ძლიერმა ქარმა თბილისში პრობლემები შექმნა

© photo: Sputnik / Stringerწაქცეული ხე
წაქცეული ხე - Sputnik საქართველო, 1920, 28.03.2026
გამოწერა
თბილისი, 28 მარტი - Sputnik. თბილისის რამდენიმე რაიონში ძლიერმა ქარმა პრობლემები შექმნა, ამის შესახებ ინფორმაცია სოციალურ ქსელში ვრცელდება.
ძლიერი ქარის შედეგად დიდ დიღომში, პეტრე იბერის ქუჩაზე მდებარე ერთ-ერთი მშენებლობიდან სამშენებლო მასალები გადმოცვივდა, დაზიანებულია 2 ავტომობილი. გარდა ამისა, ვრცელდება კადრები დიდი დიღმის მეოთხე მიკრორაიონიდან, სადაც ქარმა კერძო სახლს სახურავი გადახადა.
ასევე ქვემო ფონიჭალაში ხე წაიქცა, რის გამოც საავტომობილო მოძრაობა შეფერხებული იყო. ხე იქვე მდებარე საკვები ობიექტის შენობას დაეცა. შემთხვევის შედეგად არავინ დაშავებულა.
ყველა ახალი ამბავი
0