https://sputnik-georgia.com/20260630/tbilisshi-saqartvelo-uzbeketis-biznesporumi-gaimarteba-299419902.html
თბილისში უზბეკეთი-საქართველოს ბიზნეს-ფორუმი გაიმართება
თბილისში უზბეკეთი-საქართველოს ბიზნეს-ფორუმი გაიმართება
Sputnik საქართველო
ბოლო წლებში უზბეკეთსა და საქართველოს შორის ურთიერთობებმა უფრო სტაბილური ეკონომიკური შინაარსი შეიძინა. 30.06.2026-ს, Sputnik საქართველო
2026-06-30T20:32+0400
2026-06-30T20:32+0400
2026-06-30T20:32+0400
საქართველო
უზბეკეთი
საქართველოს ეკონომიკა
ახალი ამბები
https://cdnn1.img.sputnik-georgia.com/img/24540/78/245407827_0:108:2000:1233_1920x0_80_0_0_089ae890d28d5b61471457bce57b4b55.jpg
თბილისი, 30 ივნისი — Sputnik. 1-ელ ივლისს თბილისში მასშტაბური ბიზნეს-ფორუმი „უზბეკეთი-საქართველო“ გაიმართება. ამის შესახებ ინფორმაციას უზბეკეთის ინვესტიციების, მრეწველობისა და ვაჭრობის სამინისტროსთან არსებული უცხოური ინვესტიციების მოზიდვის სააგენტო ავრცელებს.უწყების ცნობით, ღონისძიება მიზნად ისახავს პრაქტიკული პლატფორმის შექმნას ორი ქვეყნის პროფილური სახელმწიფო უწყებების ხელმძღვანელებსა და ბიზნეს-წრეების წარმომადგენლებს შორის პირდაპირი და ღია დიალოგისთვის. შეხვედრის მთავარი ვექტორი ორმხრივი თანამშრომლობის დაჩქარებას, საინვესტიციო სფეროში აზრთა გაზიარებასა და სავაჭრო-ეკონომიკური კავშირების გაფართოებას მიემართება.ფორუმის ფარგლებში უზბეკური მხარე რესპუბლიკის საინვესტიციო პოტენციალის კომპლექსურ პრეზენტაციას გამართავს. ქართველ პარტნიორებს დეტალურად გააცნობენ ქვეყანაში მოქმედ ნორმატიულ-სამართლებრივ პირობებს, პრეფერენციებსა და უცხოელი ინვესტორების მხარდაჭერის სახელმწიფო მექანიზმებს.გარდა ამისა, ფორუმის მონაწილეები გაეცნობიან უზბეკეთის გრძელვადიანი სახელმწიფო პოლიტიკის ძირითად მიმართულებებს, რომლებიც საინვესტიციო კლიმატის გაუმჯობესებასა და მეწარმეთა უფლებების დაცვას ისახავს მიზნად.პანელური დისკუსიებისა და B2B შეხვედრების დროს განსაკუთრებული აქცენტი გაკეთდება სტრატეგიული პარტნიორობის პერსპექტივებზე ეკონომიკის ისეთ საბაზისო დარგებში, როგორიცაა:სააგენტოს ცნობით, სფეროს ექსპერტები და მეწარმეები გამართავენ მიზნობრივ მოლაპარაკებებს ახალი კომერციული შესაძლებლობების განსახილველად და ერთობლივი საინვესტიციო პროექტების პორტფელის ჩამოსაყალიბებლად.ბოლო წლებში უზბეკეთსა და საქართველოს შორის ურთიერთობებმა უფრო სტაბილური ეკონომიკური შინაარსი შეიძინა. პოლიტიკურ დიალოგთან ერთად, სულ უფრო მეტ მნიშვნელობას იძენს ვაჭრობა, საინვესტიციო თანამშრომლობა, სამრეწველო კოოპერაცია და სატრანსპორტო-ლოჯისტიკური კავშირები.
საქართველო
უზბეკეთი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, უზბეკეთი, საქართველოს ეკონომიკა, ახალი ამბები
საქართველო, უზბეკეთი, საქართველოს ეკონომიკა, ახალი ამბები
თბილისში უზბეკეთი-საქართველოს ბიზნეს-ფორუმი გაიმართება
ბოლო წლებში უზბეკეთსა და საქართველოს შორის ურთიერთობებმა უფრო სტაბილური ეკონომიკური შინაარსი შეიძინა.
თბილისი, 30 ივნისი — Sputnik. 1-ელ ივლისს თბილისში მასშტაბური ბიზნეს-ფორუმი „უზბეკეთი-საქართველო“ გაიმართება. ამის შესახებ ინფორმაციას უზბეკეთის ინვესტიციების, მრეწველობისა და ვაჭრობის სამინისტროსთან არსებული უცხოური ინვესტიციების მოზიდვის სააგენტო
ავრცელებს.
უწყების ცნობით, ღონისძიება მიზნად ისახავს პრაქტიკული პლატფორმის შექმნას ორი ქვეყნის პროფილური სახელმწიფო უწყებების ხელმძღვანელებსა და ბიზნეს-წრეების წარმომადგენლებს შორის პირდაპირი და ღია დიალოგისთვის. შეხვედრის მთავარი ვექტორი ორმხრივი თანამშრომლობის დაჩქარებას, საინვესტიციო სფეროში აზრთა გაზიარებასა და სავაჭრო-ეკონომიკური კავშირების გაფართოებას მიემართება.
ფორუმის ფარგლებში უზბეკური მხარე რესპუბლიკის საინვესტიციო პოტენციალის კომპლექსურ პრეზენტაციას გამართავს. ქართველ პარტნიორებს დეტალურად გააცნობენ ქვეყანაში მოქმედ ნორმატიულ-სამართლებრივ პირობებს, პრეფერენციებსა და უცხოელი ინვესტორების მხარდაჭერის სახელმწიფო მექანიზმებს.
გარდა ამისა, ფორუმის მონაწილეები გაეცნობიან უზბეკეთის გრძელვადიანი სახელმწიფო პოლიტიკის ძირითად მიმართულებებს, რომლებიც საინვესტიციო კლიმატის გაუმჯობესებასა და მეწარმეთა უფლებების დაცვას ისახავს მიზნად.
პანელური დისკუსიებისა და B2B შეხვედრების დროს განსაკუთრებული აქცენტი გაკეთდება სტრატეგიული პარტნიორობის პერსპექტივებზე ეკონომიკის ისეთ საბაზისო დარგებში, როგორიცაა:
ელექტროტექნიკური მრეწველობა;
თანამედროვე სამშენებლო მასალების წარმოება.
სააგენტოს ცნობით, სფეროს ექსპერტები და მეწარმეები გამართავენ მიზნობრივ მოლაპარაკებებს ახალი კომერციული შესაძლებლობების განსახილველად და ერთობლივი საინვესტიციო პროექტების პორტფელის ჩამოსაყალიბებლად.
ბოლო წლებში უზბეკეთსა და საქართველოს შორის ურთიერთობებმა უფრო სტაბილური ეკონომიკური შინაარსი შეიძინა. პოლიტიკურ დიალოგთან ერთად, სულ უფრო მეტ მნიშვნელობას იძენს ვაჭრობა, საინვესტიციო თანამშრომლობა, სამრეწველო კოოპერაცია და სატრანსპორტო-ლოჯისტიკური კავშირები.
