https://sputnik-georgia.com/20250910/erovnulma-bankma-repinansirebis-ganakveti-ucvlelad-datova-294884246.html
ეროვნული ბანკი მონეტარული პოლიტიკის განაკვეთს უცვლელად ინარჩუნებს
ეროვნული ბანკი მონეტარული პოლიტიკის განაკვეთს უცვლელად ინარჩუნებს
Sputnik საქართველო
მონეტარული პოლიტიკის კომიტეტის შემდეგი სხდომა 5 ნოემბერს ჩატარდება. 10.09.2025-ს, Sputnik საქართველო
2025-09-10T15:50+0400
2025-09-10T15:50+0400
2025-09-10T15:50+0400
საქართველო
საქართველოს ეროვნული ბანკი
საქართველოს ეკონომიკა
ახალი ამბები
https://cdnn1.img.sputnik-georgia.com/img/07e6/0b/01/271830304_918:800:2626:1761_1920x0_80_0_0_f38238ee445ff36b3967e3e1523dcdc3.jpg
თბილისი 10 სექტემბერი — Sputnik. რეფინანსირების განაკვეთი, რომლის მოცულობაზეც სესხებია დამოკიდებული, საქართველოში 2024 წლის გაზაფხულის ბოლოდან უცვლელი რჩება და 8%-ს შეადგენს, ნათქვამია ეროვნული ბანკის მონეტარული პოლიტიკის კომიტეტის სხდომის შემდეგ სებ-ის მიერ გავრცელებულ განცხადებაში.საქართველოს ეროვნული ბანკი დიდი ხანი მკაცრ მონეტარულ პოლიტიკას ატარებდა. რეფინანსირების განაკვეთი, 13 თვის შემდეგ პირველად, 2023 წლის მაისში შემცირდა და 10,5%-ს გაუტოლდა. აგვისტოში განაკვეთი 10,25%-მდე, სექტემბერში – 10%-მდე, დეკემბერში 9,5%–მდე, 2024 წლის იანვარში 9%-მდე, მარტში - 8,25%-მდე, მაისში კი 8%-მდე შემცირდა და ამ დრომდე არ შეცვლილა.სებ-ის ცენტრალური სცენარის მიხედვით, როგორც მოსალოდნელი იყო, ინფლაცია დროებით მიზნობრივ დონეზე მაღლა ნარჩუნდება და 2025 წელს 3,8%-ის ფარგლებში იქნება.„მიუხედავად იმისა, რომ ინფლაციის არსებული დინამიკა ძირითადად მიწოდების დროებითი ფაქტორებიდან მომდინარეობს, სებ-ი მაინც ირჩევს ფრთხილ მიდგომას, რათა ფასების მიმდინარე ზრდა გრძელვადიან ინფლაციურ მოლოდინებში არ აისახოს. შედეგად, საშუალოვადიან პერიოდში ინფლაცია 3%-ის გარშემო დასტაბილურდება"- ნათქვამია განცხადებაში.გარდა ამისა, ეროვნული ბანკის ცნობით, მაღალი გლობალური გაურკვევლობის გათვალისწინებით, ინფლაციის რისკები, როგორც აღმავალი, ასევე კლებადი, კვლავ მნიშვნელოვანია.აქედან გამომდინარე, მონეტარული პოლიტიკის კომიტეტმა განიხილა როგორც მაღალინფლაციური, ისე დაბალინფლაციური რისკების სცენარები.სებ-ის განმარტებით, ახლო აღმოსავლეთში გეოპოლიტიკური სიტუაციის ხელახალი ესკალაციაც ინფლაციურ რისკებს წარმოშობს, ვინაიდან მნიშვნელოვან წნეხს ახდენს ნავთობის გლობალურ ბაზარზე.ასევე, ეროვნული ბანკის მონაცემებით, 3%-იან მიზნობრივ დონეზე მაღალმა გრძელვადიანმა ინფლაციამ, შესაძლოა, ინფლაციის მოლოდინების ზრდის რისკები შექმნას. ამ რისკების რეალიზება კი, ცენტრალურ სცენართან შედარებით, მონეტარული პოლიტიკის განაკვეთის უფრო მაღალ ტრაექტორიას მოითხოვს.მეორე მხრივ, მონეტარული პოლიტიკის კომიტეტმა განიხილა დაბალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო დაბალ ტრაექტორიას მოითხოვს, ვიდრე ცენტრალური სცენარი.მონეტარული პოლიტიკის განაკვეთის შემდგომი ცვლილებები დამოკიდებული იქნება განახლებულ მაკროეკონომიკურ პროგნოზულ სცენარებსა და რისკების ანალიზზე.მონეტარული პოლიტიკის კომიტეტის შემდეგი სხდომა 5 ნოემბერს ჩატარდება.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეროვნული ბანკი , საქართველოს ეკონომიკა, ახალი ამბები
საქართველო, საქართველოს ეროვნული ბანკი , საქართველოს ეკონომიკა, ახალი ამბები
ეროვნული ბანკი მონეტარული პოლიტიკის განაკვეთს უცვლელად ინარჩუნებს
მონეტარული პოლიტიკის კომიტეტის შემდეგი სხდომა 5 ნოემბერს ჩატარდება.
თბილისი 10 სექტემბერი — Sputnik. რეფინანსირების განაკვეთი, რომლის მოცულობაზეც სესხებია დამოკიდებული, საქართველოში 2024 წლის გაზაფხულის ბოლოდან უცვლელი რჩება და 8%-ს შეადგენს, ნათქვამია ეროვნული ბანკის მონეტარული პოლიტიკის კომიტეტის სხდომის შემდეგ სებ-ის მიერ გავრცელებულ განცხადებაში.
საქართველოს ეროვნული ბანკი დიდი ხანი მკაცრ მონეტარულ პოლიტიკას ატარებდა. რეფინანსირების განაკვეთი, 13 თვის შემდეგ პირველად, 2023 წლის მაისში შემცირდა და 10,5%-ს გაუტოლდა. აგვისტოში განაკვეთი 10,25%-მდე, სექტემბერში – 10%-მდე, დეკემბერში 9,5%–მდე, 2024 წლის იანვარში 9%-მდე, მარტში - 8,25%-მდე, მაისში კი 8%-მდე შემცირდა და ამ დრომდე არ შეცვლილა.
„მაკროეკონომიკური ანალიზისა და არსებული რისკების შეფასების შედეგად, მონეტარული პოლიტიკის კომიტეტმა ოპტიმალურად მიიჩნია ზომიერად მკაცრი მონეტარული პოლიტიკის შენარჩუნება და მონეტარული პოლიტიკის განაკვეთი უცვლელად, 8%-ზე დატოვა“, - ნათქვამია განცხადებაში.
სებ-ის ცენტრალური სცენარის მიხედვით, როგორც მოსალოდნელი იყო, ინფლაცია დროებით მიზნობრივ დონეზე მაღლა ნარჩუნდება და 2025 წელს 3,8%-ის ფარგლებში იქნება.
„მიუხედავად იმისა, რომ ინფლაციის არსებული დინამიკა ძირითადად მიწოდების დროებითი ფაქტორებიდან მომდინარეობს, სებ-ი მაინც ირჩევს ფრთხილ მიდგომას, რათა ფასების მიმდინარე ზრდა გრძელვადიან ინფლაციურ მოლოდინებში არ აისახოს. შედეგად, საშუალოვადიან პერიოდში ინფლაცია 3%-ის გარშემო დასტაბილურდება"- ნათქვამია განცხადებაში.
გარდა ამისა, ეროვნული ბანკის ცნობით, მაღალი გლობალური გაურკვევლობის გათვალისწინებით, ინფლაციის რისკები, როგორც აღმავალი, ასევე კლებადი, კვლავ მნიშვნელოვანია.
აქედან გამომდინარე, მონეტარული პოლიტიკის კომიტეტმა განიხილა როგორც მაღალინფლაციური, ისე დაბალინფლაციური რისკების სცენარები.
„ერთი მხრივ, აშშ-ის სატარიფო პოლიტიკა ცვალებადია და მისი საბოლოო ფორმირება არაერთხელ გადაიხედა. მსგავსი ვითარება აძლიერებს გლობალური ეკონომიკის ფრაგმენტაციას. შედეგად, შესაძლოა, წარმოიშვას მიწოდების ჯაჭვების შეფერხებები, რაც სტაგფლაციური გარემოს ჩამოყალიბებას შეუწყობს ხელს", - აღნიშნულია განცხადებაში.
სებ-ის განმარტებით, ახლო აღმოსავლეთში გეოპოლიტიკური სიტუაციის ხელახალი ესკალაციაც ინფლაციურ რისკებს წარმოშობს, ვინაიდან მნიშვნელოვან წნეხს ახდენს ნავთობის გლობალურ ბაზარზე.
ასევე, ეროვნული ბანკის მონაცემებით, 3%-იან მიზნობრივ დონეზე მაღალმა გრძელვადიანმა ინფლაციამ, შესაძლოა, ინფლაციის მოლოდინების ზრდის რისკები შექმნას. ამ რისკების რეალიზება კი, ცენტრალურ სცენართან შედარებით, მონეტარული პოლიტიკის განაკვეთის უფრო მაღალ ტრაექტორიას მოითხოვს.
მეორე მხრივ, მონეტარული პოლიტიკის კომიტეტმა განიხილა დაბალინფლაციური რისკების სცენარი, რომლის რეალიზების შემთხვევაში ფუნდამენტური პროცესები მონეტარული პოლიტიკის განაკვეთის უფრო დაბალ ტრაექტორიას მოითხოვს, ვიდრე ცენტრალური სცენარი.
მონეტარული პოლიტიკის განაკვეთის შემდგომი ცვლილებები დამოკიდებული იქნება განახლებულ მაკროეკონომიკურ პროგნოზულ სცენარებსა და რისკების ანალიზზე.
მონეტარული პოლიტიკის კომიტეტის შემდეგი სხდომა 5 ნოემბერს ჩატარდება.
