https://sputnik-georgia.com/20251127/komunikaciebis-komisiam-telekompaniebi-formula-da-tv-pirveli-daajarima-295976076.html
კომუნიკაციების კომისიამ ტელეკომპანიები "ფორმულა" და "ტვ პირველი" დააჯარიმა
კომუნიკაციების კომისიამ ტელეკომპანიები "ფორმულა" და "ტვ პირველი" დააჯარიმა
Sputnik საქართველო
უწყების ინფორმაციით, სარეკლამო კომუნიკაციის დარღვევით განთავსება მაყურებლის ინტერესების უხეში დარღვევაა. 27.11.2025-ს, Sputnik საქართველო
2025-11-27T19:22+0400
2025-11-27T19:22+0400
2025-11-27T19:22+0400
ახალი ამბები
საქართველო
საზოგადოება
https://cdnn1.img.sputnik-georgia.com/img/24575/77/245757728_0:81:3000:1769_1920x0_80_0_0_fbd390bb7f897f287f3ffcb00a3238f9.jpg
თბილისი, 27 ნოემბერი — Sputnik. კომუნიკაციების კომისიამ (ComCom) ეთერში პროდუქტის განთავსებისა და სპონსორობის წესების დარღვევისთვის ტელეკომპანიები "ფორმულა" და "ტვ პირველი" დააჯარიმა, ნათქვამია უწყების მიერ გავრცელებულ განცხადებაში. "ფორმულა" 7,5 ათასი ლარით, ხოლო "ტვ პირველი" – 2,5 ათასი ლარით დაჯარიმდა. უწყების ცნობით, მედიამონიტორინგის შედეგად ტელეკომპანიების ეთერში სარეკლამო კომუნიკაციების წესების დარღვევები გამოვლინდა, მათ შორის, პროდუქტებს მიენიჭათ გადაჭარბებული მნიშვნელობა და პროდუქტის განთავსებამ გადაცემის შინაარსზე გავლენა მოახდინა. ამასთან, გაჟღერდა ინფორმაცია პროდუქტის ხელმისაწვდომობის შესახებ. დამატებით, "ფორმულას" პროგრამაში გაკეთდა პროდუქტის შეძენისკენ მოწოდებები. გარდა ამისა, "ტვ პირველის" შემთხვევაში, დარღვეულია სპონსორზე მითითების წესებიც, რადგან სპონსორზე მითითება შეიცავდა სარეკლამო შეტყობინებას. უწყების ინფორმაციით, სარეკლამო კომუნიკაციის დარღვევით განთავსება მაყურებლის ინტერესების უხეში დარღვევაა, რადგან აღნიშნულმა შესაძლოა მათ გადაწყვეტილებებზე გავლენა მოახდინოს. "აქედან გამომდინარე, მნიშვნელოვანია, რომ მაუწყებელმა დაიცვას საქართველოს კანონით განსაზღვრული წესები, რათა არ დაარღვიოს მაყურებლის უფლებები და არ მოახდინოს პროგრამის შინაარსზე გავლენა, რაც თავის მხრივ, მედია პროდუქტის ხარისხს აუარესებს", - ნათქვამია განცხადებაში. გამომდინარე იქიდან, რომ "ტვ პირველს" ანალოგიური დარღვევისთვის მიმდინარე წელს წერილობითი გაფრთხილება მიღებული ჰქონდა, ComCom-მა მაუწყებელი 2,5 ათასი ლარით დააჯარიმა. "ფორმულას" კი წერილობით გაფრთხილებასთან ერთად, ანალოგიური დარღვევისთვის 2,5 ათასინი ლარიანი ჯარიმა უკვე მიღებული ჰქონდა, შესაბამისად, კანონდარღვევისთვის მაუწყებელი 7,5 ათასით ლარით დაჯარიმდა
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საზოგადოება
ახალი ამბები, საქართველო, საზოგადოება
კომუნიკაციების კომისიამ ტელეკომპანიები "ფორმულა" და "ტვ პირველი" დააჯარიმა
უწყების ინფორმაციით, სარეკლამო კომუნიკაციის დარღვევით განთავსება მაყურებლის ინტერესების უხეში დარღვევაა.
თბილისი, 27 ნოემბერი — Sputnik. კომუნიკაციების კომისიამ (ComCom) ეთერში პროდუქტის განთავსებისა და სპონსორობის წესების დარღვევისთვის ტელეკომპანიები "ფორმულა" და "ტვ პირველი" დააჯარიმა, ნათქვამია უწყების მიერ გავრცელებულ განცხადებაში.
"ფორმულა" 7,5 ათასი ლარით, ხოლო "ტვ პირველი" – 2,5 ათასი ლარით დაჯარიმდა.
უწყების ცნობით, მედიამონიტორინგის შედეგად ტელეკომპანიების ეთერში სარეკლამო კომუნიკაციების წესების დარღვევები გამოვლინდა, მათ შორის, პროდუქტებს მიენიჭათ გადაჭარბებული მნიშვნელობა და პროდუქტის განთავსებამ გადაცემის შინაარსზე გავლენა მოახდინა. ამასთან, გაჟღერდა ინფორმაცია პროდუქტის ხელმისაწვდომობის შესახებ. დამატებით, "ფორმულას" პროგრამაში გაკეთდა პროდუქტის შეძენისკენ მოწოდებები.
გარდა ამისა, "ტვ პირველის" შემთხვევაში, დარღვეულია სპონსორზე მითითების წესებიც, რადგან სპონსორზე მითითება შეიცავდა სარეკლამო შეტყობინებას.
უწყების ინფორმაციით, სარეკლამო კომუნიკაციის დარღვევით განთავსება მაყურებლის ინტერესების უხეში დარღვევაა, რადგან აღნიშნულმა შესაძლოა მათ გადაწყვეტილებებზე გავლენა მოახდინოს.
"აქედან გამომდინარე, მნიშვნელოვანია, რომ მაუწყებელმა დაიცვას საქართველოს კანონით განსაზღვრული წესები, რათა არ დაარღვიოს მაყურებლის უფლებები და არ მოახდინოს პროგრამის შინაარსზე გავლენა, რაც თავის მხრივ, მედია პროდუქტის ხარისხს აუარესებს", - ნათქვამია განცხადებაში.
გამომდინარე იქიდან, რომ "ტვ პირველს" ანალოგიური დარღვევისთვის მიმდინარე წელს წერილობითი გაფრთხილება მიღებული ჰქონდა, ComCom-მა მაუწყებელი 2,5 ათასი ლარით დააჯარიმა. "ფორმულას" კი წერილობით გაფრთხილებასთან ერთად, ანალოგიური დარღვევისთვის 2,5 ათასინი ლარიანი ჯარიმა უკვე მიღებული ჰქონდა, შესაბამისად, კანონდარღვევისთვის მაუწყებელი 7,5 ათასით ლარით დაჯარიმდა
