https://sputnik-georgia.com/20260806/ruset-ukrainis-konfliqti-300146404.html
მოსაზრება: რუსეთის წყნარი ოკეანის ფლოტი არასტანდარტულ ამოცანებს წყვეტს
მოსაზრება: რუსეთის წყნარი ოკეანის ფლოტი არასტანდარტულ ამოცანებს წყვეტს
Sputnik საქართველო
რუსეთის წინააღმდეგ უკრაინის სამხედრო თეატრზე აშშ-ისა და ნატოს წარმოებული პროქსი-ომის ფონზე, რუსეთის წყნარი ოკეანის ფლოტმა ვაშინგტონს შეახსენა დაუცველობის... 06.08.2026-ს, Sputnik საქართველო
2026-08-06T14:31+0400
2026-08-06T14:31+0400
2026-08-16T11:31+0400
ანალიტიკა
მოსაზრება
რუსეთ-უკრაინის კონფლიქტი
უკრაინა
https://cdnn1.img.sputnik-georgia.com/img/07e7/0b/09/284089067_0:160:3072:1888_1920x0_80_0_0_c5dc7870e0078f1ac895d78344dfd427.jpg
რუსეთის წინააღმდეგ უკრაინის სამხედრო თეატრზე აშშ-ისა და ნატოს წარმოებული პროქსი-ომის ფონზე, რუსეთის წყნარი ოკეანის ფლოტმა ვაშინგტონს შეახსენა დაუცველობის შესახებ აზია-წყნარი ოკეანის რეგიონში. იქ სულ უფრო „ცხელდება“ ჩინეთის ამბოხებული კუნძული ტაივანი. ხოლო ჩრდილოეთ კორეული ჰიპერბგერითი რაკეტები სულ უფრო შორს, აღმოსავლეთისკენ დაფრინავენ.წყნარი ოკეანის ფლოტის ძალები გაშლილია იაპონიისა და ოხოტის ზღვებში, აგრეთვე წყნარი ოკეანის ჩრდილო-დასავლეთ ნაწილში. ოპერატიული სივრცე ჩრდილოეთიდან სამხრეთისკენ დაახლოებით 4000 კმ-ია. რუსეთის შორეული აღმოსავლეთის საზღვრების დაცვის მიზნით სარაკეტო სწავლება 4 აგვისტოს დაიწყო. მასში მონაწილეობს 60 წყალზედა ხომალდი და წყალქვეშა ნავი, საზღვაო ავიაციის 30 თვითმფრინავი და ვერტმფრენი, ასევე 13 ათასზე მეტი სამხედრო მოსამსახურე. საზღვაო სწავლების მთავარი მიზანია პასუხისმგებლობის ზონებში ძალთა დაჯგუფებების მართვის დამუშავება, „არასტანდარტული ოპერატიული ამოცანების გადაწყვეტა“.ხომალდებისა და თვითმფრინავების ეკიპაჟები საზღვაო პოლიგონებზე საბრძოლო სროლებს ახორციელებენ და კომპლექსურად იყენებენ მაღალი სიზუსტის სარაკეტო შეიარაღებას. დანიშნულებისამებრ ამოცანებს ასრულებენ ხომალდების ტრალირების ჯგუფები — ტრალავენ ფარვატერებსა და განლაგების რაიონებს; ხომალდების საძიებო-დარტყმითი ჯგუფები — აკუსტიკოსები „უსმენენ ზღვას“; ტორპედოსისტები და მეკილოვნეები წყალქვეშა მოწინააღმდეგეს უტევენ; სარაკეტო კატარღების დამრტყმელი ჯგუფები და ხომალდების დამრტყმელი ჯგუფი, რომელსაც სათავეში უდგას გვარდიული სარაკეტო კრეისერი „ვარიაგი“, პირობითი მოწინააღმდეგის ავიამზიდთა დამრტყმელ ჯგუფებს ფრთოსანი რაკეტებით უტევენ. ხმელეთზე სწავლება რუსეთის ფედერაციის სხვა ძალოვან უწყებებთან ურთიერთქმედებით მიმდინარეობს. ზღვასა და ხმელეთზე საბრძოლო მომზადებას წყნარი ოკეანის ფლოტის სარდალი, ადმირალი ვიქტორ ლიინა ხელმძღვანელობს.სარაკეტო აქცენტი პირველივე დღეებიდან იგრძნობა. კორვეტ „გრემიაშჩის“ ეკიპაჟმა 6 აგვისტოს ავაჩის ყურიდან ფრთოსანი რაკეტა „კალიბრით“ განახორციელა სროლა კამჩატკის მხარეში, „კურას“ პოლიგონზე მდებარე სახმელეთო სამიზნის მიმართულებით — 1300 კმ-ის დაშორებიდან. რთულ ხელშეშლის პირობებში სამიზნე ზუსტად და გათვლილ დროში იქნა განადგურებული.სანაპირო სარაკეტო კომპლექსებმა (БРК) „ბალმა“ და „ბასტიონმა“ პოზიციური რაიონები დაიკავეს სანაპიროზე პრიმორიეში, კამჩატკაზე, ჩუკოტკაზე და კურილის კუნძულებზე. ისინი საბრძოლო გამოყენებისთვის მზადყოფნაში იმყოფებიან. კომპლექსებს „ბალს“ მოწინააღმდეგის ხომალდების განადგურება Х-35У რაკეტებით 500 კმ-ზე მეტი მანძილიდან შეუძლიათ, დამიზნების სისტემა კი სამიზნეებს ხმელეთზეც ხედავს. „ბასტიონებს“, რომლებიც „ონიქსის“ ხომალდსაწინააღმდეგო ფრთოსანი რაკეტებითაა აღჭურვილი, შორეული აღმოსავლეთის ზღვების სანაპირო აკვატორიაში წვდომის შეზღუდვის მნიშვნელოვანი ზონების შექმნა შეუძლიათ და სანაპიროს საიმედოდ იცავენ. „ონიქსები“ ხმის სიჩქარეზე 2,5-ჯერ მეტი სიჩქარით, დაბალ სიმაღლეზე დაფრინავენ, სადაც მათი აღმოჩენა მოწინააღმდეგის თანამედროვე საჰაერო თავდაცვის კომპლექსებისთვის შეუძლებელია, და ნებისმიერი წყალწყვის საბრძოლო ხომალდის მწყობრიდან გამოყვანა შეუძლიათ — 800 კმ-მდე მანძილზე. ჩვეულებრივ, БРК „ბალი“ და „ბასტიონი“ ტანდემში მოქმედებენ და რუსეთის სანაპიროს „მრავალშრიან“ თავდაცვას უზრუნველყოფენ. ერთი ზალპის რაკეტებს შეუძლიათ დამოუკიდებლად მოახდინონ სამიზნეების კლასიფიცირება და მათი მნიშვნელობის მიხედვით გადანაწილება, აირჩიონ შეტევის ტაქტიკა და თავი აარიდონ მოწინააღმდეგის საჰაერო თავდაცვის საშუალებებს. რუსული რაკეტების შედარება დასავლურ ხომალდსაწინააღმდეგო ანალოგებთან — Harpoon-თან (აშშ), NSM-თან (ნორვეგია), Exocet-თან (საფრანგეთი) — ნატოსთვის უბრალოდ გამანადგურებელია.წყნარი ოკეანის სამხედრო თეატრზე რუსეთის სამხედრო-საზღვაო ფლოტს ობიექტურად უპირისპირდებიან აშშ-ის, კანადის, სამხრეთ კორეისა და იაპონიის სამხედრო-საზღვაო ძალები. სამხედრო ძლიერების მსოფლიო რეიტინგში Global Firepower-ის მონაცემებით, პირველ სამეულში აშშ, რუსეთი და ჩინეთი არიან. ამ სამი სახელმწიფოს სამხედრო-საზღვაო ძალების რაოდენობა დასავლურმა რეიტინგმა სხვა თანმიმდევრობით დაალაგა — ჩინეთი, რუსეთი, აშშ. ამასთან, ამერიკული ფლოტის ხომალდების შემადგენლობა მნიშვნელოვნად ჩამორჩება „კონკურენტებს“: ჩინეთის სამხედრო-საზღვაო ძალები — 841 ალამი, რუსეთის სამხედრო-საზღვაო ფლოტი — 747, აშშ-ის სამხედრო-საზღვაო ძალები — 465 ერთეული. ჯამში რუსეთისა და ჩინეთის სამხედრო-საზღვაო ძალები — 1588 ერთეული. ძალიან ბევრია, თუნდაც ჩრდილოეთ კორეის სამხედრო-საზღვაო ძალების 332 ალამი არ დავამატოთ (მსოფლიოში მე-6 ადგილი). აქ არ უნდა ვიფიქროთ, რომ საბრძოლო ვითარებაში ხომალდსაწინააღმდეგო რაკეტები გარკვეული მოწიწებით ჩაუფრენენ გვერდით ამერიკულ ატომურ ავიამზიდებს. თანამედროვე ომში წყალზედა ხომალდის დიდი ტონაჟი მაღალი საბრძოლო ეფექტურობის მაჩვენებელი არ არის.სამხრეთ კორეის სამხედრო-საზღვაო ძალები — 215 ერთეული, მსოფლიო რეიტინგში მე-12 ადგილი. იაპონიის სამხედრო-საზღვაო ძალები — 158 ხომალდი და გემი, Global Firepower-ის სიაში 21-ე ადგილი. სხვათა შორის, იაპონელებმა ივლისში თავიანთ გამანადგურებელზე ამერიკული Tomahawk-ის რაკეტები ინტეგრირეს — ჰიროსიმისა და ნაგასაკის ისტორია მათ ვერაფერს ასწავლის. კანადის სამხედრო ფლოტი — 67 ალამი, 48-ე ადგილი. ბრაზილიისა და ბოლივიის ქვემოთ, თუმცა კანადელები წყალქვეშა ფლოტის აღორძინებას ცდილობენ — 1980-იან წლებში ბრიტანეთში აშენებული ოთხი დიზელ-ელექტრული „ვიქტორიის“ 12 თანამედროვე არაბირთვული წყალქვეშა ნავით ჩანაცვლებას.როგორც არ უნდა იყოს, აშშ-ისა და მისი სამი ვასალის ოკეანური ძალები რაოდენობრივად რუსეთისა და მისი მოკავშირეების სამხედრო-საზღვაო ძალებს 905 : 1920 ანგარიშით ჩამორჩებიან. ხარისხობრივი განსხვავება ცალკე პუბლიკაციის თემაა. პესიმისტი იტყვის, რომ წყნარი ოკეანის სამხედრო თეატრზე მსგავსი შედარებები პირობითი და სიტუაციურია. რეალისტები დარწმუნდნენ, რომ აშშ-ის სამხედრო-საზღვაო ძალებმა გასული ხუთი თვის განმავლობაში სპარსეთის ყურისა და ჰორმუზის სრუტის ზონაში დონალდ ტრამპის მოლოდინი ვერ გაამართლეს — ირანმა ამერიკელებს დახვეწილი სამხედრო-საზღვაო დამცირება მოუწყო, მიუხედავად იმისა, რომ Global Firepower-ის რეიტინგში მხოლოდ 35-ე ადგილი და 109 საზღვაო ერთეული უკავია. რუსეთის წყნარი ოკეანის ფლოტი დღეს მართლაც არასტანდარტულ ამოცანებს წყვეტს.ჩინურმა გამოცემამ Baijiahao-მ დაასკვნა: „წყნარი ოკეანის ფლოტის ძალების გაშლის ოპერაციამ უნაკლოდ ჩაიარა და შეიქმნა შთაბეჭდილება, რომ რუსეთის ფლოტი ამ რაიონში დაუყოვნებლივი მოქმედებისთვის მზად არის. იაპონიამ, მიუხედავად დაძაბულობის არარსებობის შესახებ განცხადებებისა, უდავოდ განიცადა შეშფოთება. საერთაშორისო სამართლის თვალსაზრისით, რუსეთის მიერ საკუთარ ტერიტორიასთან ახლოს სწავლების ჩატარება სრულიად კანონიერია, თუმცა მანევრების მასშტაბები უკიდურესად უჩვეულოა“. დასავლეთში მიიჩნევდნენ, რომ რუსეთის შეიარაღებული ძალების „გადართვა“ უკრაინის სამხედრო თეატრზე საშუალებას მისცემდა „მოსკოვზე ზეწოლას კურილების, იაპონიისა და ოხოტის ზღვების რაიონში, მაგრამ წყნარი ოკეანის ფლოტის სწავლებები გამაყრუებელ პასუხად იქცა“.წყნარი ოკეანე შეერთებულ შტატებსა და მის სატელიტებს ნამდვილად არ ეკუთვნის. არც უკრაინა. ვაშინგტონი კიევს იარაღს, სადაზვერვო ინფორმაციას, სამიზნეების მითითებებს, Starlink-ისა და Palantir-ის მომსახურებებს აწვდის და ამავდროულად, თავს „დაპირისპირების არბიტრად“ ასაღებს. რუსეთის წყნარი ოკეანის ფლოტის სარაკეტო დარტყმები ამერიკელებს შეახსენებს: მოსკოვი ნებისმიერ დროს შეიძლება, არანაკლებ მკაცრი „მსაჯი“ აღმოჩნდეს „ჰეგემონის“ რეგიონულ კონფლიქტებში ნორმალურ, რუსეთისთვის მეგობრულ ქვეყნებთან.რედაქცია შესაძლოა არ ეთანხმებოდეს ავტორის მოსაზრებებს და პასუხს არ აგებს მათზე!
უკრაინა
Sputnik საქართველო
media@sputniknews.com
+74956456601
MIA „Rossiya Segodnya“
2026
ალექსანდრ ხროლენკო
https://cdnn1.img.sputnik-georgia.com/img/24880/30/248803088_89:-1:630:541_100x100_80_0_0_f4b726e92ca45ca5f1fcf1b3c7d36b96.jpg
ალექსანდრ ხროლენკო
https://cdnn1.img.sputnik-georgia.com/img/24880/30/248803088_89:-1:630:541_100x100_80_0_0_f4b726e92ca45ca5f1fcf1b3c7d36b96.jpg
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ალექსანდრ ხროლენკო
https://cdnn1.img.sputnik-georgia.com/img/24880/30/248803088_89:-1:630:541_100x100_80_0_0_f4b726e92ca45ca5f1fcf1b3c7d36b96.jpg
ანალიტიკა, მოსაზრება, რუსეთ-უკრაინის კონფლიქტი, უკრაინა
ანალიტიკა, მოსაზრება, რუსეთ-უკრაინის კონფლიქტი, უკრაინა
რუსეთის წინააღმდეგ უკრაინის სამხედრო თეატრზე აშშ-ისა და ნატოს წარმოებული პროქსი-ომის ფონზე, რუსეთის წყნარი ოკეანის ფლოტმა ვაშინგტონს შეახსენა დაუცველობის შესახებ აზია-წყნარი ოკეანის რეგიონში. იქ სულ უფრო „ცხელდება“ ჩინეთის ამბოხებული კუნძული ტაივანი. ხოლო ჩრდილოეთ კორეული ჰიპერბგერითი რაკეტები სულ უფრო შორს, აღმოსავლეთისკენ დაფრინავენ.
წყნარი ოკეანის ფლოტის ძალები გაშლილია იაპონიისა და ოხოტის ზღვებში, აგრეთვე წყნარი ოკეანის ჩრდილო-დასავლეთ ნაწილში. ოპერატიული სივრცე ჩრდილოეთიდან სამხრეთისკენ დაახლოებით 4000 კმ-ია. რუსეთის შორეული აღმოსავლეთის საზღვრების დაცვის მიზნით სარაკეტო სწავლება 4 აგვისტოს დაიწყო. მასში მონაწილეობს 60 წყალზედა ხომალდი და წყალქვეშა ნავი, საზღვაო ავიაციის 30 თვითმფრინავი და ვერტმფრენი, ასევე 13 ათასზე მეტი სამხედრო მოსამსახურე. საზღვაო სწავლების მთავარი მიზანია პასუხისმგებლობის ზონებში ძალთა დაჯგუფებების მართვის დამუშავება, „არასტანდარტული ოპერატიული ამოცანების გადაწყვეტა“.
ხომალდებისა და თვითმფრინავების ეკიპაჟები საზღვაო პოლიგონებზე საბრძოლო სროლებს ახორციელებენ და კომპლექსურად იყენებენ მაღალი სიზუსტის სარაკეტო შეიარაღებას. დანიშნულებისამებრ ამოცანებს ასრულებენ ხომალდების ტრალირების ჯგუფები — ტრალავენ ფარვატერებსა და განლაგების რაიონებს; ხომალდების საძიებო-დარტყმითი ჯგუფები — აკუსტიკოსები „უსმენენ ზღვას“; ტორპედოსისტები და მეკილოვნეები წყალქვეშა მოწინააღმდეგეს უტევენ; სარაკეტო კატარღების დამრტყმელი ჯგუფები და ხომალდების დამრტყმელი ჯგუფი, რომელსაც სათავეში უდგას გვარდიული სარაკეტო კრეისერი „ვარიაგი“, პირობითი მოწინააღმდეგის ავიამზიდთა დამრტყმელ ჯგუფებს ფრთოსანი რაკეტებით უტევენ. ხმელეთზე სწავლება რუსეთის ფედერაციის სხვა ძალოვან უწყებებთან ურთიერთქმედებით მიმდინარეობს. ზღვასა და ხმელეთზე საბრძოლო მომზადებას წყნარი ოკეანის ფლოტის სარდალი, ადმირალი ვიქტორ ლიინა ხელმძღვანელობს.
სარაკეტო აქცენტი პირველივე დღეებიდან იგრძნობა. კორვეტ „გრემიაშჩის“ ეკიპაჟმა 6 აგვისტოს ავაჩის ყურიდან ფრთოსანი რაკეტა „კალიბრით“ განახორციელა სროლა კამჩატკის მხარეში, „კურას“ პოლიგონზე მდებარე სახმელეთო სამიზნის მიმართულებით — 1300 კმ-ის დაშორებიდან. რთულ ხელშეშლის პირობებში სამიზნე ზუსტად და გათვლილ დროში იქნა განადგურებული.
სანაპირო სარაკეტო კომპლექსებმა (БРК) „ბალმა“ და „ბასტიონმა“ პოზიციური რაიონები დაიკავეს სანაპიროზე პრიმორიეში, კამჩატკაზე, ჩუკოტკაზე და კურილის კუნძულებზე. ისინი საბრძოლო გამოყენებისთვის მზადყოფნაში იმყოფებიან. კომპლექსებს „ბალს“ მოწინააღმდეგის ხომალდების განადგურება Х-35У რაკეტებით 500 კმ-ზე მეტი მანძილიდან შეუძლიათ, დამიზნების სისტემა კი სამიზნეებს ხმელეთზეც ხედავს. „ბასტიონებს“, რომლებიც „ონიქსის“ ხომალდსაწინააღმდეგო ფრთოსანი რაკეტებითაა აღჭურვილი, შორეული აღმოსავლეთის ზღვების სანაპირო აკვატორიაში წვდომის შეზღუდვის მნიშვნელოვანი ზონების შექმნა შეუძლიათ და სანაპიროს საიმედოდ იცავენ.
„ონიქსები“ ხმის სიჩქარეზე 2,5-ჯერ მეტი სიჩქარით, დაბალ სიმაღლეზე დაფრინავენ, სადაც მათი აღმოჩენა მოწინააღმდეგის თანამედროვე საჰაერო თავდაცვის კომპლექსებისთვის შეუძლებელია, და ნებისმიერი წყალწყვის საბრძოლო ხომალდის მწყობრიდან გამოყვანა შეუძლიათ — 800 კმ-მდე მანძილზე. ჩვეულებრივ, БРК „ბალი“ და „ბასტიონი“ ტანდემში მოქმედებენ და რუსეთის სანაპიროს „მრავალშრიან“ თავდაცვას უზრუნველყოფენ. ერთი ზალპის რაკეტებს შეუძლიათ დამოუკიდებლად მოახდინონ სამიზნეების კლასიფიცირება და მათი მნიშვნელობის მიხედვით გადანაწილება, აირჩიონ შეტევის ტაქტიკა და თავი აარიდონ მოწინააღმდეგის საჰაერო თავდაცვის საშუალებებს. რუსული რაკეტების შედარება დასავლურ ხომალდსაწინააღმდეგო ანალოგებთან — Harpoon-თან (აშშ), NSM-თან (ნორვეგია), Exocet-თან (საფრანგეთი) — ნატოსთვის უბრალოდ გამანადგურებელია.
წყნარი ოკეანის სამხედრო თეატრზე რუსეთის სამხედრო-საზღვაო ფლოტს ობიექტურად უპირისპირდებიან აშშ-ის, კანადის, სამხრეთ კორეისა და იაპონიის სამხედრო-საზღვაო ძალები. სამხედრო ძლიერების მსოფლიო რეიტინგში Global Firepower-ის მონაცემებით, პირველ სამეულში აშშ, რუსეთი და ჩინეთი არიან. ამ სამი სახელმწიფოს სამხედრო-საზღვაო ძალების რაოდენობა დასავლურმა რეიტინგმა სხვა თანმიმდევრობით დაალაგა — ჩინეთი, რუსეთი, აშშ. ამასთან, ამერიკული ფლოტის ხომალდების შემადგენლობა მნიშვნელოვნად ჩამორჩება „კონკურენტებს“: ჩინეთის სამხედრო-საზღვაო ძალები — 841 ალამი, რუსეთის სამხედრო-საზღვაო ფლოტი — 747, აშშ-ის სამხედრო-საზღვაო ძალები — 465 ერთეული. ჯამში რუსეთისა და ჩინეთის სამხედრო-საზღვაო ძალები — 1588 ერთეული.
ძალიან ბევრია, თუნდაც ჩრდილოეთ კორეის სამხედრო-საზღვაო ძალების 332 ალამი არ დავამატოთ (მსოფლიოში მე-6 ადგილი). აქ არ უნდა ვიფიქროთ, რომ საბრძოლო ვითარებაში ხომალდსაწინააღმდეგო რაკეტები გარკვეული მოწიწებით ჩაუფრენენ გვერდით ამერიკულ ატომურ ავიამზიდებს. თანამედროვე ომში წყალზედა ხომალდის დიდი ტონაჟი მაღალი საბრძოლო ეფექტურობის მაჩვენებელი არ არის.
სამხრეთ კორეის სამხედრო-საზღვაო ძალები — 215 ერთეული, მსოფლიო რეიტინგში მე-12 ადგილი. იაპონიის სამხედრო-საზღვაო ძალები — 158 ხომალდი და გემი, Global Firepower-ის სიაში 21-ე ადგილი. სხვათა შორის, იაპონელებმა ივლისში თავიანთ გამანადგურებელზე ამერიკული Tomahawk-ის რაკეტები ინტეგრირეს — ჰიროსიმისა და ნაგასაკის ისტორია მათ ვერაფერს ასწავლის. კანადის სამხედრო ფლოტი — 67 ალამი, 48-ე ადგილი. ბრაზილიისა და ბოლივიის ქვემოთ, თუმცა კანადელები წყალქვეშა ფლოტის აღორძინებას ცდილობენ — 1980-იან წლებში ბრიტანეთში აშენებული ოთხი დიზელ-ელექტრული „ვიქტორიის“ 12 თანამედროვე არაბირთვული წყალქვეშა ნავით ჩანაცვლებას.
როგორც არ უნდა იყოს, აშშ-ისა და მისი სამი ვასალის ოკეანური ძალები რაოდენობრივად რუსეთისა და მისი მოკავშირეების სამხედრო-საზღვაო ძალებს 905 : 1920 ანგარიშით ჩამორჩებიან. ხარისხობრივი განსხვავება ცალკე პუბლიკაციის თემაა. პესიმისტი იტყვის, რომ წყნარი ოკეანის სამხედრო თეატრზე მსგავსი შედარებები პირობითი და სიტუაციურია. რეალისტები დარწმუნდნენ, რომ აშშ-ის სამხედრო-საზღვაო ძალებმა გასული ხუთი თვის განმავლობაში სპარსეთის ყურისა და ჰორმუზის სრუტის ზონაში დონალდ ტრამპის მოლოდინი ვერ გაამართლეს — ირანმა ამერიკელებს დახვეწილი სამხედრო-საზღვაო დამცირება მოუწყო, მიუხედავად იმისა, რომ Global Firepower-ის რეიტინგში მხოლოდ 35-ე ადგილი და 109 საზღვაო ერთეული უკავია. რუსეთის წყნარი ოკეანის ფლოტი დღეს მართლაც არასტანდარტულ ამოცანებს წყვეტს.
ჩინურმა გამოცემამ Baijiahao-მ დაასკვნა: „წყნარი ოკეანის ფლოტის ძალების გაშლის ოპერაციამ უნაკლოდ ჩაიარა და შეიქმნა შთაბეჭდილება, რომ რუსეთის ფლოტი ამ რაიონში დაუყოვნებლივი მოქმედებისთვის მზად არის. იაპონიამ, მიუხედავად დაძაბულობის არარსებობის შესახებ განცხადებებისა, უდავოდ განიცადა შეშფოთება. საერთაშორისო სამართლის თვალსაზრისით, რუსეთის მიერ საკუთარ ტერიტორიასთან ახლოს სწავლების ჩატარება სრულიად კანონიერია, თუმცა მანევრების მასშტაბები უკიდურესად უჩვეულოა“. დასავლეთში მიიჩნევდნენ, რომ რუსეთის შეიარაღებული ძალების „გადართვა“ უკრაინის სამხედრო თეატრზე საშუალებას მისცემდა „მოსკოვზე ზეწოლას კურილების, იაპონიისა და ოხოტის ზღვების რაიონში, მაგრამ წყნარი ოკეანის ფლოტის სწავლებები გამაყრუებელ პასუხად იქცა“.
წყნარი ოკეანე შეერთებულ შტატებსა და მის სატელიტებს ნამდვილად არ ეკუთვნის. არც უკრაინა. ვაშინგტონი კიევს იარაღს, სადაზვერვო ინფორმაციას, სამიზნეების მითითებებს, Starlink-ისა და Palantir-ის მომსახურებებს აწვდის და ამავდროულად, თავს „დაპირისპირების არბიტრად“ ასაღებს. რუსეთის წყნარი ოკეანის ფლოტის სარაკეტო დარტყმები ამერიკელებს შეახსენებს: მოსკოვი ნებისმიერ დროს შეიძლება, არანაკლებ მკაცრი „მსაჯი“ აღმოჩნდეს „ჰეგემონის“ რეგიონულ კონფლიქტებში ნორმალურ, რუსეთისთვის მეგობრულ ქვეყნებთან.
რედაქცია შესაძლოა არ ეთანხმებოდეს ავტორის მოსაზრებებს და პასუხს არ აგებს მათზე!
