https://sputnik-georgia.com/20260916/liluashvils-13-wlit-patimroba-miesaja-300633892.html
გრიგოლ ლილუაშვილს 13 წლით თავისუფლების აღკვეთა მიესაჯა
გრიგოლ ლილუაშვილს 13 წლით თავისუფლების აღკვეთა მიესაჯა
Sputnik საქართველო
სუს-ის ყოფილი უფროსი გრიგოლ ლილუაშვილი გასული წლის 23 დეკემბერს დააკავეს. 16.09.2026-ს, Sputnik საქართველო
2026-09-16T18:44+0400
2026-09-16T18:44+0400
2026-09-16T18:44+0400
საქართველო
თბილისის საქალაქო სასამართლო
კრიმინალი საქართველოში
საქართველოს სახელმწიფო უსაფრთხოების სამსახური - სუსი
გახმაურებული სასამართლო პროცესები
ახალი ამბები
https://cdnn1.img.sputnik-georgia.com/img/24668/85/246688534_0:0:1201:676_1920x0_80_0_0_55ec6b2d87ad681b7ad3b12ecb087cd7.jpg
თბილისი, 16 სექტემბერი — Sputnik. თბილისის საქალაქო სასამართლომ კორუფციულ დანაშაულში ბრალდებული, სუს-ის ყოფილი უფროსი გრიგოლ ლილუაშვილი დამნაშავედ ცნო და 13 წლით თავისუფლების აღკვეთა მიესაჯა.აღნიშნული გადაწყვეტილება თბილისის საქალაქო სასამართლოს მოსამართლე ნინო თარაშვილმა მიიღო - მოსამართლის განაჩენის თანახმად, ლილუაშვილი დამნაშავედ იქნა ცნობილი ბრალად წარდგენილ ოთხივე ეპიზოდში: ბაგა-ბაღების საგენტოს, თაღლითური „ქოლ-ცენტრებისა“ და ეკონომიკის მინისტრის მოადგილე რომეო მიქაუტაძის დახმარებით ქრთამის აღების 2 ეპიზოდზე. ეპიზოდი პირველი: 2022 წლის ოქტომბერში გრიგოლ ლილუაშვილმა ეკონომიკის მინისტრის იმჟამინდელი პირველი მოადგილის რომეო მიქაუტაძის მეშვეობით თურქი ინვესტორისგან, ჩაღათაი ულქერისგან ქრთამის სახით 1 მლნ დოლარი აიღო. ქრთამის სანაცვლოდ ლილუაშვილს ლობირება უნდა გაეწია თურქი ინვესტორისთვის ქარის ელექტროსადგურების მშენებლობასთან დაკავშირებული თანამშრომლობის მემორანდუმის გაფორმებისთვის. [1, 2]მეორე ეპიზოდი: 2022 წლის თებერვალში, ასევე რომეო მიქაუტაძის შუამავლობით, ლილუაშვილმა კომპანია „ექსპრესსერვისი 2008-ის“ დამფუძნებლისგან, გიორგი ხაჟალიასგან, ტენდერებში დახმარების სანაცვლოდ 1,5 მლნ ლარი აიღო.მესამე ეპიზოდი: ეხება 2021–2023 წლებს, როდესაც საკუთარი ნათესავის (სანდრო ლილუაშვილის) შუამავლობით, ქვეყანაში მოქმედი არალეგალური „ქოლ-ცენტრების" მფარველობისთვის მიიღო დაახლოებით 1,365,000 დოლარი.მოწმეთა ჩვენებების თანახმად, ამ „ქოლ-ცენტრების“ აბსოლუტური უმრავლესობა ეკუთვნოდა პირთა ჯგუფს, რომლებიც მიღებული შემოსავლებით სხვადასხვა ოპოზიციურ მედიას აფინანსებდა, „ქოლ-ცენტრების" შედარებით მცირე ნაწილის მთავარი მფარველი გრიგოლ ლილუაშვილი იყო.გამოძიების ცნობით, სწორედ გრიგოლ ლილუაშვილი ახორციელებდა ამ საქმიანობას თავისი ნათესავის, სანდრო ლილუაშვილის მეშვეობით. აღნიშნული დანაშაულებრივი საქმიანობის შედეგად, სუს-ის უფროსმა სანდრო ლილუაშვილის შუამავლობით ქრთამის სახით დაახლოებით 1,4 მლნ დოლარი მიიღო.მეოთხე ეპიზოდი: ლილუაშვილი, საკუთარი სამსახურებრივი მდგომარეობის გამოყენებით და ქრთამის სანაცვლოდ, მფარველობდა თავის მეგობარს, თბილისის მერიის საბავშვო ბაგა-ბაღების მართვის სააგენტოს ყოფილ დირექტორს, კახა გვანცელაძეს. ამასთან, თავად გვანცელაძე იღებდა განსაკუთრებით დიდი ოდენობით ქრთამს სამეწარმეო ორგანიზაციებისგან საბავშვო ბაღებისთვის პროდუქციის შესყიდვის შესახებ ხელშეკრულებების გაფორმებისას.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისის საქალაქო სასამართლო, კრიმინალი საქართველოში, საქართველოს სახელმწიფო უსაფრთხოების სამსახური - სუსი, გახმაურებული სასამართლო პროცესები, ახალი ამბები
საქართველო, თბილისის საქალაქო სასამართლო, კრიმინალი საქართველოში, საქართველოს სახელმწიფო უსაფრთხოების სამსახური - სუსი, გახმაურებული სასამართლო პროცესები, ახალი ამბები
გრიგოლ ლილუაშვილს 13 წლით თავისუფლების აღკვეთა მიესაჯა
სუს-ის ყოფილი უფროსი გრიგოლ ლილუაშვილი გასული წლის 23 დეკემბერს დააკავეს.
თბილისი, 16 სექტემბერი — Sputnik. თბილისის საქალაქო სასამართლომ კორუფციულ დანაშაულში ბრალდებული, სუს-ის ყოფილი უფროსი გრიგოლ ლილუაშვილი დამნაშავედ ცნო და 13 წლით თავისუფლების აღკვეთა მიესაჯა.
აღნიშნული გადაწყვეტილება თბილისის საქალაქო სასამართლოს მოსამართლე ნინო თარაშვილმა მიიღო - მოსამართლის განაჩენის თანახმად, ლილუაშვილი დამნაშავედ იქნა ცნობილი ბრალად წარდგენილ ოთხივე ეპიზოდში: ბაგა-ბაღების საგენტოს, თაღლითური „ქოლ-ცენტრებისა“ და ეკონომიკის მინისტრის მოადგილე რომეო მიქაუტაძის დახმარებით ქრთამის აღების 2 ეპიზოდზე.
ეპიზოდი პირველი: 2022 წლის ოქტომბერში გრიგოლ ლილუაშვილმა ეკონომიკის მინისტრის იმჟამინდელი პირველი მოადგილის რომეო მიქაუტაძის მეშვეობით თურქი ინვესტორისგან, ჩაღათაი ულქერისგან ქრთამის სახით 1 მლნ დოლარი აიღო. ქრთამის სანაცვლოდ ლილუაშვილს ლობირება უნდა გაეწია თურქი ინვესტორისთვის ქარის ელექტროსადგურების მშენებლობასთან დაკავშირებული თანამშრომლობის მემორანდუმის გაფორმებისთვის. [
1,
2]
მეორე ეპიზოდი: 2022 წლის თებერვალში, ასევე რომეო მიქაუტაძის შუამავლობით, ლილუაშვილმა კომპანია „ექსპრესსერვისი 2008-ის“ დამფუძნებლისგან, გიორგი ხაჟალიასგან, ტენდერებში დახმარების სანაცვლოდ 1,5 მლნ ლარი აიღო.
მესამე ეპიზოდი: ეხება 2021–2023 წლებს, როდესაც საკუთარი ნათესავის (სანდრო ლილუაშვილის) შუამავლობით, ქვეყანაში მოქმედი არალეგალური „ქოლ-ცენტრების" მფარველობისთვის მიიღო დაახლოებით 1,365,000 დოლარი.
მოწმეთა ჩვენებების თანახმად, ამ „ქოლ-ცენტრების“ აბსოლუტური უმრავლესობა ეკუთვნოდა პირთა ჯგუფს, რომლებიც მიღებული შემოსავლებით სხვადასხვა ოპოზიციურ მედიას აფინანსებდა, „ქოლ-ცენტრების" შედარებით მცირე ნაწილის მთავარი მფარველი გრიგოლ ლილუაშვილი იყო.
გამოძიების ცნობით, სწორედ გრიგოლ ლილუაშვილი ახორციელებდა ამ საქმიანობას თავისი ნათესავის, სანდრო ლილუაშვილის მეშვეობით. აღნიშნული დანაშაულებრივი საქმიანობის შედეგად, სუს-ის უფროსმა სანდრო ლილუაშვილის შუამავლობით ქრთამის სახით დაახლოებით 1,4 მლნ დოლარი მიიღო.
მეოთხე ეპიზოდი: ლილუაშვილი, საკუთარი სამსახურებრივი მდგომარეობის გამოყენებით და ქრთამის სანაცვლოდ, მფარველობდა თავის მეგობარს, თბილისის მერიის საბავშვო ბაგა-ბაღების მართვის სააგენტოს ყოფილ დირექტორს, კახა გვანცელაძეს. ამასთან, თავად გვანცელაძე იღებდა განსაკუთრებით დიდი ოდენობით ქრთამს სამეწარმეო ორგანიზაციებისგან საბავშვო ბაღებისთვის პროდუქციის შესყიდვის შესახებ ხელშეკრულებების გაფორმებისას.
