https://sputnik-georgia.com/20260324/papuashvili-televiziebis-dasanqcirebze-297774659.html
პაპუაშვილი ევროკავშირის ზეწოლის წინააღმდეგ - პოლონელ ევროპარლამენტარებსა და სანქციებზე
პაპუაშვილი ევროკავშირის ზეწოლის წინააღმდეგ - პოლონელ ევროპარლამენტარებსა და სანქციებზე
Sputnik საქართველო
როგორც პარლამენტის თავმჯდომარემ აღნიშნა, პოლონეთის მთავრობის ანტიქართულ პოლიტიკაში გასაკვირი არაფერია. 24.03.2026-ს, Sputnik საქართველო
2026-03-24T17:00+0400
2026-03-24T17:00+0400
2026-03-24T17:00+0400
საქართველო
ევროპარლამენტი
პოლიტიკა საქართველოში
პოლიტიკა
პოლონეთი
ახალი ამბები
https://cdnn1.img.sputnik-georgia.com/img/07ea/03/12/297654177_0:0:1620:912_1920x0_80_0_0_95f4c4898051b793b5317d850ea89874.jpg
თბილისი, 24 მარტი — Sputnik. ევროპარლამენტის პოლონელი დეპუტატები, რომლებიც ქართული ტელეარხების წინააღმდეგ სანქციების დაწესებას ითხოვენ, არ იზიარებენ დემოკრატიულ პრინციპებს და არ სცემენ პატივს საქართველოს სუვერენიტეტსა და ხალხის გრძნობებს, განაცხადა პარლამენტის თავმჯდომარე შალვა პაპუაშვილმა.„ევროპის სახალხო პარტიის“ (EPP) დეპუტატები — კშიშტოფ ბრეიზა, მიხალ შჩერბა და ანჯეი ჰალიცკი ტელეკომპანიებს: „იმედს“, „რუსთავი 2“-სა და „POSTV“-ს დეზინფორმაციის გავრცელებაში ადანაშაულებენ და ევროკავშირისგან რეაგირებას მოითხოვენ. აღნიშნული შესწორებების შეტანა იგეგმება რასა იუკნევიჩიენეს მიერ მომზადებულ ყოველწლიურ ანგარიშში, რომელსაც კენჭს მაისის ბოლოს უყრიან.როგორც პარლამენტის თავმჯდომარემ აღნიშნა, პოლონეთის მთავრობის ანტიქართულ პოლიტიკაში გასაკვირი არაფერია. მისი თქმით, ხსენებული დეპუტატები პოლონეთის „სახალხო პარტიის“ წევრები არიან, რომელიც მხარს უჭერს მსჯავრდებულ ექს-პრეზიდენტ მიხეილ სააკაშვილს. სპიკერის შეფასებით, ეს არის მათი ღირებულებითი სტანდარტი, რაც გულისხმობს დიქტატორის მხარდაჭერას.მიმდინარე 24 თებერვალს გაერთიანებულმა სამეფომ ანტირუსული სანქციების ფარგლებში ქართული ტელეკომპანიები - Imedi და POSTV შავ სიაში შეიყვანა და მედიასაშუალებები რუსეთ-უკრაინის კონფლიქტის შესახებ დეზინფორმაციის გავრცელებაში დაადანაშაულა, რაც „ხელს უწყობს ისეთ პოლიტიკას ან ქმედებას, რომელიც დესტაბილიზაციას ახდენს უკრაინაში, ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას".საქართველოს პრეზიდენტმა მიხეილ კაველაშვილმა დიდი ბრიტანეთის მიერ სანქციების დაწესებას სახელმწიფოს, ხელისუფლებისა და ეროვნული ინტერესების წინააღმდეგ მიმართული ქმედებათა ჯაჭვის ნაწილი უწოდა. მისი თქმით, ეს არის საქართველოზე ზეწოლის გაგრძელება, რომელიც უკრაინაში კონფლიქტის დაწყების დღიდან მიმდინარეობს.მანამდე საქართველოს კომუნიკაციების ეროვნულმა კომისიამ გაავრცელა განცხადება, სადაც აღნიშნა, რომ დიდი ბრიტანეთის მიერ ქართული ტელეკომპანიების „იმედისა“ და „პოსტვ“-ს დასანქცირება უარყოფითად იმოქმედებს კონკურენციაზე ტელემაუწყებლობის სფეროში. კომისიაში აღნიშნეს, რომ ამის თავიდან ასაცილებლად ყველა ზომას მიიღებენ.
საქართველო
პოლონეთი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ევროპარლამენტი, პოლიტიკა საქართველოში, პოლიტიკა, პოლონეთი , ახალი ამბები
საქართველო, ევროპარლამენტი, პოლიტიკა საქართველოში, პოლიტიკა, პოლონეთი , ახალი ამბები
პაპუაშვილი ევროკავშირის ზეწოლის წინააღმდეგ - პოლონელ ევროპარლამენტარებსა და სანქციებზე
როგორც პარლამენტის თავმჯდომარემ აღნიშნა, პოლონეთის მთავრობის ანტიქართულ პოლიტიკაში გასაკვირი არაფერია.
თბილისი, 24 მარტი — Sputnik. ევროპარლამენტის პოლონელი დეპუტატები, რომლებიც ქართული ტელეარხების წინააღმდეგ სანქციების დაწესებას ითხოვენ, არ იზიარებენ დემოკრატიულ პრინციპებს და არ სცემენ პატივს საქართველოს სუვერენიტეტსა და ხალხის გრძნობებს, განაცხადა პარლამენტის თავმჯდომარე შალვა პაპუაშვილმა.
„ევროპის სახალხო პარტიის“ (EPP) დეპუტატები — კშიშტოფ ბრეიზა, მიხალ შჩერბა და ანჯეი ჰალიცკი ტელეკომპანიებს: „იმედს“, „რუსთავი 2“-სა და „POSTV“-ს დეზინფორმაციის გავრცელებაში ადანაშაულებენ და ევროკავშირისგან რეაგირებას მოითხოვენ. აღნიშნული შესწორებების შეტანა იგეგმება რასა იუკნევიჩიენეს მიერ მომზადებულ ყოველწლიურ ანგარიშში, რომელსაც კენჭს მაისის ბოლოს უყრიან.
„რა გვაქვს საერთო სამ პოლონელ დეპუტატთან, რომლებსაც არაფერი ესმით? მათ არ ესმით არც დემოკრატია, არ სცემენ პატივს სუვერენიტეტს, ჩვენს მწუხარებას. ამ დღეებმა კიდევ ერთხელ დაგვანახვა, რომ დღევანდელი სახით ევროკავშირი აღარ არის ის ევროპა თავისი ღირებულებებით“, — აღნიშნა პაპუაშვილმა.
როგორც პარლამენტის თავმჯდომარემ აღნიშნა, პოლონეთის მთავრობის ანტიქართულ პოლიტიკაში გასაკვირი არაფერია. მისი თქმით, ხსენებული დეპუტატები პოლონეთის „სახალხო პარტიის“ წევრები არიან, რომელიც მხარს უჭერს მსჯავრდებულ ექს-პრეზიდენტ მიხეილ სააკაშვილს. სპიკერის შეფასებით, ეს არის მათი ღირებულებითი სტანდარტი, რაც გულისხმობს დიქტატორის მხარდაჭერას.
„როდესაც ევროპარლამენტის ასეთ ჯგუფებზე ვსაუბრობთ, ქართველ ხალხს მათთან საერთო ღირებულებითი კავშირი არ გააჩნია. ღირებულების მხრივ ჩვენ სხვადასხვა სამყაროში ვართ, მათთან საერთო არაფერი გვაქვს“, — ხაზგასმით აღნიშნა პაპუაშვილმა.
მიმდინარე 24 თებერვალს გაერთიანებულმა სამეფომ ანტირუსული სანქციების ფარგლებში ქართული ტელეკომპანიები - Imedi და POSTV შავ სიაში შეიყვანა და მედიასაშუალებები რუსეთ-უკრაინის კონფლიქტის შესახებ დეზინფორმაციის გავრცელებაში დაადანაშაულა, რაც „ხელს უწყობს ისეთ პოლიტიკას ან ქმედებას, რომელიც დესტაბილიზაციას ახდენს უკრაინაში, ძირს უთხრის ან საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას".
საქართველოს პრეზიდენტმა მიხეილ კაველაშვილმა დიდი ბრიტანეთის მიერ სანქციების დაწესებას სახელმწიფოს, ხელისუფლებისა და ეროვნული ინტერესების წინააღმდეგ მიმართული ქმედებათა ჯაჭვის ნაწილი უწოდა. მისი თქმით, ეს არის საქართველოზე ზეწოლის გაგრძელება, რომელიც უკრაინაში კონფლიქტის დაწყების დღიდან მიმდინარეობს.
მანამდე საქართველოს კომუნიკაციების ეროვნულმა კომისიამ გაავრცელა განცხადება, სადაც აღნიშნა, რომ დიდი ბრიტანეთის მიერ ქართული ტელეკომპანიების „იმედისა“ და „პოსტვ“-ს დასანქცირება უარყოფითად იმოქმედებს კონკურენციაზე ტელემაუწყებლობის სფეროში. კომისიაში აღნიშნეს, რომ ამის თავიდან ასაცილებლად ყველა ზომას მიიღებენ.
