https://sputnik-georgia.com/20260905/kaxetsi-unikaluri-saaviacio-sofeli-gaixsna-300462380.html

ქართული ავიაციის ახალი ერა: კახეთში უნიკალური საავიაციო სოფელი გაიხსნა

ქართული ავიაციის ახალი ერა: კახეთში უნიკალური საავიაციო სოფელი გაიხსნა

Sputnik საქართველო

პრემიერ-მინისტრის განცხადებით, საინვესტიციო პროექტი მნიშვნელოვან წვლილს შეიტანს ადგილობრივი ეკონომიკის გაძლიერებასა და ქვეყნის ტურისტული პოტენციალის სრულად... 05.09.2026-ს, Sputnik საქართველო

2026-09-05T22:56+0400

2026-09-05T22:56+0400

2026-09-06T00:10+0400

ახალი ამბები

საქართველო

კახეთი

საქართველოს სამოქალაქო ავიაცია

საქართველოს პრემიერ–მინისტრი

ირაკლი კობახიძე

საქართველოს ეკონომიკა

საქართველოს ეკონომიკისა და მდგრადი განვითარების სამინისტრო

ტურიზმი საქართველოში

https://cdnn1.img.sputnik-georgia.com/img/07ea/09/05/300459967_0:166:1600:1066_1920x0_80_0_0_e5a50dc766d80246e32a84ceed73ebab.jpg

თბილისი, 5 სექტემბერი - Sputnik. კახეთში საავიაციო სოფლის გახსნით ქართული ავიაციის ისტორიაში ახალი ფურცელი იშლება, განაცხადა პრემიერ-მინისტრმა ირაკლი კობახიძემ.კაჭრეთში ოფიციალურად გაიხსნა მასშტაბური ინფრასტრუქტურული პროექტი - „ამბასადორის საავიაციო სოფელი“ (Ambassadori Aviation Village), რომელიც სახელმწიფო პროგრამის მხარდაჭერით, „საქართველოს ეკონომიკის განვითარების კორპორაციის“ თანადაფინანსებით ხორციელდება.„დღეს ახალი ფურცელი იშლება ქართული ავიაციის ისტორიაში. ეს არის მასშტაბური ინფრასტრუქტურული პროექტი - „ამბასადორის საავიაციო სოფელი“, რომელიც სახელმწიფო პროგრამის მხარდაჭერით, “საქართველოს ეკონომიკის განვითარების კორპორაციის“ თანადაფინანსებით ხორციელდება. ეს პროექტი კაჭრეთს რეგიონში მცირე ავიაციისა და ავიატურიზმის მიზიდულობის ცენტრად აქცევს“, - განაცხადა კობახიძემ.როგორც პრემიერმა აღნიშნა, 15 მლნ აშშ დოლარის ღირებულების საინვესტიციო პროექტი მნიშვნელოვან წვლილს შეიტანს ადგილობრივი ეკონომიკის გაძლიერებასა და ტურისტული პოტენციალის სრულად ათვისებაში.„ეს არის 16 ჰექტარზე გაშლილი მრავალფუნქციური სივრცე უმაღლესი სტანდარტების აეროდრომით, საერთაშორისო დონის საფრენოსნო აკადემია, საავიაციო კლუბი და ავია-ვილების სარეზიდენციო დასახლება. ეს ინფრასტრუქტურა მთლიანობაში ქმნის ძალიან საინტერესო სივრცეს. ადგილობრივ ეკონომიკას და ტურისტულ პოტენციალს ეს მნიშვნელოვნად წაახალისებს“, - განაცხადა პრემიერმა.როგორც კობახიძემ აღნიშნა, პროექტი საერთაშორისო ასპარეზს უხსნის ქართველ ახალგაზრდობას .„აქ მომზადდებიან მაღალი კლასის პილოტები, რომლებიც საერთაშორისო სტანდარტის ლიცენზიებს მიიღებენ“, - განაცხადა პრემიერმა.მთავრობის მეთაურმა მადლობა გადაუხადა ევროპელი მფრინავების 30-მდე ეკიპაჟს, რომელიც საქართველოში ჩამოვიდა. პრემიერის თქმით, მათი ჩამოსვლა კიდევ ერთხელ ადასტურებს, თუ რამდენად ღირსეულ ადგილს იმკვიდრებს საქართველო საერთაშორისო საავიაციო რუკაზე.„დარწმუნებული ვარ, კაჭრეთის აეროდრომი და სამომავლოდ ბათუმის ხელოვნური კუნძულის საავიაციო სივრცე შექმნის ერთიან, ქსელს, რაც ჩვენი ქვეყნის დაკავშირებადობასა და ეკონომიკურ პოტენციალს სრულიად ახალ ეტაპზე გადაიყვანს“, - განაცხადა მან და აღნიშნა, რომ პროექტის წყალობით უკვე 47 ახალი სამუშაო ადგილი შეიქმნა.ახალი პროექტის მნიშვნელობაზე ისაუბრა ეკონომიკის მინისტრმა მარიამ ქვრივიშვილმაც. მისი თქმით, საქართველოს მთავრობა შესაბამისი ინფრასტრუქტურის მოწყობის კუთხით მნიშვნელოვან ნაბიჯებს დგამს.მინისტრმა დასძინა, რომ მთავრობამ უკვე გამოაცხადა ორი ძალიან მნიშვნელოვანი ტენდერი უშუალოდ კახეთში ახალი შიდა აეროპორტის მშენებლობის, ისევე როგორც მესტიაში ახალი ტერმინალის მშენებლობის თვალსაზრისით, რაც იქნება მნიშვნელოვანი წინგადადგმული ნაბიჯი საქართველოს შიდა ავიაციის და ტურიზმის სექტორის განვითარების თვალსაზრისით.„ამ პროცესის ლოგიკური გაგრძელებაა ის, რაც დღეს აქ, კაჭრეთში ხდება, როცა სახელმწიფოს მიერ შექმნილ შესაძლებლობებს კერძო სექტორიც პასუხობს საკუთარი ინიციატივითა და ინვესტიციებით“, - განაცხადა ეკონომიკის მინისტრმა.მარიამ ქრივიშვილით თქმით, მცირე ავიაციის განვითარება მნიშვნელოვანია საქართველოში მეტი უცხოელი კერძო პილოტის, ავიამოყვარულის მოზიდვის თვალსაზრისითაც , რომლებიც მოგზაურობენ, რჩებიან სხვადასხვა რეგიონებში, სარგებლობენ ადგილობრივი სერვისებით.მინისტრის განცხადებით, მცირე ავიაციას განვითარება მნიშვნელოვანია კონკრეტული რეგიონების ეკონომიკურის ზრდის კუთხით.

საქართველო

კახეთი

2026

ახალი ამბები

ka_KA

ახალი ამბები, საქართველო, კახეთი , საქართველოს სამოქალაქო ავიაცია, საქართველოს პრემიერ–მინისტრი, ირაკლი კობახიძე, საქართველოს ეკონომიკა, საქართველოს ეკონომიკისა და მდგრადი განვითარების სამინისტრო, ტურიზმი საქართველოში