https://sputnik-georgia.com/20260623/xelovnebis-muzeumis-shenobas-restavracia-chautardeba-299293525.html
ხელოვნების მუზეუმის ისტორიულ შენობას რესტავრაცია ჩაუტარდება
ხელოვნების მუზეუმის ისტორიულ შენობას რესტავრაცია ჩაუტარდება
Sputnik საქართველო
მუნიციპალური ფონდის მიერ გამოცხადებულ კონკურსში საპროექტო დოკუმენტაცია უნდა მოიცავდეს ისტორიული, ურბანული, არქიტექტურული, კონსტრუქციული, საინჟინრო და... 23.06.2026-ს, Sputnik საქართველო
2026-06-23T18:00+0400
2026-06-23T18:00+0400
2026-06-23T18:00+0400
საქართველო
საქართველოს კულტურისა და სპორტის სამინისტრო
საზოგადოება
ახალი ამბები
https://cdnn1.img.sputnik-georgia.com/img/07e5/07/17/252400849_0:67:1281:787_1920x0_80_0_0_63360859933dffe975f0c01b486c8def.jpg
თბილისი, 23 ივნისი — Sputnik. შალვა ამირანაშვილის სახელობის ხელოვნების მუზეუმის ისტორიული შენობის რესტავრაციის პროექტზე კონკურსი გამოცხადდა, იუწყება მუნიციპალური განვითარების ფონდი. ფონდმა კულტურის სამინისტროს ინიციატივით კონკურსი გამოაცხადა, რომლის ფარგლებში მომზადდება ხელოვნების მუზეუმის ისტორიული შენობისა და მისი მეორე კორპუსის კონსერვაცია-რესტავრაციისა და თანამედროვე მუზეუმის ფუნქციებთან ადაპტაციის საპროექტო დოკუმენტაცია. უწყების ცნობით, საპროექტო დოკუმენტაცია უნდა მოიცავდეს ისტორიული, ურბანული, არქიტექტურული, კონსტრუქციული, საინჟინრო და მუზეოგრაფიული გადაწყვეტების სრულ კომპლექსს. განსაკუთრებული ყურადღება უნდა დაეთმოს ავთენტურობის შენარჩუნებას, მინიმალურ და შექცევად ჩარევებს, საერთაშორისო საკონსერვაციო პრაქტიკის გამოყენებას და თანამედროვე მუზეუმის სტანდარტების დაცვას. პროექტის მიხედვით უნდა დაიგეგმოს ხელოვნების მუზეუმის შენობის სრულფასოვანი განახლება და მისი გრძელვადიანი დაცვის პროცესი, კოლექციების საერთაშორისო სტანდარტების შესაბამისად შენახვა და წარმოჩენა, რაც მუზეუმს მისცემს შესაძლებლობას სრულფასოვნად წარმართოს არა მხოლოდ საგამოფენო, არამედ სამეცნიერო, კვლევითი და საგანმანათლებლო საქმიანობა. რესტავრაციის პროექტის განხილვის პროცესში აქტიურად ჩაერთვება კულტურის სამინისტრო. შენობა აგებულია XIX საუკუნის 30-იანი წლების ბოლოს. შენობას, როგორც თბილისის ევროპული არქიტექტურის ერთ-ერთ პირველ ნიმუშს და კულტურული მემკვიდრეობის გამორჩეულ უძრავ ძეგლს, საქართველოს პრეზიდენტის 2009 წლის 20 ნოემბრის N834 ბრძანებულებით განსაზღვრული აქვს ეროვნული მნიშვნელობის კატეგორია. შალვა ამირანაშვილის სახელობის ხელოვნების მუზეუმი ამ შენობაში 1952 წელს განთავსდა. მუზეუმის ფონდებში დაახლოებით 140 000 უნიკალური ექსპონატია დაცული. მუზეუმი საქართველოში ხელოვნების ნიმუშთა უდიდეს საცავს წარმოადგენს. მისი კოლექცია მოიცავს როგორც ქართული კულტურის უმნიშვნელოვანეს ძეგლებს, ისე აღმოსავლეთის, რუსეთისა და დასავლეთ ევროპის ქვეყნების ხელოვნების ნიმუშებს
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს კულტურისა და სპორტის სამინისტრო, საზოგადოება, ახალი ამბები
საქართველო, საქართველოს კულტურისა და სპორტის სამინისტრო, საზოგადოება, ახალი ამბები
ხელოვნების მუზეუმის ისტორიულ შენობას რესტავრაცია ჩაუტარდება
მუნიციპალური ფონდის მიერ გამოცხადებულ კონკურსში საპროექტო დოკუმენტაცია უნდა მოიცავდეს ისტორიული, ურბანული, არქიტექტურული, კონსტრუქციული, საინჟინრო და მუზეოგრაფიული გადაწყვეტების სრულ კომპლექსს.
თბილისი, 23 ივნისი — Sputnik. შალვა ამირანაშვილის სახელობის ხელოვნების მუზეუმის ისტორიული შენობის რესტავრაციის პროექტზე კონკურსი გამოცხადდა, იუწყება მუნიციპალური განვითარების ფონდი.
ფონდმა კულტურის სამინისტროს ინიციატივით კონკურსი გამოაცხადა, რომლის ფარგლებში მომზადდება ხელოვნების მუზეუმის ისტორიული შენობისა და მისი მეორე კორპუსის კონსერვაცია-რესტავრაციისა და თანამედროვე მუზეუმის ფუნქციებთან ადაპტაციის საპროექტო დოკუმენტაცია.
„პროექტით გათვალისწინებული უნდა იყოს ეროვნული კატეგორიის მქონე კულტურული მემკვიდრეობის ძეგლის - ხელოვნების მუზეუმის შენობის კონსერვაცია, რესტავრაცია და სტრუქტურული გამაგრება მისი ავთენტური არქიტექტურული სახისა და ისტორიული ქსოვილის დაცვით, ასევე, თანამედროვე მუზეუმის სტანდარტებთან შესაბამისი ფუნქციური ადაპტაცია“, -აღნიშლია ინფორმაციაში.
უწყების ცნობით, საპროექტო დოკუმენტაცია უნდა მოიცავდეს ისტორიული, ურბანული, არქიტექტურული, კონსტრუქციული, საინჟინრო და მუზეოგრაფიული გადაწყვეტების სრულ კომპლექსს.
განსაკუთრებული ყურადღება უნდა დაეთმოს ავთენტურობის შენარჩუნებას, მინიმალურ და შექცევად ჩარევებს, საერთაშორისო საკონსერვაციო პრაქტიკის გამოყენებას და თანამედროვე მუზეუმის სტანდარტების დაცვას.
პროექტის მიხედვით უნდა დაიგეგმოს ხელოვნების მუზეუმის შენობის სრულფასოვანი განახლება და მისი გრძელვადიანი დაცვის პროცესი, კოლექციების საერთაშორისო სტანდარტების შესაბამისად შენახვა და წარმოჩენა, რაც მუზეუმს მისცემს შესაძლებლობას სრულფასოვნად წარმართოს არა მხოლოდ საგამოფენო, არამედ სამეცნიერო, კვლევითი და საგანმანათლებლო საქმიანობა.
„ხელოვნების მუზეუმის ინფრასტრუქტურის განახლების შედეგად მომავალი თაობებისთვის შენარჩუნებული უნდა იყოს საქართველოს და მსოფლიო მნიშვნელობის კულტურული საგანძური, ვიზიტორებისთვის შეიქმნას თანამედროვე და კომფორტული გარემო, თანამშრომლებისთვის კი უზრუნველყოფილი იყოს უსაფრთხო სამუშაო პირობები“, -აღნიშულია ინფორმაციაში.
რესტავრაციის პროექტის განხილვის პროცესში აქტიურად ჩაერთვება კულტურის სამინისტრო.
შენობა აგებულია XIX საუკუნის 30-იანი წლების ბოლოს. შენობას, როგორც თბილისის ევროპული არქიტექტურის ერთ-ერთ პირველ ნიმუშს და კულტურული მემკვიდრეობის გამორჩეულ უძრავ ძეგლს, საქართველოს პრეზიდენტის 2009 წლის 20 ნოემბრის N834 ბრძანებულებით განსაზღვრული აქვს ეროვნული მნიშვნელობის კატეგორია.
შალვა ამირანაშვილის სახელობის ხელოვნების მუზეუმი ამ შენობაში 1952 წელს განთავსდა. მუზეუმის ფონდებში დაახლოებით 140 000 უნიკალური ექსპონატია დაცული.
მუზეუმი საქართველოში ხელოვნების ნიმუშთა უდიდეს საცავს წარმოადგენს. მისი კოლექცია მოიცავს როგორც ქართული კულტურის უმნიშვნელოვანეს ძეგლებს, ისე აღმოსავლეთის, რუსეთისა და დასავლეთ ევროპის ქვეყნების ხელოვნების ნიმუშებს
