სკოლა, რომელშიც მოხვედრა რთულია და სადაც ზარმაცები არ უყვართ – ვიდეო

გამოწერა
თბილისის კომაროვის სახელობის ფიზიკა-მათემატიკის სკოლა მაღალი ხარისხის განათლების სიმბოლოდ იქცა.
ეს არის სკოლა, რომელშიც მოხვედრა და სწავლა რთულია, სადაც ზარმაც და გულგრილ ახალგაზრდებს გასაქანს არ აძლევენ. მის მრავალ კურსდამთავრებულს შორის ბევრი ცნობილი პიროვნებაა. მოსწავლეები რეგულარულად იმარჯვებენ სხვადასხვა ეროვნულ და საერთაშორისო ოლიმპიადებსა და კონკურსებში.
კომაროვის სახელობის სკოლა ერთ-ერთი ყველაზე ძლიერია საქართველოში. სკოლა, რომელიც მსოფლიოში პირველი მრავალადგილიანი კოსმოსური ხომალდის ეკიპაჟის წევრის ვლადიმირ კომაროვის სახელს ატარებს, წელს იუბილეს აღნიშნავს – 60 წლის წინ, 1966 წელს, სკოლამ მოსწავლეთა პირველი ნაკადი გამოუშვა, სკოლა 1964 წლის სექტემბერში გაიხსნა.
სკოლის დაარსების გადაწყვეტილება მათემატიკის პროფესორ ფილიმონ ხარშილაძის ინიციატივით მიიღეს. ამ პროცესში მონაწილეობდა საქართველოს მათემატიკის ინსტიტუტის თანამშრომლების მთელი ჯგუფი. სკოლის შექმნაში დიდი წვლილი შეიტანა საქართველოს მეცნიერებათა აკადემიის მაშინდელმა პრეზიდენტმა, მსოფლიოში ცნობილმა მეცნიერმა ნიკო მუსხელიშვილმა.
ყველა ახალი ამბავი
0