https://sputnik-georgia.com/20260317/kulturis-saministrosi-pirveli-qartuli-filmis-avtori-gaixsenes-297611417.html
კულტურის სამინისტროში პირველი ქართული ფილმის ავტორი გაიხსენეს
კულტურის სამინისტროში პირველი ქართული ფილმის ავტორი გაიხსენეს
Sputnik საქართველო
ვასილ ამაშუკელმა ქართულ კულტურას განვითარების ახალი კარი გაუღო და, ამავე დროს, იმ ეპოქის ისტორია უნიკალური კადრებით შემოგვინახა, აღნიშნეს კულკტურის... 17.03.2026-ს, Sputnik საქართველო
2026-03-17T11:57+0400
2026-03-17T11:57+0400
2026-03-17T11:57+0400
ახალი ამბები
საქართველო
საქართველოს ეროვნული კინოცენტრი
ქართული კინო
საქართველოს კულტურისა და სპორტის სამინისტრო
კულტურა საქართველოში
https://cdnn1.img.sputnik-georgia.com/img/24370/95/243709513_0:101:1944:1195_1920x0_80_0_0_18aba1ca6153f3653335709d438755ca.jpg
თბილისი, 17 მარტი — Sputnik. პირველი ქართული ფილმის ავტორის, კინორეჟისორისა და ოპერატორის ვასილ ამაშუკელის დაბადებიდან 140 წელი გავიდა, იუწყება საქართველოს კულტურის სამინისტრო. ვასილ ამაშუკელი ქართული კინოს ფუძემდებელია. სწორედ მის მიერაა გადაღებული პირველი სრულმეტრაჟიანი ქართული დოკუმენტური ფილმი - "აკაკი წერეთლის მოგზაურობა რაჭა-ლეჩხუმში". "ვასილ ამაშუკელმა ქართულ კულტურას განვითარების ახალი კარი გაუღო და, ამავე დროს, იმ ეპოქის ისტორია უნიკალური კადრებით შემოგვინახა", - აღნიშულია კულტურის სამინისტროს მიერ გავრცელებულ ინფორმაციაში. "აკაკი წერეთლის მოგზაურობა რაჭა–ლეჩხუმში 1912 წელს". სრულმეტრაჟიანი დოკუმენტური ფილმია . ამ მოგზაურობაში ვასილ ამაშუკელი თან ახლდა აკაკი წერეთელს და ყოველ მნიშვნელოვან მომენტს იღებდა. ფილმის პრემიერა 1912 წლის 20 სექტემბერს ქუთაისში, კინოთეატრ "რადიუმში" გაიმართა. ჩვენებას აკაკიც დაესწრო, შეიკრიბა ნაღები საზოგადოება, უკრავდა კინოთეატრის ორკესტრიც... ფილმი აჩვენეს თბილისში, ჭიათურაში, ბათუმში, ფოთში, ზუგდიდსა და სტამბოლში, ასევე ფილმმა მოიარა რუსეთის იმპერიის დიდი ქალაქები. ფილმს მაღალ შეფასებას მისცა ფრანგმა კინომცოდნემ ჟორჟ სადულიმ, რომელიც წერდა: "რამდენადაც ვიცი, 1912 წლამდე, არც ერთ ქვეყანაში, არც ერთი სრულმეტრაჟიანი დოკუმენტური ფილმი არც ერთი ცნობილი პიროვნებისადმი არ მიუძღვნიათ". ფირის ორიგინალი დაცულია გიორგი ლეონიძის სახელობის ქართული ლიტერატურის მუზეუმში, საქართველოს ეროვნულ არქივში კი 1954 წელს გადაღებული ასლი ინახება. "აკაკი წერეთლის მოგზაურობა რაჭა–ლეჩხუმშ", ერთადერთია ვასილ ამაშუკელის მიერ გადაღებული ფილმებიდან რომლიც თანამედროვეობას შემორჩა. ცნობილია , რომ ამაშულელმა გადაიღო და მაყურებელს უჩვენა მოკლემეტრაჟიანი დოკუმენტური სიუჟეტები: "ქართველთა შორის წერა–კითხვის გამავრცელებელი საზოგადოების სეირნობა პარკში", "ი. რამიშვილის სტამბის მუშაობა", "მუშაობა ნავთის ჭაბურღილებთან", "შეჯიბრება ცურვაში", "ქვანახშირის ზიდვა აქლემებით", "ქართული სცენის მოღვაწენი" და სხვა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს ეროვნული კინოცენტრი, ქართული კინო, საქართველოს კულტურისა და სპორტის სამინისტრო, კულტურა საქართველოში
ახალი ამბები, საქართველო, საქართველოს ეროვნული კინოცენტრი, ქართული კინო, საქართველოს კულტურისა და სპორტის სამინისტრო, კულტურა საქართველოში
კულტურის სამინისტროში პირველი ქართული ფილმის ავტორი გაიხსენეს
ვასილ ამაშუკელმა ქართულ კულტურას განვითარების ახალი კარი გაუღო და, ამავე დროს, იმ ეპოქის ისტორია უნიკალური კადრებით შემოგვინახა, აღნიშნეს კულკტურის სამინისტროში.
თბილისი, 17 მარტი — Sputnik. პირველი ქართული ფილმის ავტორის, კინორეჟისორისა და ოპერატორის ვასილ ამაშუკელის დაბადებიდან 140 წელი გავიდა, იუწყება საქართველოს კულტურის სამინისტრო.
ვასილ ამაშუკელი ქართული კინოს ფუძემდებელია. სწორედ მის მიერაა გადაღებული პირველი სრულმეტრაჟიანი ქართული დოკუმენტური ფილმი - "აკაკი წერეთლის მოგზაურობა რაჭა-ლეჩხუმში".
"ვასილ ამაშუკელმა ქართულ კულტურას განვითარების ახალი კარი გაუღო და, ამავე დროს, იმ ეპოქის ისტორია უნიკალური კადრებით შემოგვინახა", - აღნიშულია კულტურის სამინისტროს მიერ გავრცელებულ ინფორმაციაში.
"აკაკი წერეთლის მოგზაურობა რაჭა–ლეჩხუმში 1912 წელს". სრულმეტრაჟიანი დოკუმენტური ფილმია . ამ მოგზაურობაში ვასილ ამაშუკელი თან ახლდა აკაკი წერეთელს და ყოველ მნიშვნელოვან მომენტს იღებდა.
ფილმის პრემიერა 1912 წლის 20 სექტემბერს ქუთაისში, კინოთეატრ "რადიუმში" გაიმართა. ჩვენებას აკაკიც დაესწრო, შეიკრიბა ნაღები საზოგადოება, უკრავდა კინოთეატრის ორკესტრიც... ფილმი აჩვენეს თბილისში, ჭიათურაში, ბათუმში, ფოთში, ზუგდიდსა და სტამბოლში, ასევე ფილმმა მოიარა რუსეთის იმპერიის დიდი ქალაქები.
ფილმს მაღალ შეფასებას მისცა ფრანგმა კინომცოდნემ ჟორჟ სადულიმ, რომელიც წერდა: "რამდენადაც ვიცი, 1912 წლამდე, არც ერთ ქვეყანაში, არც ერთი სრულმეტრაჟიანი დოკუმენტური ფილმი არც ერთი ცნობილი პიროვნებისადმი არ მიუძღვნიათ". ფირის ორიგინალი დაცულია გიორგი ლეონიძის სახელობის ქართული ლიტერატურის მუზეუმში, საქართველოს ეროვნულ არქივში კი 1954 წელს გადაღებული ასლი ინახება.
"აკაკი წერეთლის მოგზაურობა რაჭა–ლეჩხუმშ", ერთადერთია ვასილ ამაშუკელის მიერ გადაღებული ფილმებიდან რომლიც თანამედროვეობას შემორჩა. ცნობილია , რომ ამაშულელმა გადაიღო და მაყურებელს უჩვენა მოკლემეტრაჟიანი დოკუმენტური სიუჟეტები: "ქართველთა შორის წერა–კითხვის გამავრცელებელი საზოგადოების სეირნობა პარკში", "ი. რამიშვილის სტამბის მუშაობა", "მუშაობა ნავთის ჭაბურღილებთან", "შეჯიბრება ცურვაში", "ქვანახშირის ზიდვა აქლემებით", "ქართული სცენის მოღვაწენი" და სხვა.
