https://sputnik-georgia.com/20260104/gardaivbala-nikolai-sventicki-296521435.html
გარდაიცვალა თეატრისა და საზოგადო მოღვაწე ნიკოლაი სვენტიცკი
გარდაიცვალა თეატრისა და საზოგადო მოღვაწე ნიკოლაი სვენტიცკი
Sputnik საქართველო
სვენტიცკი იყო საერთაშორისო კულტურულ-საგანმანათლებლო კავშირის „რუსული კლუბის“ დამფუძნებელი და პრეზიდენტი. 04.01.2026-ს, Sputnik საქართველო
2026-01-04T14:32+0400
2026-01-04T14:32+0400
2026-01-04T14:32+0400
ახალი ამბები
საქართველო
რუსეთი
კულტურა საქართველოში
https://cdnn1.img.sputnik-georgia.com/img/07e9/0b/16/295908325_0:0:3072:1728_1920x0_80_0_0_de6f433174e91c8ffe59d1035f6a4032.jpg
თბილისი, 4 იანვარი - Sputnik. გრიბოედოვის სახელობის თბილისის სახელმწიფო აკადემიური რუსული დრამატული თეატრის დირექტორი და გამოჩენილი თეატრისა და საზოგადო მოღვაწე, ნიკოლაი სვენტიცკი, გარდაიცვალა თბილისში, იტყობინება „რუსული კლუბი“.ნიკოლაი სვენტიცკი 69 წლის იყო.„დღეს ნიკოლაი სვენტიცკი გარდაიცვალა“, - ნათქვამია კლუბის სოციალურ ქსელში გამოქვეყნებულ პოსტში. გარდაცვალების მიზეზი გულის უკმარისობა გახდა.ნიკოლაი სვენტიცკი თბილისში, 1956 წლის 4 ნოემბერს დაიბადა. დაამთავრა კუიბიშევის სახელობის კულტურის ინსტიტუტი. 1986 წელს გახდა გრიბოედოვის სახელობის თბილისის რუსული დრამატული თეატრის მთავარი ადმინისტრატორი. 2005 წლიდან მისი გენერალური დირექტორი იყო.სვენტიცკი იყო საერთაშორისო კულტურულ-საგანმანათლებლო კავშირის „რუსული კლუბის“ დამფუძნებელი და პრეზიდენტი. წლების განმავლობაში ასზე მეტი კულტურული პროექტი განახორციელა, რომელთა მიზანი იყო რუსეთსა და საქართველოს შორის ურთიერთობების გაღრმავება და გაუმჯობესება, ორი ქვეყნის ხალხების დაახლოება და რუსული კულტურისა და რუსული ენის პოზიციების განმტკიცება საქართველოში.მისი ძალისხმევით თბილისში გაიმართა ალისა ფრეინდლიხის, სერგეი იურსკის, ევგენი ევტუშენკოს, ოლეგ ბასილაშვილის, კირილ ლავროვის, ნიკოლაი კარაჩენცოვის და კულტურის სხვა მოღვაწეების შემოქმედებით საღამოები.მისი ეგიდით თბილისში გამოიცემოდა პოეზიისა და პროზის წიგნები, ასევე იმართებოდა ლიტერატურული და მუსიკალური საღამოები, რომლებიც ეძღვნებოდა მნიშვნელოვან ისტორიულ თარიღებსა და გამოჩენილი რუსი კულტურული მოღვაწეების იუბილეებს.„Sputnik საქართველოს“ რედაქცია ღრმა მწუხარებას უცხადებს ნიკოლაი სვენტიცკის ოჯახის წევრებს, მეგობრებსა და კოლეგებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, რუსეთი, კულტურა საქართველოში
ახალი ამბები, საქართველო, რუსეთი, კულტურა საქართველოში
გარდაიცვალა თეატრისა და საზოგადო მოღვაწე ნიკოლაი სვენტიცკი
სვენტიცკი იყო საერთაშორისო კულტურულ-საგანმანათლებლო კავშირის „რუსული კლუბის“ დამფუძნებელი და პრეზიდენტი.
თბილისი, 4 იანვარი - Sputnik. გრიბოედოვის სახელობის თბილისის სახელმწიფო აკადემიური რუსული დრამატული თეატრის დირექტორი და გამოჩენილი თეატრისა და საზოგადო მოღვაწე, ნიკოლაი სვენტიცკი, გარდაიცვალა თბილისში, იტყობინება „რუსული კლუბი“.
ნიკოლაი სვენტიცკი 69 წლის იყო.
„დღეს ნიკოლაი სვენტიცკი გარდაიცვალა“, - ნათქვამია კლუბის სოციალურ ქსელში გამოქვეყნებულ პოსტში. გარდაცვალების მიზეზი გულის უკმარისობა გახდა.
ნიკოლაი სვენტიცკი თბილისში, 1956 წლის 4 ნოემბერს დაიბადა. დაამთავრა კუიბიშევის სახელობის კულტურის ინსტიტუტი. 1986 წელს გახდა გრიბოედოვის სახელობის თბილისის რუსული დრამატული თეატრის მთავარი ადმინისტრატორი. 2005 წლიდან მისი გენერალური დირექტორი იყო.
სვენტიცკი იყო საერთაშორისო კულტურულ-საგანმანათლებლო კავშირის „რუსული კლუბის“ დამფუძნებელი და პრეზიდენტი. წლების განმავლობაში ასზე მეტი კულტურული პროექტი განახორციელა, რომელთა მიზანი იყო რუსეთსა და საქართველოს შორის ურთიერთობების გაღრმავება და გაუმჯობესება, ორი ქვეყნის ხალხების დაახლოება და რუსული კულტურისა და რუსული ენის პოზიციების განმტკიცება საქართველოში.
მისი ძალისხმევით თბილისში გაიმართა ალისა ფრეინდლიხის, სერგეი იურსკის, ევგენი ევტუშენკოს, ოლეგ ბასილაშვილის, კირილ ლავროვის, ნიკოლაი კარაჩენცოვის და კულტურის სხვა მოღვაწეების შემოქმედებით საღამოები.
მისი ეგიდით თბილისში გამოიცემოდა პოეზიისა და პროზის წიგნები, ასევე იმართებოდა ლიტერატურული და მუსიკალური საღამოები, რომლებიც ეძღვნებოდა მნიშვნელოვან ისტორიულ თარიღებსა და გამოჩენილი რუსი კულტურული მოღვაწეების იუბილეებს.
„Sputnik საქართველოს“ რედაქცია ღრმა მწუხარებას უცხადებს ნიკოლაი სვენტიცკის ოჯახის წევრებს, მეგობრებსა და კოლეგებს.
