https://sputnik-georgia.com/20260811/dmg-group-laguna-veres-agdgenas-gegmavs-300049217.html
„ლაგუნა ვერეს“ აღდგენა და ყოფილი ფაბრიკების ტერიტორიების განაშენიანება: პროექტის დეტალები
„ლაგუნა ვერეს“ აღდგენა და ყოფილი ფაბრიკების ტერიტორიების განაშენიანება: პროექტის დეტალები
Sputnik საქართველო
პროექტი ითვალისწინებს მრავალი წლის განმავლობაში გამოუყენებელი ტერიტორიების აღდგენას და მათ ურბანულ გარემოში ინტეგრაციას. 11.08.2026-ს, Sputnik საქართველო
2026-08-11T10:51+0400
2026-08-11T10:51+0400
2026-08-11T10:51+0400
საქართველო
თბილისი დღეს
საზოგადოება
ახალი ამბები
https://cdnn1.img.sputnik-georgia.com/img/07e8/01/18/285863101_0:120:1280:840_1920x0_80_0_0_c9ad1090943a47e5624c5abe5d3d6cd8.jpg
თბილისი, 11 აგვისტო — Sputnik. კომპანია DMG Group-მა ყოფილი აბრეშუმისა და თამბაქოს ფაბრიკების ტერიტორიებისა და „ლაგუნა ვერეს“ შეძენის შესახებ გამოაცხადა. მასშტაბურ პროექტში ინვესტიციებმა, შესაძლოა, 1 მილიარდ ლარამდე შეადგინოს.კომპანიის განცხადებით, პროექტი ითვალისწინებს მრავალი წლის განმავლობაში გამოუყენებელი ტერიტორიების აღდგენას და მათ ურბანულ გარემოში ინტეგრაციას.პროექტის ერთ-ერთი საკვანძო ნაწილი გახდება „ლაგუნა ვერეს“ აღდგენა მისი ისტორიული ფუნქციის შენარჩუნებით. გარდა ამისა, დაგეგმილია დაახლოებით 1 ჰექტარი რეკრეაციული ზონის აღდგენა და მისი შევსება ახალი მწვანე ნარგავებით.ყოფილი აბრეშუმისა და თამბაქოს ქარხნების ტერიტორიაზე ახალი ობიექტების, მათ შორის საცხოვრებელი სახლების აშენება იგეგმება. პროექტის არქიტექტურულ კონცეფციას ცნობილი ესპანური სტუდია Bofill Taller de Arquitectura შეიმუშავებს.კომპანიის მონაცემებით, პროექტში განხორციელებული ინვესტიციების საერთო მოცულობა 1 მილიარდამდე ლარს შეადგენს. მშენებლობის ეტაპზე და შემდგომ პერიოდში DMG Group-ი გეგმავს 1 ათასამდე სამუშაო ადგილის შექმნას ადგილობრივი სპეციალისტებისთვის.კომპანიაში განაცხადეს, რომ აცნობიერებენ საზოგადოების მაღალ ინტერესს აღნიშნული ტერიტორიის მიმართ და პროექტის დეტალების დაზუსტების შემდეგ მზად არიან, მაქსიმალურად გამჭვირვალედ მიაწოდონ საზოგადოებას ინფორმაცია მისი განხორციელების შესახებ.„ლაგუნა ვერეს" კომპლექსი 1965–1978 წლებში ქართველი არქიტექტორების პროექტით აშენდა. ის პირველი საწყლოსნო სპორტკომპლექსი იყო კავკასიაში, რომელიც სხვადასხვა რეგიონულ და საერთაშორისო შეჯიბრებებს მასპინძლობდა. გარდა ამისა, „ლაგუნა ვერე" თბილისელების ერთ-ერთი საყვარელი დასასვენებელი ადგილი იყო. კომპლექსი 2014 წლის დასაწყისში დაიხურა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, თბილისი დღეს, საზოგადოება, ახალი ამბები
საქართველო, თბილისი დღეს, საზოგადოება, ახალი ამბები
„ლაგუნა ვერეს“ აღდგენა და ყოფილი ფაბრიკების ტერიტორიების განაშენიანება: პროექტის დეტალები
პროექტი ითვალისწინებს მრავალი წლის განმავლობაში გამოუყენებელი ტერიტორიების აღდგენას და მათ ურბანულ გარემოში ინტეგრაციას.
თბილისი, 11 აგვისტო — Sputnik. კომპანია DMG Group-მა ყოფილი აბრეშუმისა და თამბაქოს ფაბრიკების ტერიტორიებისა და „ლაგუნა ვერეს“ შეძენის შესახებ გამოაცხადა. მასშტაბურ პროექტში ინვესტიციებმა, შესაძლოა, 1 მილიარდ ლარამდე შეადგინოს.
კომპანიის განცხადებით, პროექტი ითვალისწინებს მრავალი წლის განმავლობაში გამოუყენებელი ტერიტორიების აღდგენას და მათ ურბანულ გარემოში ინტეგრაციას.
პროექტის ერთ-ერთი საკვანძო ნაწილი გახდება „ლაგუნა ვერეს“ აღდგენა მისი ისტორიული ფუნქციის შენარჩუნებით. გარდა ამისა, დაგეგმილია დაახლოებით 1 ჰექტარი რეკრეაციული ზონის აღდგენა და მისი შევსება ახალი მწვანე ნარგავებით.
ყოფილი აბრეშუმისა და თამბაქოს ქარხნების ტერიტორიაზე ახალი ობიექტების, მათ შორის საცხოვრებელი სახლების აშენება იგეგმება. პროექტის არქიტექტურულ კონცეფციას ცნობილი ესპანური სტუდია Bofill Taller de Arquitectura შეიმუშავებს.
კომპანიის მონაცემებით, პროექტში განხორციელებული ინვესტიციების საერთო მოცულობა 1 მილიარდამდე ლარს შეადგენს. მშენებლობის ეტაპზე და შემდგომ პერიოდში DMG Group-ი გეგმავს 1 ათასამდე სამუშაო ადგილის შექმნას ადგილობრივი სპეციალისტებისთვის.
კომპანიაში განაცხადეს, რომ აცნობიერებენ საზოგადოების მაღალ ინტერესს აღნიშნული ტერიტორიის მიმართ და პროექტის დეტალების დაზუსტების შემდეგ მზად არიან, მაქსიმალურად გამჭვირვალედ მიაწოდონ საზოგადოებას ინფორმაცია მისი განხორციელების შესახებ.
„ლაგუნა ვერეს" კომპლექსი 1965–1978 წლებში ქართველი არქიტექტორების პროექტით აშენდა. ის პირველი საწყლოსნო სპორტკომპლექსი იყო კავკასიაში, რომელიც სხვადასხვა რეგიონულ და საერთაშორისო შეჯიბრებებს მასპინძლობდა. გარდა ამისა, „ლაგუნა ვერე" თბილისელების ერთ-ერთი საყვარელი დასასვენებელი ადგილი იყო. კომპლექსი 2014 წლის დასაწყისში დაიხურა.
