https://sputnik-georgia.com/20260525/kobaxidzem-ashs-delegacia-miigo-298830745.html
ურთიერთობების გადატვირთვა: პრემიერმა აშშ-ის სახდეპარტამენტის დელეგაციას უმასპინძლა
ურთიერთობების გადატვირთვა: პრემიერმა აშშ-ის სახდეპარტამენტის დელეგაციას უმასპინძლა
Sputnik საქართველო
მხარეებმა ხაზი გაუსვეს საქართველოს, როგორც რეგიონში საიმედო პარტნიორის როლს. 25.05.2026-ს, Sputnik საქართველო
2026-05-25T23:58+0400
2026-05-25T23:58+0400
2026-05-26T00:29+0400
საქართველო
საქართველოს პრემიერ–მინისტრი
აშშ
პოლიტიკა საქართველოში
საქართველოს საგარეო პოლიტიკა
ახალი ამბები
https://cdnn1.img.sputnik-georgia.com/img/07ea/05/19/298828102_0:0:2048:1153_1920x0_80_0_0_7aa259d4c5f1463c9a635756346eda6e.jpg
თბილისი, 25 მაისი — Sputnik. საქართველოსა და აშშ-ს შორის ურთიერთობების გადატვირთვისა და კონკრეტულ გეგმაზე დაფუძნებული სტრატეგიული პარტნიორობის ჩამოყალიბების მნიშვნელობა განიხილეს საქართველოს პრემიერ-მინისტრ ირაკლი კობახიძემ აშშ-ის სახელმწიფო დეპარტამენტის წარმომადგენლებთან შეხვედრაზე, იუწყება მთავრობის ადმინისტრაციის პრეს-სამსახური.აპრილის ბოლოს საქართველოს მთავრობის მეთაურმა განაცხადა, რომ უახლოეს მომავალში ორი ქვეყნის ხელისუფლების წარმომადგენლებს შორის არაერთი შეხვედრა გაიმართებოდა - აშშ-ის სახელმწიფო დეპარტამენტის დელეგაცია თბილისში 24 მაისს ჩამოვიდა.შეხვედრაზე პრემიერ-მინისტრმა კიდევ ერთხელ დაადასტურა საქართველოს მთავრობის მზადყოფნა, ორმხრივი ურთიერთობები სუფთა ფურცლიდან, ორმხრივი პატივისცემის საფუძველზე განაახლოს.აღინიშნა, რომ აშშ-ის სახელმწიფო დეპარტამენტის ინტერესი საქართველოს მიმართ მისასალმებელია, რაც ბოლოდროინდელი კონტაქტების ინტენსივობითაც დასტურდება.მხარეებმა ხაზი გაუსვეს საქართველოს, როგორც რეგიონში საიმედო პარტნიორის როლს. როგორც პრემიერმა განაცხადა, საქართველო მზად არის, მომავალშიც შეიტანოს წვლილი იმ ძალისხმევაში, რომელიც რეგიონში გრძელვადიანი მშვიდობისა და სტაბილურობის უზრუნველყოფისკენაა მიმართულიშეხვედრას ესწრებოდნენ საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი და მთავრობის ადმინისტრაციის უფროსი ლევან ჟორჟოლიანი.საქართველო და აშშსაქართველოსა და ამერიკის შეერთებულ შტატებს შორის ურთიერთობები ამჟამად ფორმალურ ხასიათს ატარებს. აშშ-ის ყოფილი პრეზიდენტის, ჯო ბაიდენის ადმინისტრაციის დროს, ქვეყნებს შორის შეჩერდა სტრატეგიული პარტნიორობა, რომელიც 2009 წლიდან მოქმედებდა და არაერთ ქართველ მაღალჩინოსანს სავიზო სანქციები დაუწესდა.შეზღუდვები, თუმცა ფინანსური, დაუწესდა ასევე საქართველოს მმართველი პარტიის, "ქართული ოცნება - დემოკრატიული საქართველოს", საპატიო თავმჯდომარე ბიძინა ივანიშვილს.ურთიერთობების გაუარესების მიზეზი საქართველოში მიღებული არაერთი კანონი იყო, რომელიც, ბაიდენის ადმინისტრაციის თქმით, "ეწინააღმდეგება დემოკრატიის პრინციპებს".ხელისუფლებაში დონალდ ტრამპის მოსვლის შემდეგ, თბილისის მთავრობამ არაერთხელ გამოთქვა სურვილი, გადატვირთოს ურთიერთობები და გააფორმოს ახალი შეთანხმება სტრატეგიული პარტნიორობის შესახებ თანასწორი პირობებით, მათ შორის ქვეყნის მოქალაქეებისთვის უვიზო რეჟიმის და პირდაპირი რეისების დაწყების ჩათვლით. "ქართულ ოცნებას" ამ ინიციატივაზე ჯერ მკაფიო პასუხი არ მიუღია.რიგი ევროპული ქვეყნისგან განსხვავებით, ტრამპის ადმინისტრაცია ეჭვქვეშ არ აყენებს საქართველოს მთავრობის ლეგიტიმურობას, თუმცა მაღალი დონის კონტაქტები ჯერ არ არსებობს და ურთიერთქმედება დიპლომატიური მისიების მეშვეობით კომუნიკაციით შემოიფარგლება.
საქართველო
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს პრემიერ–მინისტრი, აშშ , პოლიტიკა საქართველოში, საქართველოს საგარეო პოლიტიკა, ახალი ამბები
საქართველო, საქართველოს პრემიერ–მინისტრი, აშშ , პოლიტიკა საქართველოში, საქართველოს საგარეო პოლიტიკა, ახალი ამბები
ურთიერთობების გადატვირთვა: პრემიერმა აშშ-ის სახდეპარტამენტის დელეგაციას უმასპინძლა
23:58 25.05.2026 (განახლებულია: 00:29 26.05.2026) მხარეებმა ხაზი გაუსვეს საქართველოს, როგორც რეგიონში საიმედო პარტნიორის როლს.
თბილისი, 25 მაისი — Sputnik. საქართველოსა და აშშ-ს შორის ურთიერთობების გადატვირთვისა და კონკრეტულ გეგმაზე დაფუძნებული სტრატეგიული პარტნიორობის ჩამოყალიბების მნიშვნელობა განიხილეს საქართველოს პრემიერ-მინისტრ ირაკლი კობახიძემ აშშ-ის სახელმწიფო დეპარტამენტის წარმომადგენლებთან შეხვედრაზე, იუწყება მთავრობის ადმინისტრაციის პრეს-სამსახური.
აპრილის ბოლოს საქართველოს მთავრობის მეთაურმა განაცხადა, რომ უახლოეს მომავალში ორი ქვეყნის ხელისუფლების წარმომადგენლებს შორის არაერთი შეხვედრა გაიმართებოდა - აშშ-ის სახელმწიფო დეპარტამენტის დელეგაცია თბილისში 24 მაისს ჩამოვიდა.
შეხვედრაზე პრემიერ-მინისტრმა კიდევ ერთხელ დაადასტურა საქართველოს მთავრობის მზადყოფნა, ორმხრივი ურთიერთობები სუფთა ფურცლიდან, ორმხრივი პატივისცემის საფუძველზე განაახლოს.
აღინიშნა, რომ აშშ-ის სახელმწიფო დეპარტამენტის ინტერესი საქართველოს მიმართ მისასალმებელია, რაც ბოლოდროინდელი კონტაქტების ინტენსივობითაც დასტურდება.
მხარეებმა ხაზი გაუსვეს საქართველოს, როგორც რეგიონში საიმედო პარტნიორის როლს. როგორც პრემიერმა განაცხადა, საქართველო მზად არის, მომავალშიც შეიტანოს წვლილი იმ ძალისხმევაში, რომელიც რეგიონში გრძელვადიანი მშვიდობისა და სტაბილურობის უზრუნველყოფისკენაა მიმართული
შეხვედრას ესწრებოდნენ საქართველოს ვიცე-პრემიერი, საგარეო საქმეთა მინისტრი მაკა ბოჭორიშვილი და მთავრობის ადმინისტრაციის უფროსი ლევან ჟორჟოლიანი.
საქართველოსა და ამერიკის შეერთებულ შტატებს შორის ურთიერთობები ამჟამად ფორმალურ ხასიათს ატარებს. აშშ-ის ყოფილი პრეზიდენტის, ჯო ბაიდენის ადმინისტრაციის დროს, ქვეყნებს შორის შეჩერდა სტრატეგიული პარტნიორობა, რომელიც 2009 წლიდან მოქმედებდა და არაერთ ქართველ მაღალჩინოსანს სავიზო სანქციები დაუწესდა.
შეზღუდვები, თუმცა ფინანსური, დაუწესდა ასევე საქართველოს მმართველი პარტიის, "ქართული ოცნება - დემოკრატიული საქართველოს", საპატიო თავმჯდომარე ბიძინა ივანიშვილს.
ურთიერთობების გაუარესების მიზეზი საქართველოში მიღებული არაერთი კანონი იყო, რომელიც, ბაიდენის ადმინისტრაციის თქმით, "ეწინააღმდეგება დემოკრატიის პრინციპებს".
ხელისუფლებაში დონალდ ტრამპის მოსვლის შემდეგ, თბილისის მთავრობამ არაერთხელ გამოთქვა სურვილი, გადატვირთოს ურთიერთობები და გააფორმოს ახალი შეთანხმება სტრატეგიული პარტნიორობის შესახებ თანასწორი პირობებით, მათ შორის ქვეყნის მოქალაქეებისთვის უვიზო რეჟიმის და პირდაპირი რეისების დაწყების ჩათვლით. "ქართულ ოცნებას" ამ ინიციატივაზე ჯერ მკაფიო პასუხი არ მიუღია.
რიგი ევროპული ქვეყნისგან განსხვავებით, ტრამპის ადმინისტრაცია ეჭვქვეშ არ აყენებს საქართველოს მთავრობის ლეგიტიმურობას, თუმცა მაღალი დონის კონტაქტები ჯერ არ არსებობს და ურთიერთქმედება დიპლომატიური მისიების მეშვეობით კომუნიკაციით შემოიფარგლება.
