https://sputnik-georgia.com/20260203/umaglesi-ganatlebis-repormis-axali-etapi-296940582.html
უმაღლესი განათლების რეფორმის ახალი ეტაპი: ძირითადი სიახლეები
უმაღლესი განათლების რეფორმის ახალი ეტაპი: ძირითადი სიახლეები
Sputnik საქართველო
პროექტი ითვალისწინებს უმაღლესი სასწავლებლების აკადემიური შემადგენლობის ცვლილებას და ახალი თანამდებობის „წამყვანი პროფესორის“ შემოღებას. 03.02.2026-ს, Sputnik საქართველო
2026-02-03T15:37+0400
2026-02-03T15:37+0400
2026-02-03T15:37+0400
საქართველო
კანონმდებლობა
საქართველოს პარლამენტი
ახალი ამბები
განათლება საქართველოში
https://cdnn1.img.sputnik-georgia.com/img/07e5/08/13/252624995_0:0:3068:1727_1920x0_80_0_0_0159726336f503b06f0723baac57ceca.jpg
თბილისი, 3 თებერვალი — Sputnik. „უმაღლესი განათლების შესახებ“ კანონში ცვლილებები, რომლის თანახმადაც უმაღლესი საგანმანათლებლო დაწესებულებების მიმართებით მთავრობის უფლებამოსილება ფართოვდება და ასევე იცვლება კრიტერიუმები უნივერსიტეტის აკადემიური შემადგენლობისთვის, საქართველოს პარლამენტშია წარდგენილია.სიახლის თანახმად, ხელისუფლებას ექნება უფლებამოსილება განსაზღვროს სახელმწიფო უმაღლესი სასწავლებლების რეორგანიზაციის ფორმა, მიზნები, ვადები და დანერგოს დროებითი მართვის მექანიზმები.ასეთ შემთხვევებში განათლების მინისტრი უფლებამოსილი იქნება რეორგანიზაციის პერიოდში დანიშნოს რექტორის მოვალეობის შემსრულებელი და უმაღლესი სასწავლებლის საკვანძო თანამდებობებზე დროებითი შემსრულებელი პირები.გარდა ამისა, პროექტი ითვალისწინებს უმაღლესი სასწავლებლების აკადემიური შემადგენლობის ცვლილებას და ახალი თანამდებობის „წამყვანი პროფესორის“ შემოღებას.წამყვანი პროფესორი შეიძლება გახდეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 8 წლის გამოცდილება, აქვს განსაკუთრებული სამეცნიერო მიღწევები (სამეცნიერო პუბლიკაციები წამყვან ადგილობრივ და საერთაშორისო ჟურნალებსა და სხვა გამოცემებში, მიღებული აქვს მონაწილეობა ეროვნულ და საერთაშორისო სამეცნიერო-კვლევით პროექტებში და სხვა) და რომელიც აკმაყოფილებს უმაღლესი საგანმანათლებლო დაწესებულების წესდებით განსაზღვრულ დამატებით პირობებს.პროფესორის თანამდებობაზე განსაზღვრული ვადით შეიძლება არჩეულ იქნას დოქტორის ან მასთან გათანაბრებული ხარისხის მქონე პირი, რომელსაც აქვს სამეცნიერო-პედაგოგიური საქმიანობის მინიმუმ ექვსწლიანი გამოცდილება. პროფესორები ასევე შეიძლება დაინიშნონ უვადოდ, თუ მათ აქვთ განსაკუთრებული სამეცნიერო მიღწევები.ამასთან, სახელოვნებო-შემოქმედებით უმაღლეს სასწავლებლებში პროფესორის თანამდებობა შეიძლება დაიკავოს დოქტორის ან მასთან გათანაბრებული ხარისხის მქონე პირმა, რომელსაც აქვს სამეცნიერო-პედაგოგიური საქმიანობის არანაკლებ 8-წლიანი გამოცდილება. განსაკუთრებული მიღწევების ან პროფესორად მესამე ვადის არჩევის შემთხვევაში, დანიშვნა უვადო იქნება.ხუთ წელზე მეტი ვადით არჩეულ პროფესორებს ატესტაციის გავლა მოუწევთ.ასოცირებული პროფესორის თანამდებობაზე შეიძლება არჩეულ იქნენ დოქტორები, რომლებსაც აქვთ სამეცნიერო-პედაგოგიური საქმიანობის მინიმუმ სამწლიანი გამოცდილება. შემოქმედებითი მიმართულებისთვის კი საჭიროა მინიმუმ ოთხწლიანი გამოცდილება და მაგისტრის ხარისხი.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, კანონმდებლობა, საქართველოს პარლამენტი, ახალი ამბები, განათლება საქართველოში
საქართველო, კანონმდებლობა, საქართველოს პარლამენტი, ახალი ამბები, განათლება საქართველოში
უმაღლესი განათლების რეფორმის ახალი ეტაპი: ძირითადი სიახლეები
პროექტი ითვალისწინებს უმაღლესი სასწავლებლების აკადემიური შემადგენლობის ცვლილებას და ახალი თანამდებობის „წამყვანი პროფესორის“ შემოღებას.
თბილისი, 3 თებერვალი — Sputnik. „უმაღლესი განათლების შესახებ“ კანონში ცვლილებები, რომლის თანახმადაც უმაღლესი საგანმანათლებლო დაწესებულებების მიმართებით მთავრობის უფლებამოსილება ფართოვდება და ასევე იცვლება კრიტერიუმები უნივერსიტეტის აკადემიური შემადგენლობისთვის, საქართველოს პარლამენტშია წარდგენილია.
სიახლის თანახმად, ხელისუფლებას ექნება უფლებამოსილება განსაზღვროს სახელმწიფო უმაღლესი სასწავლებლების რეორგანიზაციის ფორმა, მიზნები, ვადები და დანერგოს დროებითი მართვის მექანიზმები.
ასეთ შემთხვევებში განათლების მინისტრი უფლებამოსილი იქნება რეორგანიზაციის პერიოდში დანიშნოს რექტორის მოვალეობის შემსრულებელი და უმაღლესი სასწავლებლის საკვანძო თანამდებობებზე დროებითი შემსრულებელი პირები.
გარდა ამისა, პროექტი ითვალისწინებს უმაღლესი სასწავლებლების აკადემიური შემადგენლობის ცვლილებას და ახალი თანამდებობის „წამყვანი პროფესორის“ შემოღებას.
წამყვანი პროფესორი შეიძლება გახდეს დოქტორის ან მასთან გათანაბრებული აკადემიური ხარისხის მქონე პირი, რომელსაც აქვს სამეცნიერო-პედაგოგიური მუშაობის არანაკლებ 8 წლის გამოცდილება, აქვს განსაკუთრებული სამეცნიერო მიღწევები (სამეცნიერო პუბლიკაციები წამყვან ადგილობრივ და საერთაშორისო ჟურნალებსა და სხვა გამოცემებში, მიღებული აქვს მონაწილეობა ეროვნულ და საერთაშორისო სამეცნიერო-კვლევით პროექტებში და სხვა) და რომელიც აკმაყოფილებს უმაღლესი საგანმანათლებლო დაწესებულების წესდებით განსაზღვრულ დამატებით პირობებს.
პროფესორის თანამდებობაზე განსაზღვრული ვადით შეიძლება არჩეულ იქნას დოქტორის ან მასთან გათანაბრებული ხარისხის მქონე პირი, რომელსაც აქვს სამეცნიერო-პედაგოგიური საქმიანობის მინიმუმ ექვსწლიანი გამოცდილება. პროფესორები ასევე შეიძლება დაინიშნონ უვადოდ, თუ მათ აქვთ განსაკუთრებული სამეცნიერო მიღწევები.
ამასთან, სახელოვნებო-შემოქმედებით უმაღლეს სასწავლებლებში პროფესორის თანამდებობა შეიძლება დაიკავოს დოქტორის ან მასთან გათანაბრებული ხარისხის მქონე პირმა, რომელსაც აქვს სამეცნიერო-პედაგოგიური საქმიანობის არანაკლებ 8-წლიანი გამოცდილება. განსაკუთრებული მიღწევების ან პროფესორად მესამე ვადის არჩევის შემთხვევაში, დანიშვნა უვადო იქნება.
ხუთ წელზე მეტი ვადით არჩეულ პროფესორებს ატესტაციის გავლა მოუწევთ.
ასოცირებული პროფესორის თანამდებობაზე შეიძლება არჩეულ იქნენ დოქტორები, რომლებსაც აქვთ სამეცნიერო-პედაგოგიური საქმიანობის მინიმუმ სამწლიანი გამოცდილება. შემოქმედებითი მიმართულებისთვის კი საჭიროა მინიმუმ ოთხწლიანი გამოცდილება და მაგისტრის ხარისხი.
