https://sputnik-georgia.com/20260329/fexburti-saqartvelos-nakrebi-lietuvas-daupirispirdeba-297849495.html
ფეხბურთი: საქართველოს ნაკრები ლიეტუვას დაუპირისპირდება
ფეხბურთი: საქართველოს ნაკრები ლიეტუვას დაუპირისპირდება
Sputnik საქართველო
შეხვედრა კაუნასში „დარიაუს ირ გირენოს“ სტადიონზე გაიმართება. 29.03.2026-ს, Sputnik საქართველო
2026-03-29T09:56+0400
2026-03-29T09:56+0400
2026-03-29T09:56+0400
საქართველო
სპორტი
საზოგადოება
ახალი ამბები
https://cdnn1.img.sputnik-georgia.com/img/07e5/03/1c/251299807_0:131:2501:1537_1920x0_80_0_0_ea2c9cb4cc74d33fd6d9da191844292d.jpg
თბილისი, 29 მარტი - Sputnik. საქართველოს ეროვნული ნაკრები მარტის სანაკრებო პაუზას ლიეტუვის საფეხბურთო ნაკრებთან ამხანაგური მატჩით დაასრულებს. შეხვედრა 29 მარტს, 17:00 საათზე კაუნასში „დარიაუს ირ გირენოს“ სტადიონზე გაიმართება.ლიეტუვის შეწყვეტილი სერიაედგარას იანკაუსკასის გაწვრთნილი ლიეტუვა ზედიზედ მეორე თამაშის მოგებას შეეცდება – ბალტიისპირელებმა 26 მარტს სტუმრად მოლდოვას 2:0 სძლიეს და 17-მატჩიანი მოუგებელი სერია შეწყვიტეს. მათ ბოლოს 2024 წელს ლატვია დაამარცხეს და ბალტიის თასი მოიგეს, მას შემდეგ 17 მატჩიდან 13 წააგეს და 4 ფრედ დაასრულეს.იანკაუსკასის ნაკრებში ორი ახალწვეულია – „სუდუვას“ მარცხენა მცველი ჟიგიმანტას ბალტრუნასი და „ვილნიუს ნაითსის“ თავდამსხმელი მეინარდას მიკულენასი. ორივეს ლიეტუვის ასაკობრივ ნაკრებებში თამაშის გამოცდილება აქვს, ამჯერად კი ეროვნულ გუნდში მიიწვიეს.ნავსი საქართველოს ნაკრებმაც უნდა გატეხოსსაქართველოს ნაკრებს ლიეტუველების მსგავსი წარუმატებელი სერია არ აქვს, მაგრამ ნავსი „ჯვაროსნებმაც“ უნდა გატეხონ – მეხუთე მატჩია ვილი სანიოლის გაწვრთნილ გუნდს თამაში არ მოუგია (4 წაგება, 1 ფრე). დაცვის ხაზში რამდენიმე წამყვანი მოთამაშის არყოფნას, შემოდგომაზე გიორგი ჩაკვეტაძის, ოთარ კაკაბაძის, ბუდუ ზივზივაძის ტრავმები, ასევე გიორგი ქოჩორაშვილისა და ლაშა დვალის უთამაშებლობაც დაემატა, შესაბამისად, შედეგი გასაკვირი არ უნდა იყოს.საქართველოს ნაკრები ერთა ლიგის ახალი გათამაშებისთვის ემზადება და ვილი სანიოლი პრობლემურ პოზიციებზე ახალ მოთამაშეებს ცდის. ხარვეზები ისრაელთან ბოლო ამხანაგურ მატჩშიც (2:2) გამოჩნდა. ფრანგი სპეციალისტი აცნობიერებს, რომ დაცვის ხაზის გაძლიერება აუცილებელია.აღსანიშნავია, რომ წარმატების შემთხვევაში, ეს „ჯვაროსნების“ ისტორიაში საიუბილეო, მე-100 მოგება იქნება. თუმცა, დანაკლისის გარეშე ეს მატჩიც არ ჩაივლის – გუნდს ტრავმირებული ოთარ კიტეიშვილი და საბა გოგლიჩიძე ვერ დაეხმარებიან.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპორტი, საზოგადოება, ახალი ამბები
საქართველო, სპორტი, საზოგადოება, ახალი ამბები
ფეხბურთი: საქართველოს ნაკრები ლიეტუვას დაუპირისპირდება
შეხვედრა კაუნასში „დარიაუს ირ გირენოს“ სტადიონზე გაიმართება.
თბილისი, 29 მარტი - Sputnik. საქართველოს ეროვნული ნაკრები მარტის სანაკრებო პაუზას ლიეტუვის საფეხბურთო ნაკრებთან ამხანაგური მატჩით დაასრულებს.
შეხვედრა 29 მარტს, 17:00 საათზე კაუნასში „დარიაუს ირ გირენოს“ სტადიონზე გაიმართება.
ლიეტუვის შეწყვეტილი სერია
ედგარას იანკაუსკასის გაწვრთნილი ლიეტუვა ზედიზედ მეორე თამაშის მოგებას შეეცდება – ბალტიისპირელებმა 26 მარტს სტუმრად მოლდოვას 2:0 სძლიეს და 17-მატჩიანი მოუგებელი სერია შეწყვიტეს. მათ ბოლოს 2024 წელს ლატვია დაამარცხეს და ბალტიის თასი მოიგეს, მას შემდეგ 17 მატჩიდან 13 წააგეს და 4 ფრედ დაასრულეს.
იანკაუსკასის ნაკრებში ორი ახალწვეულია – „სუდუვას“ მარცხენა მცველი ჟიგიმანტას ბალტრუნასი და „ვილნიუს ნაითსის“ თავდამსხმელი მეინარდას მიკულენასი. ორივეს ლიეტუვის ასაკობრივ ნაკრებებში თამაშის გამოცდილება აქვს, ამჯერად კი ეროვნულ გუნდში მიიწვიეს.
ნავსი საქართველოს ნაკრებმაც უნდა გატეხოს
საქართველოს ნაკრებს ლიეტუველების მსგავსი წარუმატებელი სერია არ აქვს, მაგრამ ნავსი „ჯვაროსნებმაც“ უნდა გატეხონ – მეხუთე მატჩია ვილი სანიოლის გაწვრთნილ გუნდს თამაში არ მოუგია (4 წაგება, 1 ფრე). დაცვის ხაზში რამდენიმე წამყვანი მოთამაშის არყოფნას, შემოდგომაზე გიორგი ჩაკვეტაძის, ოთარ კაკაბაძის, ბუდუ ზივზივაძის ტრავმები, ასევე გიორგი ქოჩორაშვილისა და ლაშა დვალის უთამაშებლობაც დაემატა, შესაბამისად, შედეგი გასაკვირი არ უნდა იყოს.
საქართველოს ნაკრები ერთა ლიგის ახალი გათამაშებისთვის ემზადება და ვილი სანიოლი პრობლემურ პოზიციებზე ახალ მოთამაშეებს ცდის. ხარვეზები ისრაელთან ბოლო ამხანაგურ მატჩშიც (2:2) გამოჩნდა. ფრანგი სპეციალისტი აცნობიერებს, რომ დაცვის ხაზის გაძლიერება აუცილებელია.
აღსანიშნავია, რომ წარმატების შემთხვევაში, ეს „ჯვაროსნების“ ისტორიაში საიუბილეო, მე-100 მოგება იქნება. თუმცა, დანაკლისის გარეშე ეს მატჩიც არ ჩაივლის – გუნდს ტრავმირებული ოთარ კიტეიშვილი და საბა გოგლიჩიძე ვერ დაეხმარებიან.
