„თანამედროვე არგონავტები“ - საქართველო ვენეციის ბიენალეზე
© Сourtesy of Ministry of Culture, Sport and Youth of Georgia
გამოწერა
საქართველოს ეროვნულ პავილიონს ქართველი და უცხოელი 17 ხელოვანი წარმოადგენს.
თბილისი, 9 მაისი — Sputnik. ხელოვნების საერთაშორისო გამოფენაზე - ვენეციის 61-ე ბიენალეზე, კულტურის სამინისტროს მხარდაჭერით, საქართველოს ეროვნული პავილიონი გაიხსნა პროექტით - „თანამედროვე არგონავტები - საქართველოს გზაჯვარედინი“.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
საქართველოს ეროვნულ პავილიონს ქართველი და უცხოელი 17 ხელოვანი წარმოადგენს. პავილიონის კურატორი და კომისარია შალვა ხახანაშვილი, ხოლო კურატორი - ნინო მეტრეველი.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
პროექტის ფარგლებში წარმოდგენილია თანამედროვე ტექნიკით შესრულებული ვიზუალური ნამუშევრები და ტრადიციული ფორმატის ნიმუშები. ექსპოზიცია მრავალფეროვანია და მოიცავს ფერწერას, ფოტოგრაფიას, ინსტალაციასა და მულტიმედია არტს.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
საქართველოს ეროვნული პავილიონი კულტურის მინისტრმა თინათინ რუხაძემ გახსნა. მისი თქმით, თანამედროვე ხელოვნებაში კონცეფციას, ნაფიქრს ძალიან დიდი მნიშვნელობა ენიჭება. სწორედ ამიტომ, საქართველომ ვენეციის 61-ე ბიენალესთვის წარმოდგენილი პროექტის კონცეფცია აირჩია.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
„გზაჯვარედინზე მდებარე საქართველოსა და ახალი არგონავტების იდეა, ის თემები, რომლებიც აქ ხელოვანების მიერ არის წარმოდგენილი, სრულად ეხმიანება ბიენალეს თემატიკას. ჩვენ დიდხანს ვემზადებოდით ამ მნიშვნელოვანი ღონისძიებისთვის. ვენეციის ბიენალე არის საუკეთესო შესაძლებლობა, მსოფლიოს ვაჩვენოთ ჩვენი თანამედროვე ხელოვნება, რომელიც მრავალსაუკუნოვანი კულტურული ტრადიციების ახლებურად გადააზრებაა. მადლობას ვუხდი ყველას, ვინც საქართველოს ეროვნული პავილიონის ღირსეულად წარდგენაში შეიტანა წვლილი", - განაცხადა თინათინ რუხაძემ.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
ღონისძიებას დაესწრნენ საქართველოს პრეზიდენტის მეუღლე თამარ ბაგრატიონი, საქართველოს ელჩი იტალიის რესპუბლიკაში თამარ ლილუაშვილი და მოწვეული სტუმრები.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
ვენეციის ბიენალე 1895 წლიდან იმართება. იგი მსოფლიოში ერთ-ერთი უმნიშვნელოვანესი პლატფორმაა, რომელიც, ხელოვნების პოპულარიზაციისა და კულტურული გაცვლის ხელშეწყობის მიზნით, 80-ზე მეტი ქვეყნის წამყვან ხელოვანს, კურატორსა და კრიტიკოსს აერთიანებს.
საქართველო ვენეციის 61-ე ბიენალეზე
© Сourtesy of Ministry of Culture, Sport and Youth of Georgia
ვენეციის 61-ე ბიენალე მიმდინარე წლის 9 მაისიდან 22 ნოემბრამდე გაგრძელდება. გამოფენის მთავარი თემაა „მინორულ ტონებში“ (In Minor Keys). სტუმრებისთვის ღია კარის დღეები 9 მაისიდან 22 ნოემბრამდე გაგრძელდება.
