https://sputnik-georgia.com/20251115/mariam-qvrivisvilma-mwvane-energetikuli-derefnis-ministeriali-gaxsna-295790847.html
მარიამ ქვრივიშვილმა „მწვანე ენერგეტიკული დერეფნის“ მინისტერიალი გახსნა
მარიამ ქვრივიშვილმა „მწვანე ენერგეტიკული დერეფნის“ მინისტერიალი გახსნა
Sputnik საქართველო
მინისტრის განცხადებით, მინისტერიალი ოთხი პარტნიორი ქვეყნის საერთო ხედვის - დაკავშირებული, მდგრადი და ენერგეტიკულად უსაფრთხო მომავლის შექმნის მნიშვნელოვანი... 15.11.2025-ს, Sputnik საქართველო
2025-11-15T15:47+0400
2025-11-15T15:47+0400
2025-11-15T15:47+0400
ახალი ამბები
საქართველო
საქართველოს ეკონომიკა
ეკონომიკა
საქართველოს ეკონომიკისა და მდგრადი განვითარების სამინისტრო
ენერგეტიკა
აზერბაიჯანი
უნგრეთი
რუმინეთი
https://cdnn1.img.sputnik-georgia.com/img/07e9/0a/17/295506583_0:0:1600:901_1920x0_80_0_0_0aa3c97c6ee6f097c287b86ee24dcbfc.jpg
თბილისი, 15 ნოემბერი — Sputnik. აზერბაიჯანის, რუმინეთისა და უნგრეთის წარმომადგენლების მონაწილეობით „მწვანე ენერგეტიკული დერეფნის“ მე-11 მინისტერიალი გაიმართა, რომელიც ეკონომიკისა და მდგრადი განვითარების მინისტრმა, მარიამ ქვრივიშვილმა გახსნა.„ჩვენ ვქმნით ენერგეტიკული თანამშრომლობის ერთ-ერთ ყველაზე ამბიციურ, მომავალზე ორიენტირებულ ჩარჩოს როგორც ჩვენს რეგიონში, ასევე მის ფარგლებს გარეთ და ეს არის სიმბოლო, თუ როგორ შეუძლია სტრატეგიულ პარტნიორობასა და სექტორულ ინტეგრაციას ხელი შეუწყოს პოლიტიკურ-ეკონომიკურ თანამშრომლობას“, – განაცხადა მინისტრმა.როგორც მარიამ ქვრივიშვილმა აღნიშნა, საქართველოს ხელისუფლების მიზანი ქვეყნის ენერგოდამოუკიდებლობისა და ენერგოუსაფრთხოების უზრუნველყოფაა. მინისტრის განცხადებით, მინისტერიალი ოთხი პარტნიორი ქვეყნის საერთო ხედვის - დაკავშირებული, მდგრადი და ენერგეტიკულად უსაფრთხო მომავლის შექმნის მნიშვნელოვანი პლატფორმაა.ეკონომიკისა და მდგრადი განვითარების მინისტრის შეფასებით, ეს პროექტი არ შემოიფარგლება მხოლოდ ინფრასტრუქტურის მშენებლობით - ის ენერგეტიკული დამოუკიდებლობისა და გრძელვადიანი მდგრადობის საფუძველია, რომელიც შექმნის ახალ, სუფთა ენერგიის გადაცემის მარშრუტს სამხრეთ კავკასიასა და ევროპას შორის, რაც მიწოდების წყაროების დივერსიფიკაციის გზით ურთიერთგამაძლიერებელი იქნება ენერგეტიკული უსაფრთხოების მიმართულებით და, ასევე, გააძლიერებს რეგიონის სტრატეგიულ მნიშვნელობას ფართო ევროპისთვის.მე-11 მინისტერიალზე მხარეებმა წყალქვეშა კაბელისა და მწვანე კორიდორის პროექტების სამომავლო კოორდინაციის საკითხები, ასევე შეთანხმების ფარგლებში შექმნილი ერთობლივი საწარმოს საქმიანობის ანგარიში განიხილეს. როგორც აღინიშნა, საქართველო სანდო და პროაქტიული პარტნიორია მწვანე ენერგეტიკული დერეფნის შეთანხმების განხორციელებაში და მტკიცედ უჭერს მხარს აღნიშნული დერეფნის ხედვას, რასაც მნიშვნელოვანი წვლილი შეაქვს ევროპულ მწვანე შეთანხმებასა და სათბურის გაზების ემისიების შემცირების საერთო მიზნების მიღწევაში.„საქართველოს უნიკალური შესაძლებლობა აქვს, ხელი შეუწყოს რეგიონული მნიშვნელობის ენერგეტიკულ პროექტებს, რომლებიც აძლიერებენ ურთიერთდაკავშირებასა და მდგრადობას. შავი ზღვის წყალქვეშა კაბელის პროექტი, რომელიც მწვანე ენერგეტიკული დერეფნის თანამშრომლობის საფუძველი გახდა, მსოფლიო ბანკის მხარდაჭერით აქტიურად გრძელდება. სრულმასშტაბიანი ტექნიკურ-ეკონომიკური დასაბუთების კვლევის დასრულების შემდეგ, ამჟამად მიმდინარეობს მზადება ფსკერის დეტალური კვლევებისთვის - ეს არის გარდამტეხი ნაბიჯი, რომელიც გზას გაუხსნის განვითარების მომდევნო ფაზას“, - აღნიშნა მარიამ ქვრივიშვილმა.ეკონომიკის მინისტრმა საქართველოში ენერგეტიკის დარგში მიმდინარე რეფორმებზე, გამოწვევებსა და სამომავლო პერსპექტივებზეც ისაუბრა. მისი შეფასებით, დარგში მიმდინარე რეფორმები უზრუნველყოფს საქართველოს ენერგეტიკული ბაზრის გამჭვირვალობას, კონკურენტუნარიანობასა და ინვესტორებისთვის მიმზიდველობას, რაც ასევე მნიშვნელოვანია ევროპის ენერგეტიკულ ბაზართან უფრო მეტი ინტეგრაციისთვის. მარიამ ქვრივიშვილის განცხადებით, ხელისუფლების მიზანია, განახლებადი ენერგიის გამომუშავების სიმძლავრით, მათ შორის ქარისა და მზის ენერგეტიკული პროექტებით, უკვე კარგად ჩამოყალიბებულ ჰიდროენერგეტიკულ ბაზასთან ერთად, საქართველო განახლებადი ენერგიის რეგიონული ცენტრი გახდეს.მე-11 მინისტერიალში, მარიამ ქვრივიშვილთან ერთად, აზერბაიჯანის რესპუბლიკის ენერგეტიკის მინისტრი ფარვიზ შაჰბაზოვი, უნგრეთის საგარეო საქმეთა და ვაჭრობის სამინისტროს სახელმწიფო მდივანი ბოგლარკა ილეში და რუმინეთის ენერგეტიკის სამინისტროს სახელმწიფო მდივანი კრისტიან ბუსოი მონაწილეობენ. ღონისძიებას ასევე აზერბაიჯანის, რუმინეთისა და უნგრეთის ელჩები, საქართველოს სახელმწიფო ელექტროსისტემის, რუმინეთის, აზერბაიჯანისა და უნგრეთის გადამცემი სისტემის ოპერატორების, მსოფლიო ბანკისა და აზიის განვითარების ბანკის წარმომადგენლები ესწრებოდნენ.
საქართველო
აზერბაიჯანი
უნგრეთი
რუმინეთი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს ეკონომიკა, ეკონომიკა, საქართველოს ეკონომიკისა და მდგრადი განვითარების სამინისტრო, ენერგეტიკა, აზერბაიჯანი, უნგრეთი, რუმინეთი
ახალი ამბები, საქართველო, საქართველოს ეკონომიკა, ეკონომიკა, საქართველოს ეკონომიკისა და მდგრადი განვითარების სამინისტრო, ენერგეტიკა, აზერბაიჯანი, უნგრეთი, რუმინეთი
მარიამ ქვრივიშვილმა „მწვანე ენერგეტიკული დერეფნის“ მინისტერიალი გახსნა
მინისტრის განცხადებით, მინისტერიალი ოთხი პარტნიორი ქვეყნის საერთო ხედვის - დაკავშირებული, მდგრადი და ენერგეტიკულად უსაფრთხო მომავლის შექმნის მნიშვნელოვანი პლატფორმაა.
თბილისი, 15 ნოემბერი — Sputnik. აზერბაიჯანის, რუმინეთისა და უნგრეთის წარმომადგენლების მონაწილეობით „მწვანე ენერგეტიკული დერეფნის“ მე-11 მინისტერიალი გაიმართა, რომელიც ეკონომიკისა და მდგრადი განვითარების მინისტრმა, მარიამ ქვრივიშვილმა გახსნა.
„ჩვენ ვქმნით ენერგეტიკული თანამშრომლობის ერთ-ერთ ყველაზე ამბიციურ, მომავალზე ორიენტირებულ ჩარჩოს როგორც ჩვენს რეგიონში, ასევე მის ფარგლებს გარეთ და ეს არის სიმბოლო, თუ როგორ შეუძლია სტრატეგიულ პარტნიორობასა და სექტორულ ინტეგრაციას ხელი შეუწყოს პოლიტიკურ-ეკონომიკურ თანამშრომლობას“, – განაცხადა მინისტრმა.
როგორც მარიამ ქვრივიშვილმა აღნიშნა, საქართველოს ხელისუფლების მიზანი ქვეყნის ენერგოდამოუკიდებლობისა და ენერგოუსაფრთხოების უზრუნველყოფაა. მინისტრის განცხადებით, მინისტერიალი ოთხი პარტნიორი ქვეყნის საერთო ხედვის - დაკავშირებული, მდგრადი და ენერგეტიკულად უსაფრთხო მომავლის შექმნის მნიშვნელოვანი პლატფორმაა.
ეკონომიკისა და მდგრადი განვითარების მინისტრის შეფასებით, ეს პროექტი არ შემოიფარგლება მხოლოდ ინფრასტრუქტურის მშენებლობით - ის ენერგეტიკული დამოუკიდებლობისა და გრძელვადიანი მდგრადობის საფუძველია, რომელიც შექმნის ახალ, სუფთა ენერგიის გადაცემის მარშრუტს სამხრეთ კავკასიასა და ევროპას შორის, რაც მიწოდების წყაროების დივერსიფიკაციის გზით ურთიერთგამაძლიერებელი იქნება ენერგეტიკული უსაფრთხოების მიმართულებით და, ასევე, გააძლიერებს რეგიონის სტრატეგიულ მნიშვნელობას ფართო ევროპისთვის.
მე-11 მინისტერიალზე მხარეებმა წყალქვეშა კაბელისა და მწვანე კორიდორის პროექტების სამომავლო კოორდინაციის საკითხები, ასევე შეთანხმების ფარგლებში შექმნილი ერთობლივი საწარმოს საქმიანობის ანგარიში განიხილეს. როგორც აღინიშნა, საქართველო სანდო და პროაქტიული პარტნიორია მწვანე ენერგეტიკული დერეფნის შეთანხმების განხორციელებაში და მტკიცედ უჭერს მხარს აღნიშნული დერეფნის ხედვას, რასაც მნიშვნელოვანი წვლილი შეაქვს ევროპულ მწვანე შეთანხმებასა და სათბურის გაზების ემისიების შემცირების საერთო მიზნების მიღწევაში.
„საქართველოს უნიკალური შესაძლებლობა აქვს, ხელი შეუწყოს რეგიონული მნიშვნელობის ენერგეტიკულ პროექტებს, რომლებიც აძლიერებენ ურთიერთდაკავშირებასა და მდგრადობას. შავი ზღვის წყალქვეშა კაბელის პროექტი, რომელიც მწვანე ენერგეტიკული დერეფნის თანამშრომლობის საფუძველი გახდა, მსოფლიო ბანკის მხარდაჭერით აქტიურად გრძელდება. სრულმასშტაბიანი ტექნიკურ-ეკონომიკური დასაბუთების კვლევის დასრულების შემდეგ, ამჟამად მიმდინარეობს მზადება ფსკერის დეტალური კვლევებისთვის - ეს არის გარდამტეხი ნაბიჯი, რომელიც გზას გაუხსნის განვითარების მომდევნო ფაზას“, - აღნიშნა მარიამ ქვრივიშვილმა.
ეკონომიკის მინისტრმა საქართველოში ენერგეტიკის დარგში მიმდინარე რეფორმებზე, გამოწვევებსა და სამომავლო პერსპექტივებზეც ისაუბრა. მისი შეფასებით, დარგში მიმდინარე რეფორმები უზრუნველყოფს საქართველოს ენერგეტიკული ბაზრის გამჭვირვალობას, კონკურენტუნარიანობასა და ინვესტორებისთვის მიმზიდველობას, რაც ასევე მნიშვნელოვანია ევროპის ენერგეტიკულ ბაზართან უფრო მეტი ინტეგრაციისთვის. მარიამ ქვრივიშვილის განცხადებით, ხელისუფლების მიზანია, განახლებადი ენერგიის გამომუშავების სიმძლავრით, მათ შორის ქარისა და მზის ენერგეტიკული პროექტებით, უკვე კარგად ჩამოყალიბებულ ჰიდროენერგეტიკულ ბაზასთან ერთად, საქართველო განახლებადი ენერგიის რეგიონული ცენტრი გახდეს.
მე-11 მინისტერიალში, მარიამ ქვრივიშვილთან ერთად, აზერბაიჯანის რესპუბლიკის ენერგეტიკის მინისტრი ფარვიზ შაჰბაზოვი, უნგრეთის საგარეო საქმეთა და ვაჭრობის სამინისტროს სახელმწიფო მდივანი ბოგლარკა ილეში და რუმინეთის ენერგეტიკის სამინისტროს სახელმწიფო მდივანი კრისტიან ბუსოი მონაწილეობენ. ღონისძიებას ასევე აზერბაიჯანის, რუმინეთისა და უნგრეთის ელჩები, საქართველოს სახელმწიფო ელექტროსისტემის, რუმინეთის, აზერბაიჯანისა და უნგრეთის გადამცემი სისტემის ოპერატორების, მსოფლიო ბანკისა და აზიის განვითარების ბანკის წარმომადგენლები ესწრებოდნენ.
