ხობში, მდინარე ცივში მამაკაცის ცხედარი იპოვეს

© photo: Sputnikსამაშველო ოპერაცია
სამაშველო ოპერაცია - Sputnik საქართველო, 1920, 30.04.2026
გამოწერა
მამაკაცს მეზობლები და ახლობლები ორი დღის განმავლობაში ეძებდნენ.
თბილისი, 30 აპრილი - Sputnik. ხობის მუნიციპალიტეტის სოფელ ჭალადიდში მდინარე ცივში 50 წლამდე ასაკის მამაკაცის ცხედარი იპოვეს, იუწყება ტელეკომპანია "რუსთავი2".
ადგილობრივის ინფორმაციით, გარდაცვლილი აფხაზეთიდან დევნილია. მამაკაცს მეზობლები და ახლობლები ორი დღის განმავლობაში ეძებდნენ.
ადგილზე მობილიზებული იყო სასწრაფო დახმარების ბრიგადა და პოლიცია. გარდაცვლილის ცხედარი ექსპერტიზაზეა გადასვენებული.
მომხდარ ფაქტზე გამოძიება საქართველოს სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
ყველა ახალი ამბავი
0