მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ნარიშკინი: კიევს არ აინტერესებს ტრამპის ძალისხმევა გამოინახოს კონფლიქტის დასრულების გზა

© photo: Sputnik / Ramil Sitdikov / გადასვლა მედიაბანკშისერგეი ნარიშკინი
სერგეი ნარიშკინი - Sputnik საქართველო, 1920, 21.10.2025
გამოწერა
ნარიშკინის განცხადებით, კიევის რეჟიმი ყველაფერს აკეთებს კონფლიქტის ესკალაციის პროვოცირებისთვის
თბილისი, 21 ოქტომბერი — Sputnik. აშშ-ის ლიდერი დონალდ ტრამპი, თავის გუნდთან ერთად, მზადაა უკრაინის კონფლიქტის დასრულების ვარიანტებზე კონსტრუქციული განხილვისთვის, თუმცა კიევს ეს „ფეხზე ჰკიდია" - მას ესკალაცია სურს, განაცხადა რუსეთის საგარეო დაზვერვის სამსახურის დირექტორმა სერგეი ნარიშკინმა
„კიევის რეჟიმს გულწრფელად „ფეხზე ჰკიდია" ტრამპის ადმინისტრაციის განწყობა უკრაინის კონფლიქტის დასრულების გზების მოძიებისთვის კონსტრუქციულ მსჯელობაზე და ყველაფერს აკეთებს მისი ესკალაციის პროვოცირებისთვის“, - განაცხადა ნარიშკინმა 17 ოქტომბერს, უზბეკეთის დედაქალაქ სამარყანდში გამართულ დსთ-ს წევრი სახელმწიფოების უსაფრთხოების სააგენტოებისა და სპეცსამსახურების ხელმძღვანელთა საბჭოს სხდომაზე.
მისი გამოსვლის ტექსტი სამსახურის ოფიციალურ ვებგვერდზე სამშაბათს გამოქვეყნდა.
თეთრ სახლში გამართულ შეხვედრაზე დონალდ ტრამპმა ვოლოდიმირ ზელენსკის განუცხადა, რომ აშშ „ყოველ შემთხვევაში, ამ ეტაპზე“, არ აპირებს უკრაინისთვის Tomahawk-ის ტიპის რაკეტების მიწოდებას, რომელთა მიღებაში კიევის რეჟიმი უკიდურესად არის დაინტერესებული.
16 ოქტომბერს პუტინსა და ტრამპს შორის სატელეფონო საუბარი შედგა, რომელიც ერთ-ერთი ყველაზე ხანგრძლივი იყო. ლიდერებმა დეტალურად განიხილეს უკრაინაში არსებული ვითარება და კონფლიქტის მოგვარების პერსპექტივები. პრეზიდენტები ასევე შეთანხმდნენ ბუდაპეშტში შეხვედრაზე.
ყველა ახალი ამბავი
0