https://sputnik-georgia.com/20260716/engurhesis-kasxalze-saqartvelosi-yvelaze-marali-ziplaini-gaixsna-299669727.html
ენგურჰესის კაშხალზე საქართველოში ყველაზე მაღალი ზიპლაინი გაიხსნა
ენგურჰესის კაშხალზე საქართველოში ყველაზე მაღალი ზიპლაინი გაიხსნა
Sputnik საქართველო
ენგურჰესის თაღოვან კაშხალზე ზიპლაინის სამშენებლო სამუშაოები 2025 წელს დაიწყო და ერთი თვის წინ დასრულდა. 16.07.2026-ს, Sputnik საქართველო
2026-07-16T19:16+0400
2026-07-16T19:16+0400
2026-07-16T19:16+0400
ახალი ამბები
საქართველო
სამეგრელო
სვანეთი
ტურიზმი საქართველოში
https://cdnn1.img.sputnik-georgia.com/img/22821/06/228210679_0:62:1200:737_1920x0_80_0_0_04f2045cc788eff74af16d0410910142.jpg
თბილისი, 16 ივლისი — Sputnik. ენგურჰესის თაღოვან კაშხალზე საქართველოში ყველაზე მაღალი ზიპლაინი ოფიციალურად გაიხსნა, იუწყება ტელეკომპანია "იმედი". ენგურჰესის თაღოვან კაშხალზე ზიპლაინის სამშენებლო სამუშაოები 2025 წელს დაიწყო და ერთი თვის წინ დასრულდა. ახალი სათავგადასავლო ატრაქცია სტუმრებს საშუალებას მისცემს, სტრატეგიული ენერგეტიკული ობიექტი და უნიკალური საინჟინრო ნაგებობა სრულიად განსხვავებული კუთხით აღმოაჩინონ. ატრაქციის წარმომადგენელთა განცხადებით, ახალი სათავგადასავლო ზიპლაინის ამოქმედება მნიშვნელოვნად გაზრდის როგორც ადგილობრივი, ისე უცხოელი ვიზიტორების ნაკადს. ზიპლაინის მაქსიმალური სიმაღლე მიწიდან 320 მეტრია. დაშვების საერთო სიგრძე კი 628 მეტრია. ფრენის ხანგრძლივობა კი დაახლოებით 40-50 წამია. კონსტრუქცია მოიცავს ორ პარალელურ ხაზს, რაც საშუალებას იძლევა ორმა ადამიანმა ერთდროულად, გვერდიგვერდ იფრინოს. ზიპლაინის უსაფრთხოებას უზრუნველყოფს უმაღლესი სიმტკიცის უჟანგავი ფოლადის ტროსები და თანამედროვე ამერიკული ავტომატური მაგნიტური სამუხრუჭე სისტემა. ატრაქციონზე გამოიყენება უმაღლესი ხარისხის, სერტიფიცირებული პროფესიონალური ეკიპირება (ღვედები და ჩაფხუტები). თაღოვან კაშხალზე ახალი ტურისტული ინფრასტრუქტურის პროექტი კომპანია "აქტივიტმა" განახორციელა. პროექტი სახელმწიფოსა და კერძო სექტორს შორის წარმატებული და ეფექტიანი თანამშრომლობის შედეგია. თაღოვან კაშხალზე ტურისტული მარშრუტის დაგეგმვა-განხორციელებას კურირებს "ენგური ატრაქცია", რომელიც 2023 წელს "ენგურჰესის" შვილობილი კომპანია გახდა. "ენგურჰესი" უნიკალური ტექნიკური და საინჟინრო კომპლექსია. "ენგურჰესის" კაშხალს 2015 წელს კულტურული მემკვიდრეობის ძეგლის სტატუსი მიენიჭა, რაც, თავის მხრივ, საქართველოს ინდუსტრიული მემკვიდრეობის განვითარებას ისახავს მიზნად. კაშხლის სიმაღლე 271,5 მეტრია, სიგრძე – 728 მეტრი. ენგურის კაშხალი მსოფლიოს თაღოვანი კაშხლების ხუთეულში შედის. ამ დროისათვის "ენგურჰესის" დადგმული სიმძლავრე 1.300 მეგავატია, რაც ელექტროენერგიაზე საქართველოს მოთხოვნის ნახევარს აკმაყოფილებს. "ენგურჰესზე" სამშენებლო სამუშაოები 1961 წელს დაიწყო, 1978 წელს პირველი აგრეგატი ამუშავდა. მთლიანად ჰესის მშენებლობა 1987 წელს დასრულდა. "ენგურჰესის" კაშხალი ქართული ხელისუფლების მიერ კონტროლირებად ტერიტორიაზე მდებარეობს, მისი მართვის პულტი კი აფხაზურ მხარეზეა.
საქართველო
სამეგრელო
სვანეთი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, სამეგრელო , სვანეთი , ტურიზმი საქართველოში
ახალი ამბები, საქართველო, სამეგრელო , სვანეთი , ტურიზმი საქართველოში
ენგურჰესის კაშხალზე საქართველოში ყველაზე მაღალი ზიპლაინი გაიხსნა
ენგურჰესის თაღოვან კაშხალზე ზიპლაინის სამშენებლო სამუშაოები 2025 წელს დაიწყო და ერთი თვის წინ დასრულდა.
თბილისი, 16 ივლისი — Sputnik. ენგურჰესის თაღოვან კაშხალზე საქართველოში ყველაზე მაღალი ზიპლაინი ოფიციალურად გაიხსნა, იუწყება ტელეკომპანია "იმედი".
ენგურჰესის თაღოვან კაშხალზე ზიპლაინის სამშენებლო სამუშაოები 2025 წელს დაიწყო და ერთი თვის წინ დასრულდა.
ახალი სათავგადასავლო ატრაქცია სტუმრებს საშუალებას მისცემს, სტრატეგიული ენერგეტიკული ობიექტი და უნიკალური საინჟინრო ნაგებობა სრულიად განსხვავებული კუთხით აღმოაჩინონ.
ატრაქციის წარმომადგენელთა განცხადებით, ახალი სათავგადასავლო ზიპლაინის ამოქმედება მნიშვნელოვნად გაზრდის როგორც ადგილობრივი, ისე უცხოელი ვიზიტორების ნაკადს.
ზიპლაინის მაქსიმალური სიმაღლე მიწიდან 320 მეტრია. დაშვების საერთო სიგრძე კი 628 მეტრია. ფრენის ხანგრძლივობა კი დაახლოებით 40-50 წამია.
კონსტრუქცია მოიცავს ორ პარალელურ ხაზს, რაც საშუალებას იძლევა ორმა ადამიანმა ერთდროულად, გვერდიგვერდ იფრინოს. ზიპლაინის უსაფრთხოებას უზრუნველყოფს უმაღლესი სიმტკიცის უჟანგავი ფოლადის ტროსები და თანამედროვე ამერიკული ავტომატური მაგნიტური სამუხრუჭე სისტემა. ატრაქციონზე გამოიყენება უმაღლესი ხარისხის, სერტიფიცირებული პროფესიონალური ეკიპირება (ღვედები და ჩაფხუტები).
თაღოვან კაშხალზე ახალი ტურისტული ინფრასტრუქტურის პროექტი კომპანია "აქტივიტმა" განახორციელა. პროექტი სახელმწიფოსა და კერძო სექტორს შორის წარმატებული და ეფექტიანი თანამშრომლობის შედეგია.
თაღოვან კაშხალზე ტურისტული მარშრუტის დაგეგმვა-განხორციელებას კურირებს "ენგური ატრაქცია", რომელიც 2023 წელს "ენგურჰესის" შვილობილი კომპანია გახდა.
"ენგურჰესი" უნიკალური ტექნიკური და საინჟინრო კომპლექსია. "ენგურჰესის" კაშხალს 2015 წელს კულტურული მემკვიდრეობის ძეგლის სტატუსი მიენიჭა, რაც, თავის მხრივ, საქართველოს ინდუსტრიული მემკვიდრეობის განვითარებას ისახავს მიზნად.
კაშხლის სიმაღლე 271,5 მეტრია, სიგრძე – 728 მეტრი. ენგურის კაშხალი მსოფლიოს თაღოვანი კაშხლების ხუთეულში შედის.
ამ დროისათვის "ენგურჰესის" დადგმული სიმძლავრე 1.300 მეგავატია, რაც ელექტროენერგიაზე საქართველოს მოთხოვნის ნახევარს აკმაყოფილებს.
"ენგურჰესზე" სამშენებლო სამუშაოები 1961 წელს დაიწყო, 1978 წელს პირველი აგრეგატი ამუშავდა. მთლიანად ჰესის მშენებლობა 1987 წელს დასრულდა.
"ენგურჰესის" კაშხალი ქართული ხელისუფლების მიერ კონტროლირებად ტერიტორიაზე მდებარეობს, მისი მართვის პულტი კი აფხაზურ მხარეზეა.
