https://sputnik-georgia.com/20251015/sasamartlom-luka-kurtanidzem-patimrobashi-datova-295384531.html
ბათუმის საქალაქო სასამართლომ ლუკა კურტანიძე პატიმრობაში დატოვა
ბათუმის საქალაქო სასამართლომ ლუკა კურტანიძე პატიმრობაში დატოვა
Sputnik საქართველო
კურტანიძე წაყენებული 4 ბრალიდან ერთს - ოჯახის წევრის მიმართ ძალადობას აღიარებს 15.10.2025-ს, Sputnik საქართველო
2025-10-15T21:35+0400
2025-10-15T21:35+0400
2025-10-15T21:35+0400
საქართველო
კრიმინალი საქართველოში
საზოგადოება
ახალი ამბები
https://cdnn1.img.sputnik-georgia.com/img/23520/72/235207218_0:103:2000:1228_1920x0_80_0_0_b0bc7bf12811bad4ee6296226c86f763.jpg
თბილისი, 15 ოქტომბერი — Sputnik. ბათუმის საქალაქო სასამართლომ საქართველოს პარლამენტის ყოფილი წევრი, მმართველი პარტია „ქართული ოცნების" ყოფილი დეპუტატი, ვეტერანი მოჭიდავე ელდარ (ლუკა) კურტანიძე პატიმრობაში დატოვა.დაცვის მხარემ მოსამართლის წინაშე 50 ათასი ლარის ოდენობით გირაოს სანაცვლოდ გათავისუფლების შუამდგომლობა დააყენა, თუმცა მოსამართლემ აღნიშნული შუამდგომლობა არ დააკმაყოფილა. კურტანიძეს ბრალდება სსკ-ის 126-ე პრიმა (ოჯახის წევრის მიმართ ძალადობა, რამაც ფიზიკური ტკივილი გამოიწვია), 11 პრიმა 187-ე (ოჯახის წევრის ნივთის განზრახ დაზიანება, რამაც მნიშვნელოვანი ზიანი გამოიწვია) და 11 პრიმა 381-ე პრიმა მუხლებით წარედგინა, რაც 5 წლამდე ვადით თავისუფლების აღკვეთას ითვალისწინებს. დღეს კი ცნობილი გახდა, რომ ბრალდებას დაემატა ახალი მუხლი - 160-ე, რაც საკუთრების უფლების დარღვევას გულისხმობს.კურტანიძე, რომელიც დღევანდელ სხდომას ესწრებოდა, წაყენებული 4 ბრალიდან მხოლოდ ერთს - ოჯახის წევრის მიმართ ძალადობას აღიარებს.სამართალდამცველებმა კურტანიძე 27 ივლისს დააკავეს. ამ დღეს სოციალურ ქსელში გავრცელდა ვიდეოკადრები, რომელშიც ჩანს კურტანიძე ქალაქ ქობულეთში თუ როგორ ესხმის თავს ყოფილ მეუღლეს, ხათუნა მაქაცაძეს. მიქაცაძის განცხადებით, კურტანიძემ მას როგორც სიტყვიერი, ისე ფიზიკური შეურაცხყოფა მიაყენა - მას სხეულზე დაზიანებები აღენიშნებოდა.გამოძიების ინფორმაციით, ბრალდებულმა დაარღვია სასამართლოს გადაწყვეტილებით გამოცემული დამცავი ორდერით გათვალისწინებული მოთხოვნები და ვალდებულებები, რომლითაც აკრძალული ჰქონდა ყოფილ მეუღლესთან მიახლოება, კომუნიკაცია და იმ ადგილთან და სახლთან მისვლა, სადაც მსხვერპლი იმყოფებოდა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, კრიმინალი საქართველოში, საზოგადოება, ახალი ამბები
საქართველო, კრიმინალი საქართველოში, საზოგადოება, ახალი ამბები
ბათუმის საქალაქო სასამართლომ ლუკა კურტანიძე პატიმრობაში დატოვა
კურტანიძე წაყენებული 4 ბრალიდან ერთს - ოჯახის წევრის მიმართ ძალადობას აღიარებს
თბილისი, 15 ოქტომბერი — Sputnik. ბათუმის საქალაქო სასამართლომ საქართველოს პარლამენტის ყოფილი წევრი, მმართველი პარტია „ქართული ოცნების" ყოფილი დეპუტატი, ვეტერანი მოჭიდავე ელდარ (ლუკა) კურტანიძე პატიმრობაში დატოვა.
დაცვის მხარემ მოსამართლის წინაშე 50 ათასი ლარის ოდენობით გირაოს სანაცვლოდ გათავისუფლების შუამდგომლობა დააყენა, თუმცა მოსამართლემ აღნიშნული შუამდგომლობა არ დააკმაყოფილა.
კურტანიძეს ბრალდება სსკ-ის 126-ე პრიმა (ოჯახის წევრის მიმართ ძალადობა, რამაც ფიზიკური ტკივილი გამოიწვია), 11 პრიმა 187-ე (ოჯახის წევრის ნივთის განზრახ დაზიანება, რამაც მნიშვნელოვანი ზიანი გამოიწვია) და 11 პრიმა 381-ე პრიმა მუხლებით წარედგინა, რაც 5 წლამდე ვადით თავისუფლების აღკვეთას ითვალისწინებს.
დღეს კი ცნობილი გახდა, რომ ბრალდებას დაემატა ახალი მუხლი - 160-ე, რაც საკუთრების უფლების დარღვევას გულისხმობს.
კურტანიძე, რომელიც დღევანდელ სხდომას ესწრებოდა, წაყენებული 4 ბრალიდან მხოლოდ ერთს - ოჯახის წევრის მიმართ ძალადობას აღიარებს.
სამართალდამცველებმა კურტანიძე 27 ივლისს დააკავეს. ამ დღეს სოციალურ ქსელში გავრცელდა ვიდეოკადრები, რომელშიც ჩანს კურტანიძე ქალაქ ქობულეთში თუ როგორ ესხმის თავს ყოფილ მეუღლეს, ხათუნა მაქაცაძეს. მიქაცაძის განცხადებით, კურტანიძემ მას როგორც სიტყვიერი, ისე ფიზიკური შეურაცხყოფა მიაყენა - მას სხეულზე დაზიანებები აღენიშნებოდა.
გამოძიების ინფორმაციით, ბრალდებულმა დაარღვია სასამართლოს გადაწყვეტილებით გამოცემული დამცავი ორდერით გათვალისწინებული მოთხოვნები და ვალდებულებები, რომლითაც აკრძალული ჰქონდა ყოფილ მეუღლესთან მიახლოება, კომუნიკაცია და იმ ადგილთან და სახლთან მისვლა, სადაც მსხვერპლი იმყოფებოდა.
