ჩვენი ქალაქის ვიზიტორები იმახსოვრებენ. სუფთა, მოწესრიგებული, მოვლილი გარემო თბილისის კულტურის ნაწილია, რის შესანარჩუნებლადაც ჩვენ ყველაფერს გავაკეთებთ და გავაკეთებთ მომავალში“, – განაცხადა დედაქალაქის მერმა.
მერიის ცნობით, ბოლო წელიწადნახევრის განმავლობაში შპს „ჯი-თი გრუპისა“ და შპს „თეგეტას“ მიერ მუნიციპალიტეტისთვის მოწოდებულია 23 მლნ ლარზე მეტი ღირებულების 60 ერთეული ახალი სპეციალიზებული ტექნიკა, რომელიც მაღალი სტანდარტით გამოირჩევა და გააჩნია შესაბამისი სერტიფიკატები.
დამატებით შესყიდული შვიდი ერთეული ტექნიკიდან დედაქალაქში უკვე შემოსულია „საგმოტოს“ მარკის ორი სპეციალიზებული ტექნიკა, ხოლო დარჩენილი, „ფორდის“ მარკის ხუთი ერთეული სპეცტექნიკა თბილისში 2027 წელს შემოვა. აღნიშნული შესყიდვის ღირებულება 3 მლნ ლარია.
