საქართველოში ახალი ვენახების გაშენება კონტროლზე აიყვანეს
საქართველოში ახალი ვენახების გაშენება კონტროლზე აიყვანეს
Sputnik საქართველო
საქართველოს ხელისუფლებამ „ღვინისა და ვაზის შესახებ“ კანონში ცვლილებები შეიტანა, რომლის თანახმად მევენახეებს სპეციალური ნებართვა დასჭირდებათ 23.04.2026-ს, Sputnik საქართველო
ყველა იმ პირმა, რომელმაც 2026 წლის 1-ელ მაისამდე გააშენა ვენახი და ამ დრომდე არ აქვს რეგისტრირებული ვენახების კადასტრის ერთიან ბაზაში, 2026 წლის 1-ელ მაისამდე შესაბამის მუნიციპალიტეტში უნდა მიმართოს ღვინის ეროვნული სააგენტოს მევენახეობის კადასტრის სამმართველოს წარმომადგენლებს და ვენახი ოფიციალურად დაარეგისტრიროს.
საქართველოს ხელისუფლებამ „ღვინისა და ვაზის შესახებ“ კანონში ცვლილებები შეიტანა, რომლის თანახმად მევენახეებს სპეციალური ნებართვა დასჭირდებათ
ყველა იმ პირმა, რომელმაც 2026 წლის 1-ელ მაისამდე გააშენა ვენახი და ამ დრომდე არ აქვს რეგისტრირებული ვენახების კადასტრის ერთიან ბაზაში, 2026 წლის 1-ელ მაისამდე შესაბამის მუნიციპალიტეტში უნდა მიმართოს ღვინის ეროვნული სააგენტოს მევენახეობის კადასტრის სამმართველოს წარმომადგენლებს და ვენახი ოფიციალურად დაარეგისტრიროს.
მევენახეებმა ყურადღება არა წარმოებული ყურძნის რაოდენობაზე, არამედ მის ხარისხზე უნდა გაამახვილონ, განაცხადა ღვინის ეროვნული სააგენტოს თავმჯდომარე ლევან მეხუზლამ.
„ვაზისა და ღვინის შესახებ“ კანონში შეტანილი ცვლილებების თანახმად, 1-ელი მაისის შემდეგ, ვენახის სამეწარმეო მიზნით გაშენებას ღვინის ეროვნული სააგენტოს თანხმობა დასჭირდება.
ცვლილებების მიზანია ხარისხიანი, კონკურენტუნარიანი ყურძნისეული წარმოშობის ალკოჰოლიანი სასმელების წარმოების, ასევე, რეალიზაციისათვის აუცილებელი ადგილობრივი და საერთაშორისო ბაზრების მოთხოვნათა გათვალისწინების ხელშეწყობა.
სააგენტოს ცნობით, ვენახის ყველა პარამეტრი უნდა აკმაყოფილებდეს დადგენილ სტანდარტებს, რაც ხელს შეუწყობს ხარისხიანი მოსავლის მიღებასა და მაღალი ხარისხის ღვინის წარმოებას.
