GWP: ვაკის მოსახლეობის ნაწილს წყლის მიწოდება შეუწყდება
© courtesy of GWP
გამოწერა
„ჯორჯიან უოთერ ენდ ფაუერი" ბოდიშს უხდის მომხმარებლებს დისკომფორტისთვის.
თბილისი, 26 თებერვალი — Sputnik. ვაკის რაიონის მოსახლეობის ნაწილს 27 თებერვალს წყალმომარაგება დროებით შეეზღუდება, ნათქვამია წყალგამანაწილებელი კომპანია „ჯორჯიან უოთერ ენდ ფაუერის“ (GWP) მიერ გავრცელებულ ინფორმაციაში.
GWP-ის ცნობით, კომპანია ვაკის რაიონში, ტ.თვალჭრელიძის ქ. N13-ის მიმდებარედ წყალმომარაგების სტაბილურობისთვის ქსელზე აუცილებელ სამუშაოებს ჩაატარებს.
დაგეგმილი სამუშაოების გამო აუცილებელია მაგისტრალური ქსელის წყლისგან დაცლა, რის გამოც 27 თებერვლის 10:00 საათიდან 22:00 საათამდე პერიოდში წყალმომარაგება შეეზღუდება:. ავთო ვარაზის, ფერმწერთა, ამბერკი ტაბიძის, ქვემო აჟარის N 32, 40, 42, 44, ნინო ზაალიშვილის, ლეო კვაჭაძის და ტატიანა თვალჭრელიძის ქუჩებს.
„ჯორჯიან უოთერ ენდ ფაუერი" ბოდიშს უხდის მომხმარებლებს დისკომფორტისთვის.
წყალმომარაგების შეზღუდვისა და აღდგენის შესახებ ინფორმაციას კომპანია აბონენტებს წინასწარ SMS-შეტყობინების სახით უგზავნის.
