https://sputnik-georgia.com/20260322/ivanishvili-saqartvelo-emshvidobeba-patriarqs-297742315.html
ივანიშვილი: საქართველო ემშვიდობება პატრიარქს, რომელმაც წარუშლელი კვალი დატოვა ყველას გულში
ივანიშვილი: საქართველო ემშვიდობება პატრიარქს, რომელმაც წარუშლელი კვალი დატოვა ყველას გულში
Sputnik საქართველო
ივანიშვილის თქმით, ეს არ არის ჩვეულებრივი განშორება - ეს უპრეცედენტოდ ღრმა და მტკივნეულია, რადგან იგი შეიცავს არა მხოლოდ გრძნობებსა და ემოციებს, არამედ დიდი... 22.03.2026-ს, Sputnik საქართველო
2026-03-22T16:37+0400
2026-03-22T16:37+0400
2026-03-22T16:37+0400
საქართველო
ბიძინა ივანიშვილი
სრულიად საქართველოს კათოლიკოს–პატრიარქი ილია მეორე
საზოგადოება
ახალი ამბები
https://cdnn1.img.sputnik-georgia.com/img/24289/35/242893526_0:0:1932:1088_1920x0_80_0_0_97f791827a33b72da3c06c080c74accc.jpg
თბილისი, 22 მარტი — Sputnik. დღეს მთელი ქვეყანა ემშვიდობება ადამიანს, რომელმაც წარუშლელი კვალი დატოვა თითოეული ჩვენგანის გულში, განაცხადა მმართველი პარტია „ქართული ოცნების“ დამფუძნებელმა ბიძინა ივანიშვილმა სრულიად საქართველოს კათოლიკოს-პატრიარქის ილია II-ის დაკრძალვის ცერემონიაზე.სრულიად საქართველოს კათოლიკოს-პატრიარქი, უწმინდესი და უნეტარესი ილია II სამების საკათედრო ტაძრიდან გამოასვენეს, სადაც წესის აგების მსახურება რომის მთავარეპისკოპოსმა და მსოფლიო პატრიარქმა, ყოვლადუწმინდესმა ბართლომეოს პირველმა მიტროპოლიტ შიოსთან და წმინდა სინოდის წევრებთან ერთად შეასრულა.მისი თქმით, ეს არ არის ჩვეულებრივი განშორება - ეს უპრეცედენტოდ ღრმა და მტკივნეულია, რადგან იგი შეიცავს არა მხოლოდ გრძნობებსა და ემოციებს, არამედ დიდი სიყვარულის მთელ ეპოქასა და ისტორიას.როგორც მან აღნიშნა, საქართველოს მრავალსაუკუნოვანი ისტორიის მანძილზე, ურთულეს დროს, როდესაც ქვეყანა ყოფნა-არყოფნიის ზღვარზე იყო, უფლის განგებით, თავად ერმა წარმოშვა ადამიანები, რომლებიც კვერთხად ექმნენ მამულს დარღვეულს.ივანიშვილის თქმით, დიდი ტკივილის მიუხედავად, ქართველი ხალხი ბედნიერია, რადგან წილად ხვდა პატივი იწოდებოდნენ უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის სულიერ შვილებად, შვილებად - მოძღვრისა, რომელმაც როგორც მთელი სიცოცხლე, გარდაცვალებაც საკუთარი სამწყსოს - ქართველი ხალხის ერთ მუშტად შეკვრასა და გაერთიანებას მიუძღვნა.კათოლიკოს-პატრიარქი ილია მეორე საპატრიარქო ტახტზე ასვლიდან 49-ე წელს, 93 წლის ასაკში სამშაბათს, 17 მარტს გარდაიცვალა. ის იყო ქვეყნის ისტორიაში ყველაზე ხანგრძლივი სულიერი წინამძღოლი.საქართველოს პატრიარქის დაკრძალვის დროს მცხეთა-თბილისის ეპარქიის ყველა ეკლესიაში ზარები დაირეკება. დაკრძალვას მხოლოდ სასულიერო პირები დაესწრებიან. მორწმუნეებს სიონის ეკლესიაში შესვლა 23 მარტს შეეძლებათ.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ბიძინა ივანიშვილი , სრულიად საქართველოს კათოლიკოს–პატრიარქი ილია მეორე, საზოგადოება, ახალი ამბები
საქართველო, ბიძინა ივანიშვილი , სრულიად საქართველოს კათოლიკოს–პატრიარქი ილია მეორე, საზოგადოება, ახალი ამბები
ივანიშვილი: საქართველო ემშვიდობება პატრიარქს, რომელმაც წარუშლელი კვალი დატოვა ყველას გულში
ივანიშვილის თქმით, ეს არ არის ჩვეულებრივი განშორება - ეს უპრეცედენტოდ ღრმა და მტკივნეულია, რადგან იგი შეიცავს არა მხოლოდ გრძნობებსა და ემოციებს, არამედ დიდი სიყვარულის მთელ ეპოქასა და ისტორიას.
თბილისი, 22 მარტი — Sputnik. დღეს მთელი ქვეყანა ემშვიდობება ადამიანს, რომელმაც წარუშლელი კვალი დატოვა თითოეული ჩვენგანის გულში, განაცხადა მმართველი პარტია „ქართული ოცნების“ დამფუძნებელმა ბიძინა ივანიშვილმა სრულიად საქართველოს კათოლიკოს-პატრიარქის ილია II-ის დაკრძალვის ცერემონიაზე.
სრულიად საქართველოს კათოლიკოს-პატრიარქი, უწმინდესი და უნეტარესი ილია II სამების საკათედრო ტაძრიდან გამოასვენეს, სადაც წესის აგების მსახურება რომის მთავარეპისკოპოსმა და მსოფლიო პატრიარქმა, ყოვლადუწმინდესმა ბართლომეოს პირველმა მიტროპოლიტ შიოსთან და წმინდა სინოდის წევრებთან ერთად შეასრულა.
„დღეს მილიონობით ქართველი მდუმარედ ვხვდებით დიდ განსაცდელს და სწორედ ამ გამაყრუებელ მდუმარებაში, რომელიც ახლა ყველაზე ხმამაღლა ისმის, ამ ქვეყნის თითოეული შვილი მთელი სისავსით გრძნობს, თუ რამდენად დიდია დანაკლისი, რომელსაც ტოვებთ... ამ სიჩუმეში ვემშვიდობებით ეპოქას, რომელსაც თქვენი სახელი ერქვა", - განაცხადა ივანიშვილმა.
მისი თქმით, ეს არ არის ჩვეულებრივი განშორება - ეს უპრეცედენტოდ ღრმა და მტკივნეულია, რადგან იგი შეიცავს არა მხოლოდ გრძნობებსა და ემოციებს, არამედ დიდი სიყვარულის მთელ ეპოქასა და ისტორიას.
„ამბობენ, ადამიანი ორჯერ იბადება: პირველად ფიზიკურად, ხოლო მეორედ მაშინ, როცა ცხოვრების მიზანს შეიცნობს. თავად განსაჯეთ რამდენად დიდი უნდა იყოს ადამიანი, რომ მისი მეორედ დაბადება მხოლოდ პირად საზღვრებში კი არ მოექცეს, არამედ ქვეყნის ბედისწერას შეერწყას და ერისა და ბერის სულიერ გზას, მის მომავალს დაუკავშირდეს", - განაცხადა ივანიშვილმა.
როგორც მან აღნიშნა, საქართველოს მრავალსაუკუნოვანი ისტორიის მანძილზე, ურთულეს დროს, როდესაც ქვეყანა ყოფნა-არყოფნიის ზღვარზე იყო, უფლის განგებით, თავად ერმა წარმოშვა ადამიანები, რომლებიც კვერთხად ექმნენ მამულს დარღვეულს.
„უწმინდესისა და უნეტარესის პატრიარქობის დროს საქართველოს მართლმადიდებელი ეკლესია იქცა ადგილად, სადაც ადამიანებმა ხელახლა იპოვეს ღმერთი და აღდგა რწმენა, მშვიდობა და ერთიანობის განცდა. კათოლიკოს-პატრიარქის სიტყვები რთულ დროს ნუგეშის წყაროდ იქცა, ხოლო მისი ლოცვა - უხილავ მხარდაჭერად და იმედად ჩვენი ხალხისთვის, ყველა ბავშვისთვის“, - დასძინა ივანიშვილმა.
ივანიშვილის თქმით, დიდი ტკივილის მიუხედავად, ქართველი ხალხი ბედნიერია, რადგან წილად ხვდა პატივი იწოდებოდნენ უწმინდესისა და უნეტარესის, სრულიად საქართველოს კათოლიკოს-პატრიარქის ილია II-ის სულიერ შვილებად, შვილებად - მოძღვრისა, რომელმაც როგორც მთელი სიცოცხლე, გარდაცვალებაც საკუთარი სამწყსოს - ქართველი ხალხის ერთ მუშტად შეკვრასა და გაერთიანებას მიუძღვნა.
კათოლიკოს-პატრიარქი ილია მეორე საპატრიარქო ტახტზე ასვლიდან 49-ე წელს, 93 წლის ასაკში სამშაბათს, 17 მარტს გარდაიცვალა. ის იყო ქვეყნის ისტორიაში ყველაზე ხანგრძლივი სულიერი წინამძღოლი.
საქართველოს პატრიარქის დაკრძალვის დროს მცხეთა-თბილისის ეპარქიის ყველა ეკლესიაში ზარები დაირეკება. დაკრძალვას მხოლოდ სასულიერო პირები დაესწრებიან. მორწმუნეებს სიონის ეკლესიაში შესვლა 23 მარტს შეეძლებათ.
