https://sputnik-georgia.com/20260220/mevenaxeebistvis-axali-kriteriumebi-dasaxelda-297250011.html
მევენახეებისთვის ახალი კრიტერიუმები დასახელდა
მევენახეებისთვის ახალი კრიტერიუმები დასახელდა
Sputnik საქართველო
საქართველოს მთავრობა დაასუბსიდირებს ყურძნის ხარისხს და არა რაოდენობას. 20.02.2026-ს, Sputnik საქართველო
2026-02-20T22:39+0400
2026-02-20T22:39+0400
2026-02-20T22:39+0400
საქართველო
ღვინის ეროვნული სააგენტო
გარემოს დაცვისა და სოფლის მეურნეობის სამინისტრო
საქართველოს სოფლის მეურნეობა
საზოგადოება
ახალი ამბები
https://cdnn1.img.sputnik-georgia.com/img/07e9/0a/04/295231391_0:37:2049:1189_1920x0_80_0_0_bfb1fd924ef2ee73abcda5d4dba51223.jpg
თბილისი, 20 თებერვალი — Sputnik. მევენახეებმა ყურადღება არა წარმოებული ყურძნის რაოდენობაზე, არამედ მის ხარისხზე უნდა გაამახვილონ, განაცხადა ღვინის ეროვნული სააგენტოს თავმჯდომარე ლევან მეხუზლამ.საქართველოში 2026 წლიდან ყურძნის სახელმწიფო სუბსიდიების წესები იცვლება და მევენახეებისა და ღვინის მწარმოებლებისადმი ახალი მოთხოვნები წესდება. როგორც მან აღნიშნა, 2026 წლიდან ყურძნის ხარისხის მიხედვით სამი დიფერენცირებული ფასი დაწესდება.2026 წლის რთველის დროს, ჭარბი მოსავლის შემთხვევაში, თუ კერძო სექტორი არ გამოხატავს ყურძნის შესყიდვის ინტერესს, სახელმწიფოს მხრიდან 1 კგ ყურძნის შესასყიდად განისაზღვრა შემდეგი ფასები:დიფერენცირებული ფასი ასევე გავრცელდება „საფერავის" ჯიზე:მიმდინარე წლიდან ფერმერებს სხვა რეფორმებიც ელოდებათ, რომელიც მიზნად ისახავს მაღალი ხარისხის, ყურძნის ბაზაზე დამზადებული კონკურენტუნარიანი ალკოჰოლური სასმელების წარმოების ხელშეწყობას და ასევე ადგილობრივი და საერთაშორისო ბაზრების მოთხოვნების გათვალისწინებას.სხვა საკითხებთან ერთად, ღვინის ეროვნული სააგენტო გეგმავს ფერმერებისთვის „კომერციული ვენახის გაშენებისთვის ნებართვების“ შემოღებას, რათა გააუმჯობესოს ორგანიზაციული საკითხები რთველის დროს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, ღვინის ეროვნული სააგენტო, გარემოს დაცვისა და სოფლის მეურნეობის სამინისტრო, საქართველოს სოფლის მეურნეობა, საზოგადოება, ახალი ამბები
საქართველო, ღვინის ეროვნული სააგენტო, გარემოს დაცვისა და სოფლის მეურნეობის სამინისტრო, საქართველოს სოფლის მეურნეობა, საზოგადოება, ახალი ამბები
მევენახეებისთვის ახალი კრიტერიუმები დასახელდა
საქართველოს მთავრობა დაასუბსიდირებს ყურძნის ხარისხს და არა რაოდენობას.
თბილისი, 20 თებერვალი — Sputnik. მევენახეებმა ყურადღება არა წარმოებული ყურძნის რაოდენობაზე, არამედ მის ხარისხზე უნდა გაამახვილონ, განაცხადა ღვინის ეროვნული სააგენტოს თავმჯდომარე ლევან მეხუზლამ.
საქართველოში 2026 წლიდან ყურძნის სახელმწიფო სუბსიდიების წესები იცვლება და მევენახეებისა და ღვინის მწარმოებლებისადმი ახალი მოთხოვნები წესდება.
„დარგის გრძელვადიანი განვითარებისთვის ყურადღება უნდა გამახვილდეს ხარისხზე და არა რაოდენობაზე. წლის ამ დროს, თებერვლის ბოლოდან, ვენახების ფორმირება მიმდინარეობს. მევენახეებმა დაგეგმილი ცვლილებები უკვე უნდა გაითვალისწინონ", - განაცხადა მეხუზლამ.
როგორც მან აღნიშნა, 2026 წლიდან ყურძნის ხარისხის მიხედვით სამი დიფერენცირებული ფასი დაწესდება.
„კონდიციურ და არაკონდიციურ ყურძენს შორის ფასთა სხვაობა მევენახეებისთვის დამატებითი მოტივაციაა, აწარმოონ ხარისხიანი ყურძენი, რაშიც გასული წლის რთველმაც დაგვარწმუნა", - განაცხადა მეხუზლამ.
2026 წლის რთველის დროს, ჭარბი მოსავლის შემთხვევაში, თუ კერძო სექტორი არ გამოხატავს ყურძნის შესყიდვის ინტერესს, სახელმწიფოს მხრიდან 1 კგ ყურძნის შესასყიდად განისაზღვრა შემდეგი ფასები:
,,ვაზისა და ღვინის შესახებ“ საქართველოს კანონით ნებადართული ვაზის ჯიშებისგან მოწეული ყურძენი, რომლის შაქრიანობა აღემატება 20%-ს - 1,3 ლარი;
ამავე კატეგორიის ყურძენი, რომლის შაქრიანობა 17%-დან 20%-მდეა - 0,8 ლარი;
ყურძენი, რომლის შაქრიანობა არ აღემატება 17%-ს - 0,30 ლარი;
დიფერენცირებული ფასი ასევე გავრცელდება „საფერავის" ჯიზე:
შაქრიანობა აღემატება 22%-ს - 1,5 ლარი;
შაქრიანობა 17%-დან - 22%-მდე - 0,9 ლარი;
შაქრიანობა არ აღემატება 17%-ს - 0,30 ლარი.
მიმდინარე წლიდან ფერმერებს სხვა რეფორმებიც ელოდებათ, რომელიც მიზნად ისახავს მაღალი ხარისხის, ყურძნის ბაზაზე დამზადებული კონკურენტუნარიანი ალკოჰოლური სასმელების წარმოების ხელშეწყობას და ასევე ადგილობრივი და საერთაშორისო ბაზრების მოთხოვნების გათვალისწინებას.
სხვა საკითხებთან ერთად, ღვინის ეროვნული სააგენტო გეგმავს ფერმერებისთვის „კომერციული ვენახის გაშენებისთვის ნებართვების“ შემოღებას, რათა გააუმჯობესოს ორგანიზაციული საკითხები რთველის დროს.
