https://sputnik-georgia.com/20260521/telearxi-formula-mauwyeblobis-wesebis-darrvevistvis-dajarimda-298762852.html
ტელეარხი „ფორმულა“ მაუწყებლობის წესების დარღვევისთვის დაჯარიმდა
ტელეარხი „ფორმულა“ მაუწყებლობის წესების დარღვევისთვის დაჯარიმდა
Sputnik საქართველო
დაჯარიმების მიზეზია წამყვანებისა და ჟურნალისტების მიერ ახალი ამბების გაშუქებისას პირადი მოსაზრებების გავრცელება 21.05.2026-ს, Sputnik საქართველო
2026-05-21T23:05+0400
2026-05-21T23:05+0400
2026-05-21T23:05+0400
ახალი ამბები
საქართველო
საზოგადოება
https://cdnn1.img.sputnik-georgia.com/img/07e4/0b/0e/250034031_0:160:3073:1888_1920x0_80_0_0_b94f7cd57308d2d548c64432337b45d0.jpg
თბილისი, 21 მაისი — Sputnik. საქართველოს კომუნიკაციების კომისიამ ტელეკომპანია „ფორმულა“ მაუწყებლობის წესების დარღვევისთვის 2500 ლარით დააჯარიმა, ნათქვამია კომისიის განცხადებაში.კომისიის განცხადებით, „ფორმულას“ ახალი ამბების პროგრამებში იკვეთებოდა წამყვანებისა და ჟურნალისტების მხრიდან პირადი მოსაზრებების გავრცელების, მიუკერძოებლობისა და ბალანსის დაცვის კანონით დადგენილი მოთხოვნების დარღვევის ფაქტები.კომისიის მიერ გამოვლენილი დარღვევები მოიცავდა ახალი ამბების პროგრამებში ჟურნალისტებისა და წამყვანების მიერ გაკეთებულ შეფასებებს, რომლებიც მიმდინარე პოლიტიკური და საზოგადოებრივი საკითხების მაუწყებლის პირადი დამოკიდებულების საფუძველზე გაშუქებას წარმოადგენდა.მონიტორინგის ფარგლებში, ასევე გამოვლინდა ბალანსის დაცვის მოთხოვნის დარღვევის შემთხვევა. კერძოდ, 22 აპრილს ეთერში გასულ სიუჟეტში, რომელიც დიუშენის დაავადების მქონე პაციენტების საკითხს შეეხებოდა, წარმოდგენილი იყო მხოლოდ მშობლების პოზიცია, ხოლო ჯანდაცვის სამინისტროს ალტერნატიული განმარტება ან კომენტარი სიუჟეტში არ ყოფილა წარმოდგენილი. შესაბამისად, მაყურებელს არ მიეწოდა საკითხთან დაკავშირებით ყველა საგულისხმო მოსაზრება.გამომდინარე იქიდან, რომ ტელეკომპანია „ფორმულას“ ბოლო ერთი წლის განმავლობაში მსგავსი ხასიათის დარღვევისთვის წერილობითი გაფრთხილება უკვე მიღებული ჰქონდა, კომუნიკაციების კომისიამ მაუწყებელს „მაუწყებლობის შესახებ“ საქართველოს კანონის შესაბამისად, მინიმალური - 2500 ლარის ოდენობის ჯარიმა დააკისრა.„მაუწყებლობის შესახებ“ საქართველოს კანონით აკრძალულია ახალი ამბებისა და საზოგადოებრივ-პოლიტიკური პროგრამების პირადი დამოკიდებულების ან მოსაზრების საფუძველზე გაშუქება. კანონით ასევე დადგენილია სამართლიანობის, მიუკერძოებლობისა და ბალანსის დაცვის ვალდებულება, რაც ემსახურება მაუწყებლის სარედაქციო დამოუკიდებლობისა და მაყურებლის უფლებების დაცვას, რათა საზოგადოებას ჰქონდეს შესაძლებლობა მიიღოს ობიექტური და მრავალმხრივი ინფორმაცია.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საზოგადოება
ახალი ამბები, საქართველო, საზოგადოება
ტელეარხი „ფორმულა“ მაუწყებლობის წესების დარღვევისთვის დაჯარიმდა
დაჯარიმების მიზეზია წამყვანებისა და ჟურნალისტების მიერ ახალი ამბების გაშუქებისას პირადი მოსაზრებების გავრცელება
თბილისი, 21 მაისი — Sputnik. საქართველოს კომუნიკაციების კომისიამ ტელეკომპანია „ფორმულა“ მაუწყებლობის წესების დარღვევისთვის 2500 ლარით დააჯარიმა, ნათქვამია კომისიის განცხადებაში.
კომისიის განცხადებით, „ფორმულას“ ახალი ამბების პროგრამებში იკვეთებოდა წამყვანებისა და ჟურნალისტების მხრიდან პირადი მოსაზრებების გავრცელების, მიუკერძოებლობისა და ბალანსის დაცვის კანონით დადგენილი მოთხოვნების დარღვევის ფაქტები.
კომისიის მიერ გამოვლენილი დარღვევები მოიცავდა ახალი ამბების პროგრამებში ჟურნალისტებისა და წამყვანების მიერ გაკეთებულ შეფასებებს, რომლებიც მიმდინარე პოლიტიკური და საზოგადოებრივი საკითხების მაუწყებლის პირადი დამოკიდებულების საფუძველზე გაშუქებას წარმოადგენდა.
მონიტორინგის ფარგლებში, ასევე გამოვლინდა ბალანსის დაცვის მოთხოვნის დარღვევის შემთხვევა. კერძოდ, 22 აპრილს ეთერში გასულ სიუჟეტში, რომელიც დიუშენის დაავადების მქონე პაციენტების საკითხს შეეხებოდა, წარმოდგენილი იყო მხოლოდ მშობლების პოზიცია, ხოლო ჯანდაცვის სამინისტროს ალტერნატიული განმარტება ან კომენტარი სიუჟეტში არ ყოფილა წარმოდგენილი. შესაბამისად, მაყურებელს არ მიეწოდა საკითხთან დაკავშირებით ყველა საგულისხმო მოსაზრება.
გამომდინარე იქიდან, რომ ტელეკომპანია „ფორმულას“ ბოლო ერთი წლის განმავლობაში მსგავსი ხასიათის დარღვევისთვის წერილობითი გაფრთხილება უკვე მიღებული ჰქონდა, კომუნიკაციების კომისიამ მაუწყებელს „მაუწყებლობის შესახებ“ საქართველოს კანონის შესაბამისად, მინიმალური - 2500 ლარის ოდენობის ჯარიმა დააკისრა.
„მაუწყებლობის შესახებ“ საქართველოს კანონით აკრძალულია ახალი ამბებისა და საზოგადოებრივ-პოლიტიკური პროგრამების პირადი დამოკიდებულების ან მოსაზრების საფუძველზე გაშუქება. კანონით ასევე დადგენილია სამართლიანობის, მიუკერძოებლობისა და ბალანსის დაცვის ვალდებულება, რაც ემსახურება მაუწყებლის სარედაქციო დამოუკიდებლობისა და მაყურებლის უფლებების დაცვას, რათა საზოგადოებას ჰქონდეს შესაძლებლობა მიიღოს ობიექტური და მრავალმხრივი ინფორმაცია.
