ტრამპი: რუსეთთან მოლაპარაკებები უკრაინის საკითხზე თითქმის ყოველდღე მიმდინარეობს
11:27 21.03.2026 (განახლებულია: 13:28 22.03.2026)
© REUTERS Kevin Lamarque
გამოწერა
თბილისი, 21 მარტი - Sputnik. ვაშინგტონსა და მოსკოვს შორის დიალოგი უკრაინის კონფლიქტის მოგვარების თაობაზე თითქმის ყოველდღიურ რეჟიმში გრძელდება, მიუხედავად ახლო აღმოსავლეთში მიმდინარე სამხედრო ოპერაციისა, განაცხადა აშშ-ის პრეზიდენტმა დონალდ ტრამპმა.
„ჩვენ ვსაუბრობთ ამაზე. ვფიქრობ, შეთანხმება მიღწეული იქნება. მოლაპარაკებები თითქმის ყოველდღე მიმდინარეობს და ჩვენ დიდ პროგრესს ვაღწევთ“, — განაცხადა ტრამპმა TASS-თან საუბარში.
აღსანიშნავია, რომ 15 მარტს გამოცემა Financial Times-ი საკუთარ წყაროებზე დაყრდნობით წერდა, რომ ახლო აღმოსავლეთის მოვლენების გამო ამერიკის პრეზიდენტი უკრაინის კონფლიქტის მოგვარებისადმი ინტერესს კარგავდა. თუმცა, 19 მარტს რუსეთის პრეზიდენტის პრესმდივანმა, დიმიტრი პესკოვმა დაადასტურა, რომ რუსეთი-აშშ-უკრაინის სამმხრივი მოლაპარაკებების ჯგუფის მუშაობა დროებით შეჩერებულია. დელეგაციების შეხვედრა მარტის დასაწყისში იგეგმებოდა, მაგრამ ირანის წინააღმდეგ დაწყებული სამხედრო ოპერაციის გამო გადაიდო.
