https://sputnik-georgia.com/20260522/partiebi-romlebmac-warsuli-daiviwyes-papuasvilma-opozicia-gaakritika-298788513.html
პარტიები, რომლებმაც წარსული დაივიწყეს - პაპუაშვილმა ოპოზიცია გააკრიტიკა
პარტიები, რომლებმაც წარსული დაივიწყეს - პაპუაშვილმა ოპოზიცია გააკრიტიკა
Sputnik საქართველო
ოპოზიცია საკუთარი თავით არის დაკავებული და მხარდაჭერა სრულად დაკარგა, განაცხადა პარლამენტის თავმჯდომარემ. 22.05.2026-ს, Sputnik საქართველო
2026-05-22T20:53+0400
2026-05-22T20:53+0400
2026-05-22T20:53+0400
ახალი ამბები
საქართველო
პოლიტიკა საქართველოში
პოლიტიკა
9 მაისი - ფაშიზმზე გამარჯვების დღე
შალვა პაპუაშვილი
საქართველოს პარლამენტის თავმჯდომარე
საპროტესტო აქციები თბილისში
საქართველოს დამოუკიდებლობის დღე
https://cdnn1.img.sputnik-georgia.com/img/07e8/0b/1d/291142380_0:317:3078:2048_1920x0_80_0_0_fcea9dd1ef9d3f6221825be87a18e1f9.jpg
თბილისი, 22 მაისი - Sputnik. ოპოზიცია შედგება პარტიებისგან, რომლებიც უცხო ძალების დავალებებს ასრულებენ და საკუთარი თავით არიან დაკავებულნი, განაცხადა საქართველოს პარლამენტის თავმჯდომარემ შალვა პაპუაშვილმა.ცხრა პარტიისგან შემდგარი „ოპოზიციური ალიანსი“ 26 მაისს, საქართველოს დამოუკიდებლობის დღეს, თბილისში მასშტაბიანი საპროტესტო აქციის გამართვას გეგმავს. აქცია გაიმართება უთანხმოების ფონზე, რომელიც თავად ალიანსის შიგნით შეინიშნება.მისი თქმით, ოპოზიციონერები თავის თავით არიან დაკავებული და მათ ყოველგვარი მხარდაჭერა დაკარგეს.„ერთი, რაც შეიძლება ვიხილოთ, თავის თავით დაკავდებიან ეს ადამიანები. მეტი არაფრის მოლოდინი არაა. ვხედავთ, რომ არის აბსოლუტურად ყველა საფუძველ, მხარდაჭერა დაკარგული ჯგუფი, რომელიც უბრალოდ რაღაცაზეა გაბოროტებული და თავის ემოციურ პრობლემებს ახვევს სხვებს. მათ ნეგატიურ ემოციას სხვა გასავალი არ აქვს და ერთ-ერთი, სადაც ამის გასავალს ხედავენ, არის რუსთაველზე გამოსვლა და საკუთარი ემოციებისგან დაცლა. დაიცალონ, კი ბატონო, თავისუფალი ქვეყანაა, როცა უნდათ გამოვიდნენ“, - განაცხადა პაპუაშვილმა.ამასთან პარლამენტის სპიკერმა აღნიშნა, რომ მონაწილეთა დაკავებები მხოლოდ იმ შემთხვევაში იქნება, თუ აქცია მშვიდობიანი პროტესტის ჩარჩოებს გასცდება.„ვინც დამხობა დააპირა, ვხედავთ, რომ თავად დაემხნენ სასჯელაღსრულების დაწესებულებაში“, - აღნიშნა მან.ამასობაში, თავად პროტესტის ორგანიზატორები ხაზს უსვამენ, რომ პროტესტი მშვიდობიანი იქნება და არ გადაიზრდება ძალადობასა ან შტურმში. პროტესტი პარლამენტის შენობასთან გაიმართება და სხვა ლოკაციებში მსვლელობები არ იგეგმება.პრემიერ-მინისტრმა ირაკლი კობახიძემ უკვე იწინასწარმეტყველა ოპოზიციური ინიციატივების წარუმატებლობა, რადგან მიაჩნია, რომ მის წარმომადგენლებს არ შეუძლიათ ერთიანობის შენარჩუნება საკუთარ რიგებშიც კი. მან აღნიშნა, რომ ოპოზიციას არ აქვს რეალური კონტაქტი მოსახლეობასთან და არ შეუძლია ეფექტურად ურთიერთქმედება საზოგადოებასთან ან თუნდაც ერთმანეთთან. კობახიძის თქმით, ასეთ პირობებში ოპოზიციის არცერთი პოლიტიკური ინიციატივა ვერ იქნება წარმატებული.ოპოზიციის ალიანსიმარტის დასაწყისში ცხრა ოპოზიციურმა პარტიამ „ოპოზიციური ალიანსის“ შექმნის შესახებ განაცხადა და განაცხადა, რომ მთავრობის შეცვლას აპირებს. ალიანსში შევიდა „კოალიცია ცვლილებებისთვის“, „გირჩი“, „დროა“, „ევროპული საქართველო“, „ერთიანობა - ნაციონალური მოძრაობა“, „სტრატეგია აღმაშენებელი“, „ფედერალისტები“, ეროვნულ-დემოკრატიული პარტია და „თავისუფლების მოედანი“.დამფუძნებლების თქმით, ალიანსის მიზანია „ავტოკრატიული რეჟიმის“ დასრულება, საქართველოს ევროატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეების კეთილდღეობის უზრუნველყოფა.თავის მხრივ, „ქართული ოცნება“ მიიჩნევს, რომ „ერთიანი ნაციონალური მოძრაობა“, რომლის გარშემოც შეიქმნა ალიანსი, ძველებურად აგრძელებს მოქმედებას და მუშაობს საქართველოს ინტერესების საწინააღმდეგოდ.ხელისუფლება ამ ძალებს „რადიკალურ ოპოზიციას“ და „კოლექტიურ ნაციონალურ მოძრაობას“ უწოდებს და მათ, ასევე ზოგიერთ არასამთავრობო ორგანიზაციას, უცხო სახელმწიფოების ინტერესების გატარებაში ადანაშაულებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, პოლიტიკა საქართველოში, პოლიტიკა, 9 მაისი - ფაშიზმზე გამარჯვების დღე, შალვა პაპუაშვილი, საქართველოს პარლამენტის თავმჯდომარე , საპროტესტო აქციები თბილისში , საქართველოს დამოუკიდებლობის დღე
ახალი ამბები, საქართველო, პოლიტიკა საქართველოში, პოლიტიკა, 9 მაისი - ფაშიზმზე გამარჯვების დღე, შალვა პაპუაშვილი, საქართველოს პარლამენტის თავმჯდომარე , საპროტესტო აქციები თბილისში , საქართველოს დამოუკიდებლობის დღე
პარტიები, რომლებმაც წარსული დაივიწყეს - პაპუაშვილმა ოპოზიცია გააკრიტიკა
ოპოზიცია საკუთარი თავით არის დაკავებული და მხარდაჭერა სრულად დაკარგა, განაცხადა პარლამენტის თავმჯდომარემ.
თბილისი, 22 მაისი - Sputnik. ოპოზიცია შედგება პარტიებისგან, რომლებიც უცხო ძალების დავალებებს ასრულებენ და საკუთარი თავით არიან დაკავებულნი, განაცხადა საქართველოს პარლამენტის თავმჯდომარემ შალვა პაპუაშვილმა.
ცხრა პარტიისგან შემდგარი „ოპოზიციური ალიანსი“ 26 მაისს, საქართველოს დამოუკიდებლობის დღეს, თბილისში მასშტაბიანი საპროტესტო აქციის გამართვას გეგმავს. აქცია გაიმართება უთანხმოების ფონზე, რომელიც თავად ალიანსის შიგნით შეინიშნება.
„ეს ის ხალხია, რომელიც 9 მაისს აღნიშნავს არა ფაშიზმის დამარცხებას, 9 მაისს ულოცავენ არა ქართველ ვეტერანებს, რომლებმაც დღევანდელი ევროკავშირი შესაძლებელი გახადეს, 9 მაისს იხსენებენ არა იმ 300.000 ქართველს, რომელმაც სიცოცხლე დადო იმისთვის, რომ სამყარო და ევროპა გაეთავისუფლებინა ფაშიზმისგან, არამედ 9 მაისს კოქტეილით აღნიშნავენ ევროკავშირის თუ სხვა ელჩებთან, უცხოელებთან ერთად, რომლებიც არიან მათი დამკვეთები საქართველოში არეულობის, ზიზღისა და პროპაგანდის საწარმოებლად“, - განაცხადა პარლამენტის თავმჯდომარემ.
მისი თქმით, ოპოზიციონერები თავის თავით არიან დაკავებული და მათ ყოველგვარი მხარდაჭერა დაკარგეს.
„ერთი, რაც შეიძლება ვიხილოთ, თავის თავით დაკავდებიან ეს ადამიანები. მეტი არაფრის მოლოდინი არაა. ვხედავთ, რომ არის აბსოლუტურად ყველა საფუძველ, მხარდაჭერა დაკარგული ჯგუფი, რომელიც უბრალოდ რაღაცაზეა გაბოროტებული და თავის ემოციურ პრობლემებს ახვევს სხვებს. მათ ნეგატიურ ემოციას სხვა გასავალი არ აქვს და ერთ-ერთი, სადაც ამის გასავალს ხედავენ, არის რუსთაველზე გამოსვლა და საკუთარი ემოციებისგან დაცლა. დაიცალონ, კი ბატონო, თავისუფალი ქვეყანაა, როცა უნდათ გამოვიდნენ“, - განაცხადა პაპუაშვილმა.
ამასთან პარლამენტის სპიკერმა აღნიშნა, რომ მონაწილეთა დაკავებები მხოლოდ იმ შემთხვევაში იქნება, თუ აქცია მშვიდობიანი პროტესტის ჩარჩოებს გასცდება.
„ვინც დამხობა დააპირა, ვხედავთ, რომ თავად დაემხნენ სასჯელაღსრულების დაწესებულებაში“, - აღნიშნა მან.
ამასობაში, თავად პროტესტის ორგანიზატორები ხაზს უსვამენ, რომ პროტესტი მშვიდობიანი იქნება და არ გადაიზრდება ძალადობასა ან შტურმში. პროტესტი პარლამენტის შენობასთან გაიმართება და სხვა ლოკაციებში მსვლელობები არ იგეგმება.
პრემიერ-მინისტრმა ირაკლი კობახიძემ უკვე იწინასწარმეტყველა ოპოზიციური ინიციატივების წარუმატებლობა, რადგან მიაჩნია, რომ მის წარმომადგენლებს არ შეუძლიათ ერთიანობის შენარჩუნება საკუთარ რიგებშიც კი. მან აღნიშნა, რომ ოპოზიციას არ აქვს რეალური კონტაქტი მოსახლეობასთან და არ შეუძლია ეფექტურად ურთიერთქმედება საზოგადოებასთან ან თუნდაც ერთმანეთთან. კობახიძის თქმით, ასეთ პირობებში ოპოზიციის არცერთი პოლიტიკური ინიციატივა ვერ იქნება წარმატებული.
მარტის დასაწყისში ცხრა ოპოზიციურმა პარტიამ „ოპოზიციური ალიანსის“ შექმნის შესახებ განაცხადა და განაცხადა, რომ მთავრობის შეცვლას აპირებს. ალიანსში შევიდა „კოალიცია ცვლილებებისთვის“, „გირჩი“, „დროა“, „ევროპული საქართველო“, „ერთიანობა - ნაციონალური მოძრაობა“, „სტრატეგია აღმაშენებელი“, „ფედერალისტები“, ეროვნულ-დემოკრატიული პარტია და „თავისუფლების მოედანი“.
დამფუძნებლების თქმით, ალიანსის მიზანია „ავტოკრატიული რეჟიმის“ დასრულება, საქართველოს ევროატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეების კეთილდღეობის უზრუნველყოფა.
თავის მხრივ, „ქართული ოცნება“ მიიჩნევს, რომ „ერთიანი ნაციონალური მოძრაობა“, რომლის გარშემოც შეიქმნა ალიანსი, ძველებურად აგრძელებს მოქმედებას და მუშაობს საქართველოს ინტერესების საწინააღმდეგოდ.
ხელისუფლება ამ ძალებს „რადიკალურ ოპოზიციას“ და „კოლექტიურ ნაციონალურ მოძრაობას“ უწოდებს და მათ, ასევე ზოგიერთ არასამთავრობო ორგანიზაციას, უცხო სახელმწიფოების ინტერესების გატარებაში ადანაშაულებს.
