https://sputnik-georgia.com/20260430/kircxalia-es-saqartvelos-proqsi-saxelmwifos-gadaqcevis-mcdelobaa-298375099.html
კირცხალია: ეს საქართველოს პროქსი სახელმწიფოდ გადაქცევის მცდელობაა
კირცხალია: ეს საქართველოს პროქსი სახელმწიფოდ გადაქცევის მცდელობაა
Sputnik საქართველო
პარლამენტარის თქმით, ბრიუსელი და „დიპ სტეიტი“ განზრახ ძირს უთხრის საქართველოს ეკონომიკურ სტაბილურობას სოციალური აფეთქების პროვოცირების მიზნით. 30.04.2026-ს, Sputnik საქართველო
2026-04-30T14:36+0400
2026-04-30T14:36+0400
2026-04-30T14:36+0400
ახალი ამბები
საქართველო
ქართული ოპოზიცია
ქართული ოცნება
პოლიტიკა საქართველოში
პოლიტიკა
https://cdnn1.img.sputnik-georgia.com/img/07ea/04/1e/298371292_0:259:1688:1209_1920x0_80_0_0_2596d300ecdfe689316396183054f4e1.jpg
თბილისი, 30 აპრილი - Sputnik. მისი ბოლოდროინდელი განცხადებებით თუ ვიმსჯელებთ, ევროკავშირი ცდილობს საქართველოს პროქსი სახელმწიფოდ გადაქცევას, „ტელეიმედის“ ეთერში განაცხადა საპარლამენტო უმრავლესობის ლიდერმა და ფრაქცია „ქართული ოცნების“ თავმჯდომარემ, ირაკლი კირცხალიამ.27 აპრილს, ევროკავშირის წარმომადგენლობამ საქართველოში განცხადება გაავრცელა საქართველოს ხელისუფლების ამჟამინდელ კურსთან დაკავშირებით. დიპლომატების თქმით, ეს კურსი ქვეყანას ევროკავშირის წევრობისკენ მიმავალ გზას აშორებს, ხოლო ევროკავშირის წინააღმდეგ მუდმივი და მიზანმიმართული რიტორიკა კიდევ უფრო ძირს უთხრის ნდობას კავშირში გაწევრიანების საქართველოს მისწრაფებების მიმართ. დიპლომატიურმა მისიამ ეს განცხადება ევროკავშირის ელჩ პაველ ჰერჩინსკის და საგარეო საქმეთა მინისტრ მაკა ბოჭორიშვილის შეხვედრის შემდეგ გააკეთა.კირცხალიას თქმით, ამ ძალების ერთ-ერთი მიზანია ასევე, რომ საქართველო ეკონომიკურად მოწყვლადი გახდეს და საზოგადოების გაღიზიანება გამოიწვიონ, რაც, მათი აზრით, ქვეყანაში დესტრუქციული პროცესების განვითარებას შეუწყობს ხელს.მაგალითისთვის მან მოიყვანა არაერთი ტრენინგი არასამთავრობო ორგანიზაციებისა და ოპოზიციისთვის, რომლებიც, კირცხალიას თქმით, გარე და შიდა ძალების მიერ დესტაბილიზაციის მიზნით პერიოდულად ტარდება ქვეყანაში.მისი თქმით, ახლა ასპარეზზე ახალი ფიგურა გამოჩნდა - იგორ ბლაჟევიჩი, რომელიც, მისი წინამორბედების მსგავსად, საქართველოში ტრენინგებს ატარებს.ტელეკომპანია „იმედის“ ცნობით, ამჯერად, ქართული ოპოზიციისთვის რევოლუციურ სცენარს, სავარაუდოდ, პრაღის სამოქალაქო საზოგადოების ცენტრის ერთ-ერთი ლიდერი იგორ ბლაჟევიჩი ამუშავებს. აპრილში მან ოპოზიციის წარმომადგენლებისთვის კიდევ ერთი ტრენინგი ჩაატარა და, მედიის ცნობით, სულ ათზე მეტი ასეთი ტრენინგი ჩატარდა.გარდა ამისა, მედიის ცნობით, საქართველოს სახელმწიფო უსაფრთხოების სამსახურს აქვს ინფორმაცია ქვეყანაში დაგეგმილი არეულობების შესახებ, მათ შორის უცხოელი პარტნიორებისგან მიღებული, და შესაბამის სამართლებრივ რეაგირებას ახორციელებს.კირცხალია ასევე გამოეხმაურა „ოპოზიციის ალიანსის“ აქციას, რომელიც 26 მაისისთვისაა დანიშნული.„როდესაც აგენტურა, თავიანთ პატრონებთან ერთად, ქვეყნის დამოუკიდებლობის დღეს, 26 მაისს, გიანონსებს აქციას, ეს უბრალოდ, სრულიად განწირულია კრახისთვის და ყველაფერი ღიმილის მომგვრელია“, - განაცხადა კირცხალიამ.პოლიტიკოსის თქმით, რადიკალებმა ღია ბრძოლა გამოაცხადეს ქვეყნის თავისუფლების, დამოუკიდებლობის, სუვერენიტეტის წინააღმდეგ.„ჩვენი ქვეყნის სამშვიდობო პოლიტიკის წინააღმდეგ აქვთ ღია ბრძოლა გამოცხადებული; ჩვენი ეკონომიკური წინსვლისთვის აქვთ ღია ბრძოლა გამოცხადებული და როგორც ჩვენ ვნახეთ, სხვადასხვა მცდელობა სახელმწიფო გადატრიალების, ასევე ემზადებიან“, - განაცხადა კირცხალიამ.„ქართული ოცნების“ ფრაქციის ლიდერმა ასევე აღნიშნა, რომ თავისი მიზნების მისაღწევად ეს ძალები იყენებენ დაფინანსებას, ცრუ აღქმებს, განცხადებებს, რეზოლუციებს.ოპოზიციის ალიანსიმარტის დასაწყისში ცხრა ოპოზიციურმა პარტიამ „ოპოზიციური ალიანსის“ შექმნის შესახებ განაცხადა და განაცხადა, რომ მთავრობის შეცვლას აპირებს. ალიანსში შევიდა „კოალიცია ცვლილებებისთვის“, „გირჩი“, „დროა“, „ევროპული საქართველო“, „ერთიანობა - ნაციონალური მოძრაობა“, „სტრატეგია აღმაშენებელი“, „ფედერალისტები“, ეროვნულ-დემოკრატიული პარტია და „თავისუფლების მოედანი“.დამფუძნებლების თქმით, ალიანსის მიზანია „ავტოკრატიული რეჟიმის“ დასრულება, საქართველოს ევროატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეების კეთილდღეობის უზრუნველყოფა.თავის მხრივ, „ქართული ოცნება“ მიიჩნევს, რომ „ერთიანი ნაციონალური მოძრაობა“, რომლის გარშემოც შეიქმნა ალიანსი, ძველებურად აგრძელებს მოქმედებას და მუშაობს საქართველოს ინტერესების საწინააღმდეგოდ.ხელისუფლება ამ ძალებს „რადიკალურ ოპოზიციას“ და „კოლექტიურ ნაციონალურ მოძრაობას“ უწოდებს და მათ, ასევე ზოგიერთ არასამთავრობო ორგანიზაციას, უცხო სახელმწიფოების ინტერესების გატარებაში ადანაშაულებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ქართული ოპოზიცია, ქართული ოცნება , პოლიტიკა საქართველოში, პოლიტიკა
ახალი ამბები, საქართველო, ქართული ოპოზიცია, ქართული ოცნება , პოლიტიკა საქართველოში, პოლიტიკა
კირცხალია: ეს საქართველოს პროქსი სახელმწიფოდ გადაქცევის მცდელობაა
პარლამენტარის თქმით, ბრიუსელი და „დიპ სტეიტი“ განზრახ ძირს უთხრის საქართველოს ეკონომიკურ სტაბილურობას სოციალური აფეთქების პროვოცირების მიზნით.
თბილისი, 30 აპრილი - Sputnik. მისი ბოლოდროინდელი განცხადებებით თუ ვიმსჯელებთ, ევროკავშირი ცდილობს საქართველოს პროქსი სახელმწიფოდ გადაქცევას, „ტელეიმედის“ ეთერში განაცხადა საპარლამენტო უმრავლესობის ლიდერმა და ფრაქცია „ქართული ოცნების“ თავმჯდომარემ, ირაკლი კირცხალიამ.
27 აპრილს, ევროკავშირის წარმომადგენლობამ საქართველოში განცხადება გაავრცელა საქართველოს ხელისუფლების ამჟამინდელ კურსთან დაკავშირებით. დიპლომატების თქმით, ეს კურსი ქვეყანას ევროკავშირის წევრობისკენ მიმავალ გზას აშორებს, ხოლო ევროკავშირის წინააღმდეგ მუდმივი და მიზანმიმართული რიტორიკა კიდევ უფრო ძირს უთხრის ნდობას კავშირში გაწევრიანების საქართველოს მისწრაფებების მიმართ. დიპლომატიურმა მისიამ ეს განცხადება ევროკავშირის ელჩ პაველ ჰერჩინსკის და საგარეო საქმეთა მინისტრ მაკა ბოჭორიშვილის შეხვედრის შემდეგ გააკეთა.
„მათ არჩეული აქვთ დესტრუქციული კურსი და მიზანია, რომ საქართველო პროქსი სახელმწიფოდ აქციონ“, - განაცხადა კირცხალიამ.
კირცხალიას თქმით, ამ ძალების ერთ-ერთი მიზანია ასევე, რომ საქართველო ეკონომიკურად მოწყვლადი გახდეს და საზოგადოების გაღიზიანება გამოიწვიონ, რაც, მათი აზრით, ქვეყანაში დესტრუქციული პროცესების განვითარებას შეუწყობს ხელს.
მაგალითისთვის მან მოიყვანა არაერთი ტრენინგი არასამთავრობო ორგანიზაციებისა და ოპოზიციისთვის, რომლებიც, კირცხალიას თქმით, გარე და შიდა ძალების მიერ დესტაბილიზაციის მიზნით პერიოდულად ტარდება ქვეყანაში.
„გავიხსენოთ CANVAS-ის (არაძალადობრივი და სტრატეგიული სამოქალაქო კამპანიების მხარდაჭერის ცენტრი - რედ.), აკერმანის ტრენინგები, გავიხსენოთ და არასდროს უნდა დაგვავიწყდეს, „დიფ სთეითის“ ერთ-ერთი წარმომადგენლის, ქალბატონი ლორა ტორნტონის ღია წერილი, რომ თურმე მაქსიმალურად უნდა აკეთოს ამ ბნელმა ძალამ ყველაფერი, რომ როგორმე სოციალური პირობები გაუარესდეს ქვეყანაში, როგორმე მივაყენოთ ჩრდილი თითოეულ წინ გადადგმულ ნაბიჯს, რაც ეკონომიკაზე აისახება“, - განაცხადა კირცხალიამ.
მისი თქმით, ახლა ასპარეზზე ახალი ფიგურა გამოჩნდა - იგორ ბლაჟევიჩი, რომელიც, მისი წინამორბედების მსგავსად, საქართველოში ტრენინგებს ატარებს.
ტელეკომპანია „იმედის“ ცნობით, ამჯერად, ქართული ოპოზიციისთვის რევოლუციურ სცენარს, სავარაუდოდ, პრაღის სამოქალაქო საზოგადოების ცენტრის ერთ-ერთი ლიდერი იგორ ბლაჟევიჩი ამუშავებს. აპრილში მან ოპოზიციის წარმომადგენლებისთვის კიდევ ერთი ტრენინგი ჩაატარა და, მედიის ცნობით, სულ ათზე მეტი ასეთი ტრენინგი ჩატარდა.
გარდა ამისა, მედიის ცნობით, საქართველოს სახელმწიფო უსაფრთხოების სამსახურს აქვს ინფორმაცია ქვეყანაში დაგეგმილი არეულობების შესახებ, მათ შორის უცხოელი პარტნიორებისგან მიღებული, და შესაბამის სამართლებრივ რეაგირებას ახორციელებს.
კირცხალია ასევე გამოეხმაურა „ოპოზიციის ალიანსის“ აქციას, რომელიც 26 მაისისთვისაა დანიშნული.
„როდესაც აგენტურა, თავიანთ პატრონებთან ერთად, ქვეყნის დამოუკიდებლობის დღეს, 26 მაისს, გიანონსებს აქციას, ეს უბრალოდ, სრულიად განწირულია კრახისთვის და ყველაფერი ღიმილის მომგვრელია“, - განაცხადა კირცხალიამ.
პოლიტიკოსის თქმით, რადიკალებმა ღია ბრძოლა გამოაცხადეს ქვეყნის თავისუფლების, დამოუკიდებლობის, სუვერენიტეტის წინააღმდეგ.
„ჩვენი ქვეყნის სამშვიდობო პოლიტიკის წინააღმდეგ აქვთ ღია ბრძოლა გამოცხადებული; ჩვენი ეკონომიკური წინსვლისთვის აქვთ ღია ბრძოლა გამოცხადებული და როგორც ჩვენ ვნახეთ, სხვადასხვა მცდელობა სახელმწიფო გადატრიალების, ასევე ემზადებიან“, - განაცხადა კირცხალიამ.
„ქართული ოცნების“ ფრაქციის ლიდერმა ასევე აღნიშნა, რომ თავისი მიზნების მისაღწევად ეს ძალები იყენებენ დაფინანსებას, ცრუ აღქმებს, განცხადებებს, რეზოლუციებს.
მარტის დასაწყისში ცხრა ოპოზიციურმა პარტიამ „ოპოზიციური ალიანსის“ შექმნის შესახებ განაცხადა და განაცხადა, რომ მთავრობის შეცვლას აპირებს. ალიანსში შევიდა „კოალიცია ცვლილებებისთვის“, „გირჩი“, „დროა“, „ევროპული საქართველო“, „ერთიანობა - ნაციონალური მოძრაობა“, „სტრატეგია აღმაშენებელი“, „ფედერალისტები“, ეროვნულ-დემოკრატიული პარტია და „თავისუფლების მოედანი“.
დამფუძნებლების თქმით, ალიანსის მიზანია „ავტოკრატიული რეჟიმის“ დასრულება, საქართველოს ევროატლანტიკური კურსის აღდგენა და დემოკრატიული მმართველობის, უსაფრთხოებისა და მოქალაქეების კეთილდღეობის უზრუნველყოფა.
თავის მხრივ, „ქართული ოცნება“ მიიჩნევს, რომ „ერთიანი ნაციონალური მოძრაობა“, რომლის გარშემოც შეიქმნა ალიანსი, ძველებურად აგრძელებს მოქმედებას და მუშაობს საქართველოს ინტერესების საწინააღმდეგოდ.
ხელისუფლება ამ ძალებს „რადიკალურ ოპოზიციას“ და „კოლექტიურ ნაციონალურ მოძრაობას“ უწოდებს და მათ, ასევე ზოგიერთ არასამთავრობო ორგანიზაციას, უცხო სახელმწიფოების ინტერესების გატარებაში ადანაშაულებს.
