საქართველოს დედაქალაქში საახალწლო ილუმინაციების მონტაჟი დაიწყო

გამოწერა
თბილისში საახალწლო ილუმინაციების მონტაჟი დაიწყო. განსაკუთრებით საზეიმოდ დედაქალაქის მთავარი ქუჩა - რუსთველის გამზირი მოირთვება.
საახალწლო ილუმინაციების მონტაჟი ღამის საათებში ხორციელდება, რათა ტრანსპორტის მოძრაობა არ შეფერხდეს.
თბილისის ხელისუფლება საახალწლო ილუმინაციაებსა და ახალი წლის ღამის გალა-კონცერტზე 8,3 მილიონი ლარის დახარჯვას გეგმავს.
მერიამ ასევე მოუწოდა კერძო კომპანიებს და ბიზნეს-სექტორს, მონაწილეობა მიიღონ ქალაქის მორთვაში. წელს საქართველოს მთავარი საახალწლო ნაძვის ხეს არა პარლამენტის შენობის წინ, არამედ პირველი რესპუბლიკის მოედანზე დადგამენ.
ეს უკავშირდება საპროტესტო აქციებს, რომლებიც იქ საღამოობით ტარდება. 12 დეკემბერს პირველი რესპუბლიკის მოედანზე ტრადიციული „საახალწლო სოფელი“ გაიხსნება. იგი 2026 წლის 14 იანვრის ჩათვლით იფუნქციონირებს.
ყველა ახალი ამბავი
0