https://sputnik-georgia.com/20260913/kushneri-ashsh-konpliqtis-mogvarebis-nabijebs-gamoacxadebs-300570964.html
კუშნერი: აშშ უახლოეს მომავალში გამოაცხადებს უკრაინის კონფლიქტის მოგვარების შემდეგ ნაბიჯებს
კუშნერი: აშშ უახლოეს მომავალში გამოაცხადებს უკრაინის კონფლიქტის მოგვარების შემდეგ ნაბიჯებს
Sputnik საქართველო
კუშნერის თქმით, აშშ-მ უკრაინის კონფლიქტის ისეთი ვარიანტის შემუშავებას უნდა შეუწყოს ხელი, რომელიც მოსკოვისა და კიევისთვის მისაღები იქნება. 13.09.2026-ს, Sputnik საქართველო
2026-09-13T14:12+0400
2026-09-13T14:12+0400
2026-09-13T14:12+0400
მსოფლიო დღეს
აშშ
რუსეთ-უკრაინის კონფლიქტი
რუსეთი
უკრაინა
პოლიტიკა
მსოფლიოს ახალი ამბები
https://cdnn1.img.sputnik-georgia.com/img/07ea/09/0d/300567728_0:17:3158:1793_1920x0_80_0_0_6d78e3a6e0154d2f052238cc3e3d759f.jpg
თბილისი, 13 სექტემბერი — Sputnik. აშშ-ის პრეზიდენტ დონალდ ტრამპის სიძე ჯარედ კუშნერი იმედს გამოთქვამს, რომ შეერთებული შტატები უახლოეს მომავალში გამოაცხადებს უკრაინის კონფლიქტის მოგვარების შემდეგ ნაბიჯებს, იუწყება უკრაინული მედია კუშნერის სიტყვებზე დაყრდნობით, რომელიც მან კიევის ფორუმზე ვიდეოკავშირის საშუალებით გამოსვლისას გააკეთა.კუშნერმა ასევე განაცხადა, რომ აშშ ხედავს კონფლიქტის მოგვარების მცდელობების მზაობას როგორც უკრაინის, ისე რუსეთის ფედერაციის მხრიდან.კუშნერის თქმით, აშშ-მ უკრაინის კონფლიქტის ისეთი ვარიანტის შემუშავებას უნდა შეუწყოს ხელი, რომელიც მოსკოვისა და კიევისთვის მისაღები იქნება.„მაგრამ ჩვენი, როგორც შუამავლის ამოცანაა — ვიმუშაოთ ორივე მხარესთან, განვამტკიცოთ ნდობა, მოვუსმინოთ ორივე მხარეს, ვეძებოთ საერთო ენის გამონახვის წერტილები, შემდეგ კი ვეძებოთ შეთანხმების მიღწევის შესაძლებლობა ან, ზოგიერთ შემთხვევაში, შევქმნათ ასეთი შესაძლებლობა“, — განაცხადა კუშნერმა.მთლიანობაში მან უკრაინის კონფლიქტის მოგვარების განსახილველად მოსკოვსა და კიევში განხორციელებულ ვიზიტებს წარმატებული უწოდა.მისი თქმით, ამ შეხვედრების შედეგად აშშ-მა მიიღო მკაფიო წარმოდგენა იმის შესახებ, თუ რამ შეიძლება მიიყვანოს კონფლიქტი გრძელვადიან მოგვარებამდე. გარდა ამისა, მან აღნიშნა, რომ შეხვედრების შედეგად გაჩნდა ახალი იდეები, რომლებიც, შესაძლოა, უახლოეს მომავალში სამმხრივი შეხვედრის დროს იქნას განხილული.თავის მხრივ, რუსეთის პრეზიდენტის სპეცწარმომადგენელი უცხოურ ინვესტიციებსა და ეკონომიკური თანამშრომლობის საკითხებში, რუსეთის პირდაპირი ინვესტიციების ფონდის (RDIF) ხელმძღვანელი კირილ დმიტრიევი მიიჩნევს, რომ კუშნერს კარგად ესმის რუსეთის პოზიცია უკრაინის საკითხთან დაკავშირებით და შეძლო კიევამდე მშვიდობიანი მოგვარების რუსული გეგმის მიტანა.5 სექტემბერს კრემლში გაიმართა რუსეთის პრეზიდენტ ვლადიმირ პუტინის მოლაპარაკებები აშშ-ის პრეზიდენტის სპეცწარმომადგენელ სტივ უიტკოფთან და ამერიკის ლიდერის სიძესთან, ჯარედ კუშნერთან. შეხვედრა სამ საათზე მეტხანს გაგრძელდა. პუტინმა შეხვედრაზე ხაზგასმით აღნიშნა უკრაინის კონფლიქტის ყველა გამომწვევი ძირითადი მიზეზის აღმოფხვრის აუცილებლობა.მეორე დღეს დელეგაცია კიევში გაემგზავრა, სადაც ვოლოდიმირ ზელენსკისთან გამართა შეხვედრა. მოლაპარაკებები რამდენიმე ეტაპად წარიმართა, რომელთაგან ერთ-ერთში დიდი ბრიტანეთის, საფრანგეთისა და გერმანიის ფედერაციული რესპუბლიკის წარმომადგენლებიც მონაწილეობდნენ.
აშშ
უკრაინა
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
აშშ , რუსეთ-უკრაინის კონფლიქტი, რუსეთი, უკრაინა , პოლიტიკა, მსოფლიოს ახალი ამბები
აშშ , რუსეთ-უკრაინის კონფლიქტი, რუსეთი, უკრაინა , პოლიტიკა, მსოფლიოს ახალი ამბები
კუშნერი: აშშ უახლოეს მომავალში გამოაცხადებს უკრაინის კონფლიქტის მოგვარების შემდეგ ნაბიჯებს
კუშნერის თქმით, აშშ-მ უკრაინის კონფლიქტის ისეთი ვარიანტის შემუშავებას უნდა შეუწყოს ხელი, რომელიც მოსკოვისა და კიევისთვის მისაღები იქნება.
თბილისი, 13 სექტემბერი — Sputnik. აშშ-ის პრეზიდენტ დონალდ ტრამპის სიძე ჯარედ კუშნერი იმედს გამოთქვამს, რომ შეერთებული შტატები უახლოეს მომავალში გამოაცხადებს უკრაინის კონფლიქტის მოგვარების შემდეგ ნაბიჯებს, იუწყება უკრაინული მედია კუშნერის სიტყვებზე დაყრდნობით, რომელიც მან კიევის ფორუმზე ვიდეოკავშირის საშუალებით გამოსვლისას გააკეთა.
„კუშნერმა ასევე იმედი გამოთქვა, რომ მომდევნო რამდენიმე კვირის განმავლობაში აშშ შეძლებს გამოაცხადოს შემდგომი ნაბიჯები, რომლებიც უკრაინასა და რუსეთს მოლაპარაკებების პროცესთან დააახლოებს“, - აღნიშნავს მედია.
კუშნერმა ასევე განაცხადა, რომ აშშ ხედავს კონფლიქტის მოგვარების მცდელობების მზაობას როგორც უკრაინის, ისე რუსეთის ფედერაციის მხრიდან.
კუშნერის თქმით, აშშ-მ უკრაინის კონფლიქტის ისეთი ვარიანტის შემუშავებას უნდა შეუწყოს ხელი, რომელიც მოსკოვისა და კიევისთვის მისაღები იქნება.
„მაგრამ ჩვენი, როგორც შუამავლის ამოცანაა — ვიმუშაოთ ორივე მხარესთან, განვამტკიცოთ ნდობა, მოვუსმინოთ ორივე მხარეს, ვეძებოთ საერთო ენის გამონახვის წერტილები, შემდეგ კი ვეძებოთ შეთანხმების მიღწევის შესაძლებლობა ან, ზოგიერთ შემთხვევაში, შევქმნათ ასეთი შესაძლებლობა“, — განაცხადა კუშნერმა.
მთლიანობაში მან უკრაინის კონფლიქტის მოგვარების განსახილველად მოსკოვსა და კიევში განხორციელებულ ვიზიტებს წარმატებული უწოდა.
„მე ვიტყოდი, რომ ის (ვიზიტი მოსკოვსა და კიევში – რედ.) ძალიან წარმატებული იყო. ვფიქრობ, ახლა ჩვენ გვაქვს მკაფიო გაგება იმისა, თუ როგორი უნდა იყოს შემდეგი ნაბიჯები“, — განაცხადა კუშნერმა.
მისი თქმით, ამ შეხვედრების შედეგად აშშ-მა მიიღო მკაფიო წარმოდგენა იმის შესახებ, თუ რამ შეიძლება მიიყვანოს კონფლიქტი გრძელვადიან მოგვარებამდე. გარდა ამისა, მან აღნიშნა, რომ შეხვედრების შედეგად გაჩნდა ახალი იდეები, რომლებიც, შესაძლოა, უახლოეს მომავალში სამმხრივი შეხვედრის დროს იქნას განხილული.
თავის მხრივ, რუსეთის პრეზიდენტის სპეცწარმომადგენელი უცხოურ ინვესტიციებსა და ეკონომიკური თანამშრომლობის საკითხებში, რუსეთის პირდაპირი ინვესტიციების ფონდის (RDIF) ხელმძღვანელი კირილ დმიტრიევი მიიჩნევს, რომ კუშნერს კარგად ესმის რუსეთის პოზიცია უკრაინის საკითხთან დაკავშირებით და შეძლო კიევამდე მშვიდობიანი მოგვარების რუსული გეგმის მიტანა.
„ჯარედ კუშნერს კარგად ესმის რუსეთის პოზიცია და უკრაინას მიაწოდა რუსული გეგმა კონფლიქტის მშვიდობიანი მოგვარების შესახებ“, — დაწერა დმიტრიევმა პლატფორმა „მაქსის“ საკუთარ არხზე.
5 სექტემბერს კრემლში გაიმართა რუსეთის პრეზიდენტ ვლადიმირ პუტინის მოლაპარაკებები აშშ-ის პრეზიდენტის სპეცწარმომადგენელ სტივ უიტკოფთან და ამერიკის ლიდერის სიძესთან, ჯარედ კუშნერთან. შეხვედრა სამ საათზე მეტხანს გაგრძელდა. პუტინმა შეხვედრაზე ხაზგასმით აღნიშნა უკრაინის კონფლიქტის ყველა გამომწვევი ძირითადი მიზეზის აღმოფხვრის აუცილებლობა.
მეორე დღეს დელეგაცია კიევში გაემგზავრა, სადაც ვოლოდიმირ ზელენსკისთან გამართა შეხვედრა. მოლაპარაკებები რამდენიმე ეტაპად წარიმართა, რომელთაგან ერთ-ერთში დიდი ბრიტანეთის, საფრანგეთისა და გერმანიის ფედერაციული რესპუბლიკის წარმომადგენლებიც მონაწილეობდნენ.
