https://sputnik-georgia.com/20250913/juanser-burwulazes-brali-warudgines-294921085.html
ჯუანშერ ბურჭულაძეს ბრალი წარუდგინეს
ჯუანშერ ბურჭულაძეს ბრალი წარუდგინეს
Sputnik საქართველო
თავდაცვის ყოფილ მინისტრს ბრალის დამტკიცების შემთხვევაში 12 წლამდე პატიმრობა ემუქრება 13.09.2025-ს, Sputnik საქართველო
2025-09-13T12:12+0400
2025-09-13T12:12+0400
2025-09-13T14:12+0400
ახალი ამბები
საქართველო
ჯუანშერ ბურჭულაძე
გახმაურებული სასამართლო პროცესები
საქართველოს თავდაცვა
საქართველოს თავდაცვის სამინისტრო
საქართველოს პროკურატურა
https://cdnn1.img.sputnik-georgia.com/img/07e5/0c/16/263058328_227:28:1264:611_1920x0_80_0_0_38aa14caa4465f161189553883f1b666.jpg
თბილისი, 13 სექტემბერი - Sputnik. საქართველოს პროკურატურამ სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტებზე თავდაცვის ყოფილ მინისტრს, ჯუანშერ ბურჭულაძეს ბრალდება წარუდგინა.საგამოძიებო უწყების ინფორმაციით, ბრალდება სასჯელის სახედ და ზომად 12 წლამდე თავისუფლების აღკვეთას ითვალისწინებს.„სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული გამოძიების შედეგად დადგინდა, რომ 2023 წელს საქართველოს თავდაცვის იმდროინდელმა მინისტრმა ბოროტად გამოიყენა სამსახურებრივი უფლებამოსილება მისთვის და მისი ნათესავისთვის გამორჩენის მისაღებად“, - ნათქვამია პროკურატურის განცხადებაში.გამოძიებამ დაადგინა, რომ ჯუანშერ ბურჭულაძის დავალებით მისმა იმდროინდელმა მოადგილემ გიორგი ხაინდრავამ და სამინისტროს შესყიდვების დეპარტამენტის იმდროინდელმა უფროსმა ვლადიმერ ღუდუშაურმა თავდაცვის ყოფილი მინისტრის ნათესავის დახმარებით სამხედრო ჰოსპიტალისთვის მაგნიტურ-რეზონანსული ტომოგრაფიის აპარატის შეძენის პროცესში მიზანმიმართული ქმედებებით შექმნეს არაკონკურენტული გარემო, რის შედეგადაც არარეალური გარიგებების დადების გზით გაიზარდა აპარატის რეალური ღირებულება და 2.606.272 ლარად ღირებული მაგნიტურ-რეზონანსული ტომოგრაფიის აპარატი თავდაცვის სამინისტროსთვის მიწოდებული იქნა 3.940.000 ლარად.უწყების მონაცემებით, დანაშაულებრივი ქმედებების შედეგად საქართველოს თავდაცვის სამინისტროს 1.333.728 ლარის ქონებრივი ზიანი მიადგა.საქართველოს თავდაცვის ყოფილმა მინისტრმა განსაკუთრებით დიდი ოდენობით უკანონო და დაუსაბუთებელი ქონების წარმოშობის დამალვის და შენიღბვის მიზნით, ამ ქონებისთვის კანონიერი სახის მისაცემად შემდეგი ქმედებები განახორციელა:2025 წლის იანვარში მან და მისმა მეუღლემ 544.000 ევროდ შეიძინეს ესპანეთში მდებარე მიწის ნაკვეთი, მასზე განთავსებული სახლით. ვინაიდან აღნიშნული თანხის კანონიერი გზით წარმომავლობა არ უფიქსირდებოდათ, ამ თანხის წარმოშობის დამალვის მიზნით 2024 წელს თავდაცვის ყოფილი მინისტრის მეუღლესა და მესამე პირს შორის გაფორმდა დაბა წყნეთში მდებარე უძრავი ქონების ფიქტიური ნასყიდობის ხელშეკრულება, რეალურად კი თავდაცვის ყოფილი მინისტრის ოჯახს ეს ქონება არ გაუსხვისებია და ხელშეკრულების მიზანი იყო მხოლოდ ესპანეთში გადასარიცხი თანხის წარმომავლობის შენიღბვა.ამასთან, თავდაცვის ყოფილმა მინისტრმა ხსენებული 544.000 ევროს უკანონო წარმოშობის შენიღბვის მიზნით 2025 წლის მარტში თანამდებობის პირის ქონებრივი მდგომარეობის დეკლარაციაში საერთოდ არ მიუთითა ესპანეთში შეძენილი უძრავი ქონება, რითიც მან განსაკუთრებით დიდი ოდენობით, 1.593.212 ლარის უკანონო და დაუსაბუთებელი შემოსავლის ლეგალიზაცია განახორციელა.დაკავებულს ბრალდება სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით და 332-ე მუხლის მეორე ნაწილით (სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტებზე) წარედგინა, რაც სასჯელის სახედ და ზომად 12 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.სახელმწიფო უსაფრთხოების სამსახურში სისხლის სამართლის საქმეზე გამოძიება გრძელდება.რაც შეეხება ბრალის წარდგენის დეტალებს, წარდგენა მოხდა „მოდულის“ შენობაში, სადაც ბურჭულაძე გვიან ღამით ჰელსიკორის კლინიკიდან გადაიყვანეს. ბურჭულაძე ხუთშაბათს, 11 სექტემბერს დააკავეს. სახელმწიფო უსაფრთხოების სამსახურის ცნობით, დაკავების დროს მან სამართალდამცავ ორგანოებს განუცხადა, რომ წოლითი რეჟიმი აქვს დანიშნული, რადგან კვადროციკლიდან გადმოვარდნის შედეგად ტვინის მსუბუქი შერყევა მიიღო, ამიტომ კლინიკაში გადაყვანა ითხოვა.ადვოკატის განცხადებით, ბურჭულაძე კლინიკიდან გაწერეს, მისი მდგომარეობა სტაბილურია.მიმდინარე წლის ივლისში ანტიკორუფციულმა სააგენტომ დააკავა გიორგი ხაინდრავა, ვლადიმერ ღუდუშაური და ასევე მინისტრის ნათესავი - დიდი ოდენობით გაფლანგვის ბრალდებით.ბურჭულაძე მინისტრის პოსტს 2021 წლის 22 თებერვლიდან 2024 წლის 8 თებერვლამდე იკავებდა. ამ პოსტზე ის პარლამენტის ვიცე-სპიკერმა ირაკლი ჩიქოვანმა შეცვალა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ჯუანშერ ბურჭულაძე, გახმაურებული სასამართლო პროცესები, საქართველოს თავდაცვა, საქართველოს თავდაცვის სამინისტრო, საქართველოს პროკურატურა
ახალი ამბები, საქართველო, ჯუანშერ ბურჭულაძე, გახმაურებული სასამართლო პროცესები, საქართველოს თავდაცვა, საქართველოს თავდაცვის სამინისტრო, საქართველოს პროკურატურა
ჯუანშერ ბურჭულაძეს ბრალი წარუდგინეს
12:12 13.09.2025 (განახლებულია: 14:12 13.09.2025) თავდაცვის ყოფილ მინისტრს ბრალის დამტკიცების შემთხვევაში 12 წლამდე პატიმრობა ემუქრება
თბილისი, 13 სექტემბერი - Sputnik. საქართველოს პროკურატურამ სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტებზე თავდაცვის ყოფილ მინისტრს, ჯუანშერ ბურჭულაძეს ბრალდება წარუდგინა.
საგამოძიებო უწყების ინფორმაციით, ბრალდება სასჯელის სახედ და ზომად 12 წლამდე თავისუფლების აღკვეთას ითვალისწინებს.
„სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული გამოძიების შედეგად დადგინდა, რომ 2023 წელს საქართველოს თავდაცვის იმდროინდელმა მინისტრმა ბოროტად გამოიყენა სამსახურებრივი უფლებამოსილება მისთვის და მისი ნათესავისთვის გამორჩენის მისაღებად“, - ნათქვამია პროკურატურის განცხადებაში.
გამოძიებამ დაადგინა, რომ ჯუანშერ ბურჭულაძის დავალებით მისმა იმდროინდელმა მოადგილემ გიორგი ხაინდრავამ და სამინისტროს შესყიდვების დეპარტამენტის იმდროინდელმა უფროსმა ვლადიმერ ღუდუშაურმა თავდაცვის ყოფილი მინისტრის ნათესავის დახმარებით სამხედრო ჰოსპიტალისთვის მაგნიტურ-რეზონანსული ტომოგრაფიის აპარატის შეძენის პროცესში მიზანმიმართული ქმედებებით შექმნეს არაკონკურენტული გარემო, რის შედეგადაც არარეალური გარიგებების დადების გზით გაიზარდა აპარატის რეალური ღირებულება და 2.606.272 ლარად ღირებული მაგნიტურ-რეზონანსული ტომოგრაფიის აპარატი თავდაცვის სამინისტროსთვის მიწოდებული იქნა 3.940.000 ლარად.
უწყების მონაცემებით, დანაშაულებრივი ქმედებების შედეგად საქართველოს თავდაცვის სამინისტროს 1.333.728 ლარის ქონებრივი ზიანი მიადგა.
საქართველოს თავდაცვის ყოფილმა მინისტრმა განსაკუთრებით დიდი ოდენობით უკანონო და დაუსაბუთებელი ქონების წარმოშობის დამალვის და შენიღბვის მიზნით, ამ ქონებისთვის კანონიერი სახის მისაცემად შემდეგი ქმედებები განახორციელა:
2025 წლის იანვარში მან და მისმა მეუღლემ 544.000 ევროდ შეიძინეს ესპანეთში მდებარე მიწის ნაკვეთი, მასზე განთავსებული სახლით. ვინაიდან აღნიშნული თანხის კანონიერი გზით წარმომავლობა არ უფიქსირდებოდათ, ამ თანხის წარმოშობის დამალვის მიზნით 2024 წელს თავდაცვის ყოფილი მინისტრის მეუღლესა და მესამე პირს შორის გაფორმდა დაბა წყნეთში მდებარე უძრავი ქონების ფიქტიური ნასყიდობის ხელშეკრულება, რეალურად კი თავდაცვის ყოფილი მინისტრის ოჯახს ეს ქონება არ გაუსხვისებია და ხელშეკრულების მიზანი იყო მხოლოდ ესპანეთში გადასარიცხი თანხის წარმომავლობის შენიღბვა.
ამასთან, თავდაცვის ყოფილმა მინისტრმა ხსენებული 544.000 ევროს უკანონო წარმოშობის შენიღბვის მიზნით 2025 წლის მარტში თანამდებობის პირის ქონებრივი მდგომარეობის დეკლარაციაში საერთოდ არ მიუთითა ესპანეთში შეძენილი უძრავი ქონება, რითიც მან განსაკუთრებით დიდი ოდენობით, 1.593.212 ლარის უკანონო და დაუსაბუთებელი შემოსავლის ლეგალიზაცია განახორციელა.
დაკავებულს ბრალდება სისხლის სამართლის კოდექსის 194-ე მუხლის მე-3 ნაწილის „გ“ ქვეპუნქტით და 332-ე მუხლის მეორე ნაწილით (სახელმწიფო-პოლიტიკური თანამდებობის მქონე პირის მიერ სამსახურებრივი უფლებამოსილების ბოროტად გამოყენებისა და უკანონო შემოსავლის ლეგალიზაციის ფაქტებზე) წარედგინა, რაც სასჯელის სახედ და ზომად 12 წლამდე თავისუფლების აღკვეთას ითვალისწინებს.
პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.
სახელმწიფო უსაფრთხოების სამსახურში სისხლის სამართლის საქმეზე გამოძიება გრძელდება.
რაც შეეხება ბრალის წარდგენის დეტალებს, წარდგენა მოხდა „მოდულის“ შენობაში, სადაც ბურჭულაძე გვიან ღამით ჰელსიკორის კლინიკიდან გადაიყვანეს.
ბურჭულაძე ხუთშაბათს, 11 სექტემბერს დააკავეს. სახელმწიფო უსაფრთხოების სამსახურის ცნობით, დაკავების დროს მან სამართალდამცავ ორგანოებს განუცხადა, რომ წოლითი რეჟიმი აქვს დანიშნული, რადგან კვადროციკლიდან გადმოვარდნის შედეგად ტვინის მსუბუქი შერყევა მიიღო, ამიტომ კლინიკაში გადაყვანა ითხოვა.
ადვოკატის განცხადებით, ბურჭულაძე კლინიკიდან გაწერეს, მისი მდგომარეობა სტაბილურია.
მიმდინარე წლის ივლისში ანტიკორუფციულმა სააგენტომ დააკავა გიორგი ხაინდრავა, ვლადიმერ ღუდუშაური და ასევე მინისტრის ნათესავი - დიდი ოდენობით გაფლანგვის ბრალდებით.
ბურჭულაძე მინისტრის პოსტს 2021 წლის 22 თებერვლიდან 2024 წლის 8 თებერვლამდე იკავებდა. ამ პოსტზე ის პარლამენტის ვიცე-სპიკერმა ირაკლი ჩიქოვანმა შეცვალა.
