https://sputnik-georgia.com/20260925/---phoenix-express-2026----300806342.html
სასაზღვრო პოლიციის თანამშრომლებმა Phoenix Express 2026-ში მიიღეს მონაწილეობა
სასაზღვრო პოლიციის თანამშრომლებმა Phoenix Express 2026-ში მიიღეს მონაწილეობა
Sputnik საქართველო
სწავლების მიზანს საზღვაო უსაფრთხოების სფეროში მონაწილე ქვეყნებს შორის თანამშრომლობის, ინფორმაციის გაცვლისა და ოპერატიული კოორდინაციის გაძლიერება წარმოადგენდა. 25.09.2026-ს, Sputnik საქართველო
2026-09-25T17:04+0400
2026-09-25T17:04+0400
2026-09-25T17:04+0400
ახალი ამბები
საქართველო
საქართველოს სასაზღვრო პოლიცია
საქართველოს თავდაცვა
https://cdnn1.img.sputnik-georgia.com/img/07e5/0b/0d/262036804_0:1:2444:1376_1920x0_80_0_0_8befd1e068eaba0343aacf5ec0bb5b1e.png
თბილისი, 25 სექტემბერი— Sputnik. სასაზღვრო პოლიციის სანაპირო დაცვის წარმომადგენლებმა ტუნისში გამართულ მრავალეროვნულ საზღვაო სწავლებაში Phoenix Express 2026 მიიღეს მონაწილეობა, ნათქვამია სასაზღვრო პოლიციის მიერ გავრცელებულ განცხადებაში.Phoenix Express- – საერთაშორისო საზღვაო სწავლება მიზნად ისახავდა აშშ-ის, აფრიკელი პარტნიორების, მოკავშირეებისა და საერთაშორისო ორგანიზაციების საზღვაო და სამართალდამცავ ძალებს შორის ურთიერთთავსებადობის გაძლიერებას.უწყების ცნობით, სწავლება ევროპასა და აფრიკაში ამერიკის შეერთებული შტატების საზღვაო სარდლობის მიერ იყო ორგანიზებული.საქართველოს სასაზღვრო პოლიციის სანაპირო დაცვის თანამშრომლები სწავლებაში ინსტრუქტორების სტატუსით მონაწილეობდნენ და აბორდაჟისა და მრავალეროვნული სასწავლო ცენტრის მიმართულებებით იყვნენ ჩართულნი.სწავლების საზღვაო კომპონენტი მოიცავდა სხვადასხვა ქვეყნის საზღვაო ძალებს შორის ინფორმაციისა და მონაცემების გაცვლას, საზღვაო სივრცის კონტროლს, საეჭვო გემების აღმოჩენასა და შემოწმებას, გემზე ასვლის, ჩხრეკისა და კონტროლის დამყარების პროცედურების განხორციელებას, ასევე სამძებრო-სამაშველო ოპერაციებს, ასაფეთქებელი მოწყობილობების გაუვნებელყოფასა და ქიმიური, ბიოლოგიური, რადიოლოგიური და ბირთვული საფრთხეებისგან დაცვის მიმართულებით წვრთნებს.12-დღიანი სწავლება ტუნისის სამხედრო-საზღვაო ძალების მასპინძლობით ჩატარდა. მასში ჩრდილოეთ აფრიკის, ევროპის, თურქეთისა და ამერიკის შეერთებული შტატების საზღვაო ძალების წარმომადგენლები მონაწილეობდნენ.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს სასაზღვრო პოლიცია , საქართველოს თავდაცვა
ახალი ამბები, საქართველო, საქართველოს სასაზღვრო პოლიცია , საქართველოს თავდაცვა
სასაზღვრო პოლიციის თანამშრომლებმა Phoenix Express 2026-ში მიიღეს მონაწილეობა
სწავლების მიზანს საზღვაო უსაფრთხოების სფეროში მონაწილე ქვეყნებს შორის თანამშრომლობის, ინფორმაციის გაცვლისა და ოპერატიული კოორდინაციის გაძლიერება წარმოადგენდა.
თბილისი, 25 სექტემბერი— Sputnik. სასაზღვრო პოლიციის სანაპირო დაცვის წარმომადგენლებმა ტუნისში გამართულ მრავალეროვნულ საზღვაო სწავლებაში Phoenix Express 2026 მიიღეს მონაწილეობა, ნათქვამია სასაზღვრო პოლიციის მიერ გავრცელებულ განცხადებაში.
Phoenix Express- – საერთაშორისო საზღვაო სწავლება მიზნად ისახავდა აშშ-ის, აფრიკელი პარტნიორების, მოკავშირეებისა და საერთაშორისო ორგანიზაციების საზღვაო და სამართალდამცავ ძალებს შორის ურთიერთთავსებადობის გაძლიერებას.
უწყების ცნობით, სწავლება ევროპასა და აფრიკაში ამერიკის შეერთებული შტატების საზღვაო სარდლობის მიერ იყო ორგანიზებული.
„სწავლების მიზანს საზღვაო უსაფრთხოების სფეროში მონაწილე ქვეყნებს შორის თანამშრომლობის, ინფორმაციის გაცვლისა და ოპერატიული კოორდინაციის გაძლიერება წარმოადგენდა“, - ნათქვამია განცხადებაში.
საქართველოს სასაზღვრო პოლიციის სანაპირო დაცვის თანამშრომლები სწავლებაში ინსტრუქტორების სტატუსით მონაწილეობდნენ და აბორდაჟისა და მრავალეროვნული სასწავლო ცენტრის მიმართულებებით იყვნენ ჩართულნი.
სწავლების საზღვაო კომპონენტი მოიცავდა სხვადასხვა ქვეყნის საზღვაო ძალებს შორის ინფორმაციისა და მონაცემების გაცვლას, საზღვაო სივრცის კონტროლს, საეჭვო გემების აღმოჩენასა და შემოწმებას, გემზე ასვლის, ჩხრეკისა და კონტროლის დამყარების პროცედურების განხორციელებას, ასევე სამძებრო-სამაშველო ოპერაციებს, ასაფეთქებელი მოწყობილობების გაუვნებელყოფასა და ქიმიური, ბიოლოგიური, რადიოლოგიური და ბირთვული საფრთხეებისგან დაცვის მიმართულებით წვრთნებს.
12-დღიანი სწავლება ტუნისის სამხედრო-საზღვაო ძალების მასპინძლობით ჩატარდა. მასში ჩრდილოეთ აფრიკის, ევროპის, თურქეთისა და ამერიკის შეერთებული შტატების საზღვაო ძალების წარმომადგენლები მონაწილეობდნენ.
