https://sputnik-georgia.com/20260529/gorsi-zaladobis-braldebit-dakavebul-eqvsive-policiels-patimroba-seefarda-298911634.html
გორში ძალადობის ბრალდებით დაკავებულ ექვსივე პოლიციელს პატიმრობა შეეფარდა
გორში ძალადობის ბრალდებით დაკავებულ ექვსივე პოლიციელს პატიმრობა შეეფარდა
Sputnik საქართველო
პოლიციელების მიერ მოქალაქის ცემის ფაქტი ადგილობრივმა მედიამ გადაიღო 29.05.2026-ს, Sputnik საქართველო
2026-05-29T17:19+0400
2026-05-29T17:19+0400
2026-05-29T17:19+0400
ახალი ამბები
საქართველო
გორი
შემთხვევები საქართველოში
შემთხვევები
ქართული სასამართლო
https://cdnn1.img.sputnik-georgia.com/img/24478/59/244785968_0:160:3072:1888_1920x0_80_0_0_57847f71fe47f472c90c879c3f39e722.jpg
თბილისი, 29 მაისი — Sputnik. გორის რაიონულმა სასამართლომ გორში ძალადობის ბრალდებით ექვსივე პოლიციელს აღკვეთის ღონისძიების სახით პატიმრობა შეუფარდა, იუწყება ტელეკომპანია "მთავარი". პროკურატურამ გორში მოქალაქის ცემის ფაქტზე სამსახურებრივი უფლებამოსილების ძალადობით გადამეტების ბრალდებით ექვსი პოლიციელი გუშინ დააკავა. უწყების ინფორმაციით, 2026 წლის 27 მაისს გორში ბრალდებულებმა დაზარალებულის დაკავებისას ძალადობით გადაამეტეს სამსახურებრივ უფლებამოსილებას. განხორციელებული ძალადობის შედეგად, არსებითად დაირღვა დაზარალებულის უფლებები, ამასთან დაზიანდა მისი ჯანმრთელობა. ბრალდებულებს 5-დან 8 წლამდე ვადით თავისუფლების აღკვეთა ემუქრებათ. შესაბამასი გადაწყვეტილება მოსამართლე გერმანე დადეშქელიანმა მიიღო. მოსამართლემ ექვსივე პოლიციელის თანამდებობიდან გადაყენების შუამდგომლობაც დააკმაყოფილა. ძალადობით უფლებამოსილების გადამეტებაში ბრალდებული პოლიციელების წინასასამართლო განხილვა 24 ივლისს ჩაინიშნა. დაკავებულებს ბრალდება სსკ-ის 333-ე მუხლის მესამე ნაწილის "ბ" ქვეპუნქტით (სამსახურებრივი უფლებამოსილების გადამეტება, ჩადენილი ძალადობით) აქვთ წარდგენილი, რაც სასჯელის სახედ და ზომად 5-დან 8 წლამდე თავისუფლების აღკვეთას ითვალისწინებს. 2026 წლის 27 მაისს პაპუნა ლოცულაშვილის ცემის ამსახველმა კადრებმა ფართო საზოგადოებრივი რეზონანსი გამოიწვია. ცემის ფაქტი ადგილობრივმა მედიამ გადაიღო. კადრებში ჩანს, როგორ ურტყამენ პოლიციელები დაკავებულს ფეხებს და ხელბორკილების დადების შემდეგ აგრძელებენ მის ცემას. დაზარალებულს ნეკნი აქვს გატეხილი, აქვს დაჟეჟილობები, გარდა ამისა, ის არის მძიმე ფსიქოლოგიურ მდგომარეობაში. კადრების გავრცელებისთანავე საქართველოს პრემიერ-მინისტრმა ირაკლი კობახიძემ კომენტარი გააკეთა სიტუაციაზე, პოლიციის ქმედებებს მიუღებელი უწოდა და შესაბამის ორგანოებს დაუყოვნებლივი რეაგირებისკენ მოუწოდა. ოპოზიციის წარმომადგენლები მიიჩნევენ, რომ გორში მომხდარი ფაქტი არ არის ერთეული შემთხვევა, ეს არის სისტემური დანაშაული, რომელიც ჯგუფურად, რამდენიმე პირის მონაწილეობით განხორციელდა და საჭიროებს სრულ, დამოუკიდებელ და გამჭვირვალე გამოძიებას.
საქართველო
გორი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, გორი, შემთხვევები საქართველოში, შემთხვევები, ქართული სასამართლო
ახალი ამბები, საქართველო, გორი, შემთხვევები საქართველოში, შემთხვევები, ქართული სასამართლო
გორში ძალადობის ბრალდებით დაკავებულ ექვსივე პოლიციელს პატიმრობა შეეფარდა
პოლიციელების მიერ მოქალაქის ცემის ფაქტი ადგილობრივმა მედიამ გადაიღო
თბილისი, 29 მაისი — Sputnik. გორის რაიონულმა სასამართლომ გორში ძალადობის ბრალდებით ექვსივე პოლიციელს აღკვეთის ღონისძიების სახით პატიმრობა შეუფარდა, იუწყება ტელეკომპანია "მთავარი".
პროკურატურამ გორში მოქალაქის ცემის ფაქტზე სამსახურებრივი უფლებამოსილების ძალადობით გადამეტების ბრალდებით ექვსი პოლიციელი გუშინ დააკავა. უწყების ინფორმაციით, 2026 წლის 27 მაისს გორში ბრალდებულებმა დაზარალებულის დაკავებისას ძალადობით გადაამეტეს სამსახურებრივ უფლებამოსილებას. განხორციელებული ძალადობის შედეგად, არსებითად დაირღვა დაზარალებულის უფლებები, ამასთან დაზიანდა მისი ჯანმრთელობა. ბრალდებულებს 5-დან 8 წლამდე ვადით თავისუფლების აღკვეთა ემუქრებათ.
შესაბამასი გადაწყვეტილება მოსამართლე გერმანე დადეშქელიანმა მიიღო. მოსამართლემ ექვსივე პოლიციელის თანამდებობიდან გადაყენების შუამდგომლობაც დააკმაყოფილა. ძალადობით უფლებამოსილების გადამეტებაში ბრალდებული პოლიციელების წინასასამართლო განხილვა 24 ივლისს ჩაინიშნა.
დაკავებულებს ბრალდება სსკ-ის 333-ე მუხლის მესამე ნაწილის "ბ" ქვეპუნქტით (სამსახურებრივი უფლებამოსილების გადამეტება, ჩადენილი ძალადობით) აქვთ წარდგენილი, რაც სასჯელის სახედ და ზომად 5-დან 8 წლამდე თავისუფლების აღკვეთას ითვალისწინებს.
2026 წლის 27 მაისს პაპუნა ლოცულაშვილის ცემის ამსახველმა კადრებმა ფართო საზოგადოებრივი რეზონანსი გამოიწვია. ცემის ფაქტი ადგილობრივმა მედიამ გადაიღო. კადრებში ჩანს, როგორ ურტყამენ პოლიციელები დაკავებულს ფეხებს და ხელბორკილების დადების შემდეგ აგრძელებენ მის ცემას. დაზარალებულს ნეკნი აქვს გატეხილი, აქვს დაჟეჟილობები, გარდა ამისა, ის არის მძიმე ფსიქოლოგიურ მდგომარეობაში.
კადრების გავრცელებისთანავე საქართველოს პრემიერ-მინისტრმა ირაკლი კობახიძემ კომენტარი გააკეთა სიტუაციაზე, პოლიციის ქმედებებს მიუღებელი უწოდა და შესაბამის ორგანოებს დაუყოვნებლივი რეაგირებისკენ მოუწოდა.
ოპოზიციის წარმომადგენლები მიიჩნევენ, რომ გორში მომხდარი ფაქტი არ არის ერთეული შემთხვევა, ეს არის სისტემური დანაშაული, რომელიც ჯგუფურად, რამდენიმე პირის მონაწილეობით განხორციელდა და საჭიროებს სრულ, დამოუკიდებელ და გამჭვირვალე გამოძიებას.
