https://sputnik-georgia.com/20260825/revolucia-da-ucxoeli-agentebi-mawavarianma-qartul-opozicias-pretenziebi-wauyena-300288186.html
რევოლუცია და „უცხოელი აგენტები“: მაჭავარიანმა ქართულ ოპოზიციას პრეტენზიები წაუყენა
რევოლუცია და „უცხოელი აგენტები“: მაჭავარიანმა ქართულ ოპოზიციას პრეტენზიები წაუყენა
Sputnik საქართველო
პოლიტიკოსი ამტკიცებს, რომ ოპოზიციის წარმომადგენლებმა, არასამთავრობო ორგანიზაციების წარმომადგენლებმა და აქტივისტებმა „საზოგადოების აბსოლუტურ უმრავლესობას“... 25.08.2026-ს, Sputnik საქართველო
2026-08-25T17:06+0400
2026-08-25T17:06+0400
2026-08-25T17:06+0400
ახალი ამბები
საქართველო
პოლიტიკა საქართველოში
ქართული ოცნება
ქართული ოპოზიცია
საქართველოს არასამთავრობო ორგანიზაციები
საპროტესტო აქციები თბილისში
https://cdnn1.img.sputnik-georgia.com/img/07e8/07/0f/288998180_0:319:960:859_1920x0_80_0_0_79f5156fea18e23ae58c4b6601da34fe.jpg
თბილისი, 25 აგვისტო - Sputnik. ოპოზიციამ, არასამთავრობო ორგანიზაციებმა და აქტივისტებმა ბოლო წლებში ხუთჯერ სცადეს რევოლუციის მოწყობა საქართველოში და უცხო ძალების ინტერესებიდან გამომდინარე მოქმედებენ, განაცხადა „ქართული ოცნების“ წევრმა ლევან მაჭავარიანმა.მისი თქმით, მთავრობის ოპონენტები ცდილობენ ქვეყანაში სიტუაციის დესტაბილიზაციას, საქართველოს საერთაშორისო დისკრედიტაციას და საზოგადოებას თავს მოახვიონ „გამოგონილი ისტორიები“. მაჭავარიანმა განაცხადა, რომ ოპოზიციამ თავისი საქმიანობისთვის მოქალაქეების უმრავლესობას ბოდიში უნდა მოუხადოს.„აგენტურულო ოპოზიციურო პარტიებო, მდიდარო NGO-ებო და ულტრამემარცხენე, ფსევდოლიბერალო აქტივისტებო, თქვენ ემსახურებით უცხოელ პატრონებს საზღვრებს გარეთ და რამდენიმე ელჩს ქვეყნის შიგნით“, - დაწერა მაჭავარიანმა სოციალურ ქსელში.პარლამენტის წევრმა ჩამოთვალა ბოლო წლების რამდენიმე მოვლენა, რომლებიც, მისი აზრით, ადასტურებს ოპოზიციის მიერ ქვეყნის დესტაბილიზაციის მცდელობებს.კერძოდ, მან გაიხსენა „უცხოელი აგენტის“ შესახებ კანონის ირგვლივ აგორებული საპროტესტო აქციები, ასევე უკრაინაში კონფლიქტის დაწყების შემდეგ გამართული საპროტესტო აქციები. მაჭავარიანის თქმით, მომიტინგეები მოითხოვდნენ საქართველოს მიერ რუსეთის წინააღმდეგ სანქციების დაწესებას, უკრაინაში მოხალისეების გაგზავნას და კიევისთვის ქართული იარაღის გადაცემას.პარლამენტის წევრმა ცალკე გააკრიტიკა მთავრობის ოპონენტების განცხადებები, რომლებიც საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობას უკავშირდებოდა.„ისინი რამდენიმე წელი ცდილობდნენ, თავისი ფაშისტური მეთოდებით საზოგადოება დაერწმუნებინათ, რომ სააკაშვილი კვდებოდა. რა თქმა უნდა, სხვა ქმედებებთან ერთად, ესეც მათ გარე პატრონებთან მჭიდრო კოორდინაციით ხდებოდა და, ეს ზღაპარი უფრო დამაჯერებელი რომ ყოფილიყო, ევროკავშირის 27-ვე წევრი ქვეყნის ელჩმა დემარშიც კი მოგვიწყო“, - დაწერა მაჭავარიანმა.მაჭავარიანმა ასევე დაადანაშაულა ოპოზიცია საქართველოს წინააღმდეგ საერთაშორისო სანქციების დაწესების მცდელობაში და საქართველოს ანტირუსული სანქციებისგან თავის არიდების ცენტრად წარმოჩენაში. მან ხაზგასმით აღნიშნა, რომ საქართველოს ხელისუფლებამ აშშ-სა და ევროკავშირის წარმომადგენლებისგან მადლობა მიიღო სანქციებისგან თავის არიდების თავიდან ასაცილებლად გაწეული ძალისხმევისთვის.კრიტიკის კიდევ ერთი თემა იყო საქართველოს ურთიერთობები ჩინეთთან და ცენტრალური აზიის ქვეყნებთან. პარლამენტის წევრის თქმით, ოპოზიციამ სასაცილოდ აიგდო ამ კავშირების გაღრმავება, თუმცა დასავლელი ლიდერების შემდგომმა ვიზიტებმა ჩინეთსა და ცენტრალურ აზიაში აჩვენა დასავლეთის ქვეყნების ინტერესი ამ რეგიონებთან ურთიერთობების განვითარების მიმართ.მაჭავარიანმა განაცხადა, რომ ოპოზიციამ ასევე სცადა მოქალაქეების წაქეზება მრავალმილიარდიანი ინვესტიციების წინააღმდეგ, კერძოდ, საქართველოს „რუსიფიკაციის“, „ჩინეთიზაციის“, „ირანიზაციის“ და „არაბიზაციის“ ნარატივების გამოყენებით.საპროტესტო აქციებთან დაკავშირებით, პარლამენტის წევრმა განაცხადა, რომ ოპოზიციურმა ძალებმა მიიღეს რეკომენდაციები უცხოური ორგანიზაციებისგან და სცადეს პროტესტების სამოქალაქო კონფლიქტად გადაქცევა.მაჭავარიანი ასევე შეეხო 2024 წლის საპარლამენტო არჩევნებს. მან გაიხსენა ოპოზიციის ბრალდებები მასშტაბური გაყალბების შესახებ და „400 000 გაყალბებული ხმის“ და „100 000 ჩამორთმეული პირადობის მოწმობის“ გარშემო მიმდინარე კამპანიას თაღლითური უწოდა.პარლამენტის წევრმა ასევე დაადანაშაულა ოპოზიციური ძალები საქართველოს მართლმადიდებლური ეკლესიასა და სასულიერო პირებზე თავდასხმაში, ასევე ლგბტ დღის წესრიგის მხარდაჭერაში. მან განაცხადა, რომ ოპოზიცია ეწინააღმდეგებოდა კანონს, რომელიც ზღუდავდა ლგბტ პროპაგანდის გავრცელებას სკოლებსა და საბავშვო ბაღებში.მაჭავარიანმა ასევე გააკრიტიკა სამართალდამცველების მისამართით გამოთქმული ბრალდებები და განაცხადა, რომ ცალკეული პოლიციელების ქმედებები უსაფუძვლოდ ვრცელდებოდა ყველა ძალოვანზე.და ბოლოს, პარლამენტის წევრმა ახსენა განცხადებები მოქალაქეების მოწამვლის შესახებ, რასაც, მისი თქმით, ხელისუფლება ასევე საქართველოს წინააღმდეგ წარმოებული კამპანიის ნაწილად მიიჩნევს.„თქვენი დღის წესრიგი საქართველოს მუდმივი რყევა და საბოტაჟი, დესტაბილიზაცია, მავნებლობა და ჩვენი მოქალაქეების ფაშისტური მეთოდებით იძულებაა, რომ თქვენი შეთხზული ზღაპრები დაიჯერონ“, - განაცხადა მაჭავარიანმა.მან კიდევ ერთხელ აღნიშნა, რომ ოპოზიციას, არასამთავრობოებს და აქტივისტებს ბოდიში აქვთ მოსახდელი ჩვენი საზოგადოების აბსოლუტური უმრავლესობისთვის თავისი საქმიანობის გამო.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, პოლიტიკა საქართველოში, ქართული ოცნება , ქართული ოპოზიცია, საქართველოს არასამთავრობო ორგანიზაციები , საპროტესტო აქციები თბილისში
ახალი ამბები, საქართველო, პოლიტიკა საქართველოში, ქართული ოცნება , ქართული ოპოზიცია, საქართველოს არასამთავრობო ორგანიზაციები , საპროტესტო აქციები თბილისში
რევოლუცია და „უცხოელი აგენტები“: მაჭავარიანმა ქართულ ოპოზიციას პრეტენზიები წაუყენა
პოლიტიკოსი ამტკიცებს, რომ ოპოზიციის წარმომადგენლებმა, არასამთავრობო ორგანიზაციების წარმომადგენლებმა და აქტივისტებმა „საზოგადოების აბსოლუტურ უმრავლესობას“ ბოდიში უნდა მოუხადონ თავიანთი საქმიანობის გამო
თბილისი, 25 აგვისტო - Sputnik. ოპოზიციამ, არასამთავრობო ორგანიზაციებმა და აქტივისტებმა ბოლო წლებში ხუთჯერ სცადეს რევოლუციის მოწყობა საქართველოში და უცხო ძალების ინტერესებიდან გამომდინარე მოქმედებენ, განაცხადა „ქართული ოცნების“ წევრმა ლევან მაჭავარიანმა.
მისი თქმით, მთავრობის ოპონენტები ცდილობენ ქვეყანაში სიტუაციის დესტაბილიზაციას, საქართველოს საერთაშორისო დისკრედიტაციას და საზოგადოებას თავს მოახვიონ „გამოგონილი ისტორიები“. მაჭავარიანმა განაცხადა, რომ ოპოზიციამ თავისი საქმიანობისთვის მოქალაქეების უმრავლესობას ბოდიში უნდა მოუხადოს.
„აგენტურულო ოპოზიციურო პარტიებო, მდიდარო NGO-ებო და ულტრამემარცხენე, ფსევდოლიბერალო აქტივისტებო, თქვენ ემსახურებით უცხოელ პატრონებს საზღვრებს გარეთ და რამდენიმე ელჩს ქვეყნის შიგნით“, - დაწერა მაჭავარიანმა სოციალურ ქსელში.
პარლამენტის წევრმა ჩამოთვალა ბოლო წლების რამდენიმე მოვლენა, რომლებიც, მისი აზრით, ადასტურებს ოპოზიციის მიერ ქვეყნის დესტაბილიზაციის მცდელობებს.
კერძოდ, მან გაიხსენა „უცხოელი აგენტის“ შესახებ კანონის ირგვლივ აგორებული საპროტესტო აქციები, ასევე უკრაინაში კონფლიქტის დაწყების შემდეგ გამართული საპროტესტო აქციები. მაჭავარიანის თქმით, მომიტინგეები მოითხოვდნენ საქართველოს მიერ რუსეთის წინააღმდეგ სანქციების დაწესებას, უკრაინაში მოხალისეების გაგზავნას და კიევისთვის ქართული იარაღის გადაცემას.
პარლამენტის წევრმა ცალკე გააკრიტიკა მთავრობის ოპონენტების განცხადებები, რომლებიც საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობას უკავშირდებოდა.
„ისინი რამდენიმე წელი ცდილობდნენ, თავისი ფაშისტური მეთოდებით საზოგადოება დაერწმუნებინათ, რომ სააკაშვილი კვდებოდა. რა თქმა უნდა, სხვა ქმედებებთან ერთად, ესეც მათ გარე პატრონებთან მჭიდრო კოორდინაციით ხდებოდა და, ეს ზღაპარი უფრო დამაჯერებელი რომ ყოფილიყო, ევროკავშირის 27-ვე წევრი ქვეყნის ელჩმა დემარშიც კი მოგვიწყო“, - დაწერა მაჭავარიანმა.
მაჭავარიანმა ასევე დაადანაშაულა ოპოზიცია საქართველოს წინააღმდეგ საერთაშორისო სანქციების დაწესების მცდელობაში და საქართველოს ანტირუსული სანქციებისგან თავის არიდების ცენტრად წარმოჩენაში. მან ხაზგასმით აღნიშნა, რომ საქართველოს ხელისუფლებამ აშშ-სა და ევროკავშირის წარმომადგენლებისგან მადლობა მიიღო სანქციებისგან თავის არიდების თავიდან ასაცილებლად გაწეული ძალისხმევისთვის.
კრიტიკის კიდევ ერთი თემა იყო საქართველოს ურთიერთობები ჩინეთთან და ცენტრალური აზიის ქვეყნებთან. პარლამენტის წევრის თქმით, ოპოზიციამ სასაცილოდ აიგდო ამ კავშირების გაღრმავება, თუმცა დასავლელი ლიდერების შემდგომმა ვიზიტებმა ჩინეთსა და ცენტრალურ აზიაში აჩვენა დასავლეთის ქვეყნების ინტერესი ამ რეგიონებთან ურთიერთობების განვითარების მიმართ.
მაჭავარიანმა განაცხადა, რომ ოპოზიციამ ასევე სცადა მოქალაქეების წაქეზება მრავალმილიარდიანი ინვესტიციების წინააღმდეგ, კერძოდ, საქართველოს „რუსიფიკაციის“, „ჩინეთიზაციის“, „ირანიზაციის“ და „არაბიზაციის“ ნარატივების გამოყენებით.
საპროტესტო აქციებთან დაკავშირებით, პარლამენტის წევრმა განაცხადა, რომ ოპოზიციურმა ძალებმა მიიღეს რეკომენდაციები უცხოური ორგანიზაციებისგან და სცადეს პროტესტების სამოქალაქო კონფლიქტად გადაქცევა.
მაჭავარიანი ასევე შეეხო 2024 წლის საპარლამენტო არჩევნებს. მან გაიხსენა ოპოზიციის ბრალდებები მასშტაბური გაყალბების შესახებ და „400 000 გაყალბებული ხმის“ და „100 000 ჩამორთმეული პირადობის მოწმობის“ გარშემო მიმდინარე კამპანიას თაღლითური უწოდა.
პარლამენტის წევრმა ასევე დაადანაშაულა ოპოზიციური ძალები საქართველოს მართლმადიდებლური ეკლესიასა და სასულიერო პირებზე თავდასხმაში, ასევე ლგბტ დღის წესრიგის მხარდაჭერაში. მან განაცხადა, რომ ოპოზიცია ეწინააღმდეგებოდა კანონს, რომელიც ზღუდავდა ლგბტ პროპაგანდის გავრცელებას სკოლებსა და საბავშვო ბაღებში.
მაჭავარიანმა ასევე გააკრიტიკა სამართალდამცველების მისამართით გამოთქმული ბრალდებები და განაცხადა, რომ ცალკეული პოლიციელების ქმედებები უსაფუძვლოდ ვრცელდებოდა ყველა ძალოვანზე.
და ბოლოს, პარლამენტის წევრმა ახსენა განცხადებები მოქალაქეების მოწამვლის შესახებ, რასაც, მისი თქმით, ხელისუფლება ასევე საქართველოს წინააღმდეგ წარმოებული კამპანიის ნაწილად მიიჩნევს.
„თქვენი დღის წესრიგი საქართველოს მუდმივი რყევა და საბოტაჟი, დესტაბილიზაცია, მავნებლობა და ჩვენი მოქალაქეების ფაშისტური მეთოდებით იძულებაა, რომ თქვენი შეთხზული ზღაპრები დაიჯერონ“, - განაცხადა მაჭავარიანმა.
მან კიდევ ერთხელ აღნიშნა, რომ ოპოზიციას, არასამთავრობოებს და აქტივისტებს ბოდიში აქვთ მოსახდელი ჩვენი საზოგადოების აბსოლუტური უმრავლესობისთვის თავისი საქმიანობის გამო.
