რუმინეთი: პირუტყვის ექსპორტის აკრძალვამ პროტესტი და შეტაკებები გამოიწვია

პროტესტი ვიქტორიას მოედანზე, მთავრობის შენობის მოპირდაპირედ მდებარე ბუნების ისტორიის მუზეუმთან დაიწყო.

მონაწილეთა უმრავლესობას რუმინეთის დროშები და მწყემსის კომბლები ეჭირა ხელში, ზოგიერთი კი ცხვრის ტყავის ნაბადში იყო გამოწყობილი.

რამდენიმე ათასი ფერმერის საპროტესტო აქცია მსხვილფეხა რქოსანი პირუტყვის ექსპორტის დროებითი აკრძალვის წინააღმდეგ.

სიტუაცია მას შემდეგ გამწვავდა, რაც ზოგიერთმა დემონსტრანტმა, რომლებიც მსხვილფეხა რქოსანი პირუტყვის ექსპორტის აკრძალვას აპროტესტებდა, ძალოვანების მიმართულებით სხვადასხვა საგნების სროლა დაიწყო.

პოლიციამ დემონსტრანტების წინააღმდეგ ცრემლმდენი გაზი გამოიყენა.

ბუქარესტში ფერმერთა საპროტესტო აქციის მონაწილე პოლიციის მისამართით ქვას ისვრის.

ფერმერებმა განაცხადეს, რომ ბუქარესტში დარჩებიან და პროტესტს გააგრძელებენ.

ივნისშიევროკომისიამ რუმინეთიდან ცხვრისა და თხის ექსპორტის აკრძალვის ვადის 2026 წლის ბოლომდე გაახანგრძლივა - გადაწყვეტილების მიზეზი გახდა ქვეყანაში გავრცელებული წვრილფეხა საქონლის ჭირი.

სოფლის მეურნეობის დარგის წარმომადგენლები საქონლის დაგეგმილი სავალდებულო ვაქცინაციის წინააღმდეგ გამოდიან და იმ ცხოველების გამო კომპენსაციას ითხოვენ, რომელთა იძულებითი დაკვლაც მოუწიათ.