https://sputnik-georgia.com/20251128/anaklia-sesazloa-milioniani-brunvis-mqone-porti-gaxdes-ministri-295981220.html
ანაკლია შესაძლოა მილიონიანი ბრუნვის მქონე პორტი გახდეს - მინისტრი
ანაკლია შესაძლოა მილიონიანი ბრუნვის მქონე პორტი გახდეს - მინისტრი
Sputnik საქართველო
ბოლო ორი წლის განმავლობაში კონტეინერების რეკორდული მოცულობის მიუხედავად, საქართველოში ღრმაწყლოვანი პორტის არარსებობა საკვანძო სტრატეგიული საკითხია, განაცხადა... 28.11.2025-ს, Sputnik საქართველო
2025-11-28T11:43+0400
2025-11-28T11:43+0400
2025-11-28T11:43+0400
ახალი ამბები
საქართველო
საქართველოს ეკონომიკა
ეკონომიკა
საქართველოს ეკონომიკისა და მდგრადი განვითარების სამინისტრო
ანაკლია
https://cdnn1.img.sputnik-georgia.com/img/07e4/09/11/249468346_461:138:2229:1132_1920x0_80_0_0_03ce036c6e430694c4ae021d2e65d4e6.jpg
თბილისი, 28 ნოემბერი — Sputnik. ანაკლიის ნავსადგური 2035 წლისთვის მინიმუმ 1 მილიონ TEU-ს დაამუშავებს, განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა.ღრმაწყლიანი პორტის მშენებლობა 2024 წლის სექტემბერში დაიწყო. ღრმაწყლიანი პორტის საზღვაო ინფრასტრუქტურის მშენებლობას ახორციელებს უმსხვილესი ბელგიური კომპანია Jan De Nul, რომელთანაც სახელმწიფომ ხელშეკრულება გააფორმა. კონტრაქტის თანახმად, საზღვაო სამუშაოები სამ წელიწადში დასრულდება.„აღნიშნული პროექტის ამოქმედების შემდეგ, ანაკლიის ნავსადგური პირველ ფაზაში 2029 წლისთვის 600 000 TEU-მდე, ხოლო მეორე ეტაპზე, 2035 წლისთვის მინიმუმ 1 მილიონ TEU-ს დაამუშავებს, რაც საქართველოს საშუალებას მისცემს გახდეს შავი ზღვის რეგიონში მთავარი ჰაბი ცენტრალური აზიის ტვირთისთვის,“ – განაცხადა ქვრივიშვილმა ტრანსკასპიური სატრანსპორტო დერეფნისა და დაკავშირებადობის ინვესტორთა მეორე ფორუმის ფარგლებში გამართულ პანელურ დისკუსიაზე.მინისტრმა ყურადღება გაამახვილა გამოწვევებსა და შესაძლებლობებზე, რომლებიც არსებობს საქართველოს წინაშე სატრანზიტო მიზნების უკეთ შესასრულებლად. მარიამ ქვრივიშვილის ინფორმაციით, ბოლო ორი წლის განმავლობაში კონტეინერების რეკორდული მოცულობის მიუხედავად, საქართველოში ღრმაწყლოვანი პორტის არარსებობა საკვანძო სტრატეგიული საკითხია.„რეგიონული ტრანზიტზე მზარდი მოთხოვნის, კერძო სექტორის განახლებული ინტერესისა და ევროკავშირი-საქართველოს გაძლიერებული დაკავშირებადობის ინიციატივების ფონზე, ჩნდება ახალი შესაძლებლობები, რომელიც ხელსაყრელ გარემოს ქმნის სასიცოცხლოდ მნიშვნელოვანი საზღვაო ინფრასტრუქტურისა და კავშირების გასაფართოებლად“, - აღნიშნა მინისტრმა.როგორც ადრე პრემიერმა ირაკლი კობახიძემ განაცხადა, ღრმაწყლოვანი პორტის მშენებლობის პროექტის პირველი ფაზა არაუგვიანეს 2029 წლისა დასრულდება. პირველ ფაზაში სულ 600 მილიონი დოლარის ინვესტიცია ჩაიდება და მისი დასრულების შემდეგ პორტი წელიწადში 600 ათასზე მეტ კონტეინერს მოემსახურება.ჩინურ-სინგაპურული კონსორციუმი China Communications Construction Company Limited & China Harbour Investment Pte. Ltd. ერთადერთი კომპანია გახდა, რომელიც ანაკლიის პორტის განვითარებაში ინვესტირებით დაინტერესდა. საქართველოს მთავრობამ განაცხადა, რომ მასთან ხელშეკრულებას ხელი არაუგვიანეს 2025 წლის ზაფხულისა მოეწერება, თუმცა მოლაპარაკებები ინვესტორთან დღემდე გრძელდება.ანაკლიის პორტის (სამეგრელო-ზემო სვანეთის რეგიონი) 51%-ის მფლობელი სახელმწიფო იქნება, დანარჩენს კი კერძო ინვესტორი მიიღებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს ეკონომიკა, ეკონომიკა, საქართველოს ეკონომიკისა და მდგრადი განვითარების სამინისტრო, ანაკლია
ახალი ამბები, საქართველო, საქართველოს ეკონომიკა, ეკონომიკა, საქართველოს ეკონომიკისა და მდგრადი განვითარების სამინისტრო, ანაკლია
ანაკლია შესაძლოა მილიონიანი ბრუნვის მქონე პორტი გახდეს - მინისტრი
ბოლო ორი წლის განმავლობაში კონტეინერების რეკორდული მოცულობის მიუხედავად, საქართველოში ღრმაწყლოვანი პორტის არარსებობა საკვანძო სტრატეგიული საკითხია, განაცხადა მინისტრმა
თბილისი, 28 ნოემბერი — Sputnik. ანაკლიის ნავსადგური 2035 წლისთვის მინიმუმ 1 მილიონ TEU-ს დაამუშავებს, განაცხადა ეკონომიკისა და მდგრადი განვითარების მინისტრმა მარიამ ქვრივიშვილმა.
ღრმაწყლიანი პორტის მშენებლობა 2024 წლის სექტემბერში დაიწყო. ღრმაწყლიანი პორტის საზღვაო ინფრასტრუქტურის მშენებლობას ახორციელებს უმსხვილესი ბელგიური კომპანია Jan De Nul, რომელთანაც სახელმწიფომ ხელშეკრულება გააფორმა. კონტრაქტის თანახმად, საზღვაო სამუშაოები სამ წელიწადში დასრულდება.
„აღნიშნული პროექტის ამოქმედების შემდეგ, ანაკლიის ნავსადგური პირველ ფაზაში 2029 წლისთვის 600 000 TEU-მდე, ხოლო მეორე ეტაპზე, 2035 წლისთვის მინიმუმ 1 მილიონ TEU-ს დაამუშავებს, რაც საქართველოს საშუალებას მისცემს გახდეს შავი ზღვის რეგიონში მთავარი ჰაბი ცენტრალური აზიის ტვირთისთვის,“ – განაცხადა ქვრივიშვილმა ტრანსკასპიური სატრანსპორტო დერეფნისა და დაკავშირებადობის ინვესტორთა მეორე ფორუმის ფარგლებში გამართულ პანელურ დისკუსიაზე.
მინისტრმა ყურადღება გაამახვილა გამოწვევებსა და შესაძლებლობებზე, რომლებიც არსებობს საქართველოს წინაშე სატრანზიტო მიზნების უკეთ შესასრულებლად. მარიამ ქვრივიშვილის ინფორმაციით, ბოლო ორი წლის განმავლობაში კონტეინერების რეკორდული მოცულობის მიუხედავად, საქართველოში ღრმაწყლოვანი პორტის არარსებობა საკვანძო სტრატეგიული საკითხია.
„რეგიონული ტრანზიტზე მზარდი მოთხოვნის, კერძო სექტორის განახლებული ინტერესისა და ევროკავშირი-საქართველოს გაძლიერებული დაკავშირებადობის ინიციატივების ფონზე, ჩნდება ახალი შესაძლებლობები, რომელიც ხელსაყრელ გარემოს ქმნის სასიცოცხლოდ მნიშვნელოვანი საზღვაო ინფრასტრუქტურისა და კავშირების გასაფართოებლად“, - აღნიშნა მინისტრმა.
როგორც ადრე პრემიერმა ირაკლი კობახიძემ განაცხადა, ღრმაწყლოვანი პორტის მშენებლობის პროექტის პირველი ფაზა არაუგვიანეს 2029 წლისა დასრულდება. პირველ ფაზაში სულ 600 მილიონი დოლარის ინვესტიცია ჩაიდება და მისი დასრულების შემდეგ პორტი წელიწადში 600 ათასზე მეტ კონტეინერს მოემსახურება.
ჩინურ-სინგაპურული კონსორციუმი China Communications Construction Company Limited & China Harbour Investment Pte. Ltd. ერთადერთი კომპანია გახდა, რომელიც ანაკლიის პორტის განვითარებაში ინვესტირებით დაინტერესდა. საქართველოს მთავრობამ განაცხადა, რომ მასთან ხელშეკრულებას ხელი არაუგვიანეს 2025 წლის ზაფხულისა მოეწერება, თუმცა მოლაპარაკებები ინვესტორთან დღემდე გრძელდება.
ანაკლიის პორტის (სამეგრელო-ზემო სვანეთის რეგიონი) 51%-ის მფლობელი სახელმწიფო იქნება, დანარჩენს კი კერძო ინვესტორი მიიღებს.
TEU - პირობითი ერთეული, რომელიც სტანდარტული 20-ფუტიანი კონტეინერის მოცულობის ტოლია (დაახლოებით 6,1 მ სიგრძის). 
