https://sputnik-georgia.com/20260217/aspinzashi-ukanono-tevzcheris-paqti-gamovlinda-297172312.html
ასპინძაში უკანონო თევზჭერის ფაქტი გამოავლინეს
ასპინძაში უკანონო თევზჭერის ფაქტი გამოავლინეს
Sputnik საქართველო
გასულ წელს უკანონო თევზჭერის 805 ფაქტი გამოვლინდა, მათგან 368 ფაქტი სისხლის სამართლის დანაშაულის ნიშნებს შეიცავს. 17.02.2026-ს, Sputnik საქართველო
2026-02-17T12:43+0400
2026-02-17T12:43+0400
2026-02-17T12:43+0400
საქართველო
გარემოსდაცვითი ზედამხედველობის დეპარტამენტი
გარემოს დაცვა და ეკოლოგია
შემთხვევები საქართველოში
საზოგადოება
ახალი ამბები
https://cdnn1.img.sputnik-georgia.com/img/07e7/08/01/280710915_0:0:3078:1731_1920x0_80_0_0_ed5b3e11b34ef469ec9ea84f1829b294.jpg
თბილისი, 17 თებერვალი — Sputnik. გარემოსდაცვითი ზედამხედველობის დეპარტამენტის თანამშრომლებმა ასპინძის მუნიციპალიტეტში უკანონო თევზჭერის ფაქტი გამოავლინეს, ნათქვამია უწყების მიერ გავრცელებულ განცხადებაში. უწყების ცნობით, ასპინძის მუნიციპალიტეტის სოფელ რუსთავის მიმდებარედ, მდინარე მტკვარზე მოქალაქეები თევზს ელექტროიარაღის გამოყენებით იჭერდნენ. სამართალდამრღვევებს უკანონოდ ჰქონდათ მოპოვებული სხვადასხვა სახეობის 61 კგ თევზი. ელექტროიარაღით თევზჭერა სისხლის სამართლის პასუხისმგებლობას გულისხმობს, შესაბამისად, ფაქტზე გამოძიება დაიწყო. გარემოსდაცვითი ზედამხედველობის დეპარტამენტის ეკიპაჟები ქვეყნის მასშტაბით 24-საათიან უწყვეტ პატრულირებას ახორციელებენ, რათა დროულად მოხდეს უკანონო ტყითსარგებლობის, ნადირობის, თევზჭერისა და სხვა გარემოსდაცვითი სამართალდარღვევის ფაქტების პრევენცია, გამოვლენა და აღკვეთა.2025 წელს უკანონო თევზჭერის 805 ფაქტი გამოვლინდა, მათგან 368 ფაქტი სისხლის სამართლის დანაშაულის ნიშნებს შეიცავდა. რაც შეეხება ელექტროიარაღით თევზჭერას, გასულ წელს ამ აკრძალული საშუალებით უკანონო თევზჭერის 59 ფაქტი დაფიქსირდა. დეპარტამენტის ცნობით, ბრაკონიერობის წინააღმდეგ ბრძოლა პრიორიტეტული მიმართულებაა. პრევენციული ღონისძიებები ტარდება განსაკუთრებით ისეთ ლოკაციებზე, სადაც ბრაკონიერობის ფაქტები ბოლო წლებში შედარებით ხშირია. საქართველოში აკრძალულია ელექტროდენით, ელექტროშოკის აპარატით, თვითნაკეთი ელექტრონული ხელსაწყოთი, ფეთქებადი ან მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით უკანონო თევზჭერა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, გარემოსდაცვითი ზედამხედველობის დეპარტამენტი, გარემოს დაცვა და ეკოლოგია, შემთხვევები საქართველოში, საზოგადოება, ახალი ამბები
საქართველო, გარემოსდაცვითი ზედამხედველობის დეპარტამენტი, გარემოს დაცვა და ეკოლოგია, შემთხვევები საქართველოში, საზოგადოება, ახალი ამბები
ასპინძაში უკანონო თევზჭერის ფაქტი გამოავლინეს
გასულ წელს უკანონო თევზჭერის 805 ფაქტი გამოვლინდა, მათგან 368 ფაქტი სისხლის სამართლის დანაშაულის ნიშნებს შეიცავს.
თბილისი, 17 თებერვალი — Sputnik. გარემოსდაცვითი ზედამხედველობის დეპარტამენტის თანამშრომლებმა ასპინძის მუნიციპალიტეტში უკანონო თევზჭერის ფაქტი გამოავლინეს, ნათქვამია უწყების მიერ გავრცელებულ განცხადებაში.
უწყების ცნობით, ასპინძის მუნიციპალიტეტის სოფელ რუსთავის მიმდებარედ, მდინარე მტკვარზე მოქალაქეები თევზს ელექტროიარაღის გამოყენებით იჭერდნენ. სამართალდამრღვევებს უკანონოდ ჰქონდათ მოპოვებული სხვადასხვა სახეობის 61 კგ თევზი.
ელექტროიარაღით თევზჭერა სისხლის სამართლის პასუხისმგებლობას გულისხმობს, შესაბამისად, ფაქტზე გამოძიება დაიწყო.
გარემოსდაცვითი ზედამხედველობის დეპარტამენტის ეკიპაჟები ქვეყნის მასშტაბით 24-საათიან უწყვეტ პატრულირებას ახორციელებენ, რათა დროულად მოხდეს უკანონო ტყითსარგებლობის, ნადირობის, თევზჭერისა და სხვა გარემოსდაცვითი სამართალდარღვევის ფაქტების პრევენცია, გამოვლენა და აღკვეთა.
2025 წელს უკანონო თევზჭერის 805 ფაქტი გამოვლინდა, მათგან 368 ფაქტი სისხლის სამართლის დანაშაულის ნიშნებს შეიცავდა. რაც შეეხება ელექტროიარაღით თევზჭერას, გასულ წელს ამ აკრძალული საშუალებით უკანონო თევზჭერის 59 ფაქტი დაფიქსირდა.
დეპარტამენტის ცნობით, ბრაკონიერობის წინააღმდეგ ბრძოლა პრიორიტეტული მიმართულებაა. პრევენციული ღონისძიებები ტარდება განსაკუთრებით ისეთ ლოკაციებზე, სადაც ბრაკონიერობის ფაქტები ბოლო წლებში შედარებით ხშირია.
საქართველოში აკრძალულია ელექტროდენით, ელექტროშოკის აპარატით, თვითნაკეთი ელექტრონული ხელსაწყოთი, ფეთქებადი ან მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით უკანონო თევზჭერა.
