https://sputnik-georgia.com/20251127/safrangetsi-rvinis-festivalze-qartuli-rvino-daagemovnes-295976495.html
საფრანგეთში ღვინის ფესტივალზე ქართული ღვინო დააგემოვნეს
საფრანგეთში ღვინის ფესტივალზე ქართული ღვინო დააგემოვნეს
Sputnik საქართველო
Salon Savim-ის სტუმრებმა 10-მდე კომპანიისა და მცირე მარნის სხვადასხვა დასახელების ღვინო დააგემოვნეს 27.11.2025-ს, Sputnik საქართველო
2025-11-27T20:31+0400
2025-11-27T20:31+0400
2025-11-27T20:31+0400
ახალი ამბები
საქართველო
ღვინის ეროვნული სააგენტო
ქართული ღვინო
საფრანგეთი
https://cdnn1.img.sputnik-georgia.com/img/07e7/0a/08/283091684_0:0:3078:1731_1920x0_80_0_0_cfdb39dd0dfd980d733c7a3bf7aeef37.jpg
თბილისი, 27 ნოემბერი — Sputnik. ღვინის ეროვნული სააგენტოს და სააგენტოს კონტრაქტორი კომპანია Le Pont Caucasien-ის მხარდაჭერით, საფრანგეთის ქალაქ მარსელში გამართულ ღვინისა და გასტრონომიის ფესტივალზე "Salon Savim" ქართული ღვინის წარდგენა გაიმართა, ნათქვამია უწყების მიერ გავრცელებულ ინფორმაციაში. ფესტივალის სტუმრებს შესაძლებლობა მიეცათ, გასცნობოდნენ 10-მდე ქართული ღვინის მწარმოებელი კომპანიისა და მცირე მარნის სხვადასხვა დასახელების ღვინოებს. ფესტივალზე ქართული ღვინო საფრანგეთში მოღვაწე ენოლოგმა, კომპანიის "Le Pont Caucasien" ხელმძღვანელმა ილია კახოიძემ წარადგინა. ფესტივალი "Salon Savim" საფრანგეთის ღვინისა და გასტრონომიის ერთ-ერთი წამყვანი ღონისძიებაა, რომელსაც ყოველწლიურად ასი ათასზე მეტი ვიზიტორი, მათ შორის, ათასობით ღვინის პროფესიონალი, HoReCa სექტორის წარმომადგენელი და მომხმარებელი სტუმრობს. ფესტივალზე სულ წარმოდგენილი იყო 450-მდე ღვინის მწარმოებელი მსოფლიოს სხვადასხვა ქვეყნიდან. ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო, ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ახორციელებს, მათ შორის, მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა მუდმივად მზარდია. მიმდინარე წლის 10 თვის მონაცემებით, საქართველოდან საფრანგეთში 116 ათასი ბოთლი ღვინოა ექსპორტირებული, რაც 75%-ით აღემატება გასული წლის ანალოგიური პერიოდის მაჩვენებელს. ქართული ღვინის საექსპორტო პოტენციალის გაზრდისა და ბაზრების დივერსიფიცირების მიზნით, ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 10 თვეში, ქართული ღვინო 29 გამოფენა-ფესტივალსა და 250-მდე დეგუსტაცია-სემინარზე აშშ-ში, ევროპისა და აზიის, ჯამში, 20-მდე ქვეყანაში იყო წარდგენილი.
საქართველო
საფრანგეთი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ღვინის ეროვნული სააგენტო, ქართული ღვინო, საფრანგეთი
ახალი ამბები, საქართველო, ღვინის ეროვნული სააგენტო, ქართული ღვინო, საფრანგეთი
საფრანგეთში ღვინის ფესტივალზე ქართული ღვინო დააგემოვნეს
Salon Savim-ის სტუმრებმა 10-მდე კომპანიისა და მცირე მარნის სხვადასხვა დასახელების ღვინო დააგემოვნეს
თბილისი, 27 ნოემბერი — Sputnik. ღვინის ეროვნული სააგენტოს და სააგენტოს კონტრაქტორი კომპანია Le Pont Caucasien-ის მხარდაჭერით, საფრანგეთის ქალაქ მარსელში გამართულ ღვინისა და გასტრონომიის ფესტივალზე "Salon Savim" ქართული ღვინის წარდგენა გაიმართა, ნათქვამია უწყების მიერ გავრცელებულ ინფორმაციაში.
ფესტივალის სტუმრებს შესაძლებლობა მიეცათ, გასცნობოდნენ 10-მდე ქართული ღვინის მწარმოებელი კომპანიისა და მცირე მარნის სხვადასხვა დასახელების ღვინოებს. ფესტივალზე ქართული ღვინო საფრანგეთში მოღვაწე ენოლოგმა, კომპანიის "Le Pont Caucasien" ხელმძღვანელმა ილია კახოიძემ წარადგინა.
ფესტივალი "Salon Savim" საფრანგეთის ღვინისა და გასტრონომიის ერთ-ერთი წამყვანი ღონისძიებაა, რომელსაც ყოველწლიურად ასი ათასზე მეტი ვიზიტორი, მათ შორის, ათასობით ღვინის პროფესიონალი, HoReCa სექტორის წარმომადგენელი და მომხმარებელი სტუმრობს. ფესტივალზე სულ წარმოდგენილი იყო 450-მდე ღვინის მწარმოებელი მსოფლიოს სხვადასხვა ქვეყნიდან.
ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. სააგენტო, ქართული ღვინის პოპულარიზაციის ხელშეწყობის ფარგლებში, 2013 წლიდან, ბაზრების დივერსიფიცირების მიზნით, მიზანმიმართულ სარეკლამო-მარკეტინგულ კამპანიებს ახორციელებს, მათ შორის, მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა მუდმივად მზარდია.
მიმდინარე წლის 10 თვის მონაცემებით, საქართველოდან საფრანგეთში 116 ათასი ბოთლი ღვინოა ექსპორტირებული, რაც 75%-ით აღემატება გასული წლის ანალოგიური პერიოდის მაჩვენებელს.
ქართული ღვინის საექსპორტო პოტენციალის გაზრდისა და ბაზრების დივერსიფიცირების მიზნით, ღვინის ეროვნული სააგენტოს ფინანსური და ორგანიზაციული მხარდაჭერით, 2025 წლის 10 თვეში, ქართული ღვინო 29 გამოფენა-ფესტივალსა და 250-მდე დეგუსტაცია-სემინარზე აშშ-ში, ევროპისა და აზიის, ჯამში, 20-მდე ქვეყანაში იყო წარდგენილი.
