https://sputnik-georgia.com/20250909/burchuladze0-opoziciis-gegmebze-294864832.html
ვინ და რატომ საუბრობს არჩევნების წინ ყოფილ ჩინოვნიკებსა და ოპოზიციას შორის კავშირებზე?
ვინ და რატომ საუბრობს არჩევნების წინ ყოფილ ჩინოვნიკებსა და ოპოზიციას შორის კავშირებზე?
Sputnik საქართველო
პაატა ბურჭულაძე - უკვე მესამე პირია, რომელიც აცხადებს, რომ „ქართული ოცნების“ ყოფილ მაღალჩინოსნებს ოპოზიციასთან კავშირი აქვთ. 09.09.2025-ს, Sputnik საქართველო
2025-09-09T21:22+0400
2025-09-09T21:22+0400
2025-09-09T21:22+0400
საქართველო
პოლიტიკა საქართველოში
კახა კალაძე
ქართული ოპოზიცია
ახალი ამბები
თვითმმართველობის არჩევნები
https://cdnn1.img.sputnik-georgia.com/img/24770/67/247706710_0:299:1855:1342_1920x0_80_0_0_2b6818c1e88cc9a30c4967d2bb1bae4b.jpg
თბილისი, 9 სექტემბერი — Sputnik. მმართველი გუნდის ყოფილ თანამდებობის პირებსა და ოპოზიციას შორის თანამშრომლობის შესახებ განცხადებები ხრიკია, რომელიც მიზნად ისახავს საზოგადოებაში დაპირისპირების გამოწვევას ადგილობრივი თვითმმართველობის არჩევნების წინ, განაცხადა მმართველი პარტიის „ქართული ოცნება - დემოკრატიული საქართველოს“ გენერალურმა მდივანმა, თბილისის მერმა კახა კალაძემ.მოძრაობა „რუსთაველის გამზირის“ ლიდერი პაატა ბურჭულაძე - უკვე მესამე პირია, რომელიც აცხადებს, რომ „ქართული ოცნების“ ყოფილ მაღალჩინოსნებს ოპოზიციასთან კავშირი აქვთ. მისი თქმით, „ისინი ინანიებენ ცოდვებს და სურთ მონაწილეობა მიიღონ ქვეყნის აღდგენაში“. ანალოგიური განცხადებები ადრე გააკეთეს ყოფილი მმართველი პარტია „ერთიანი ნაციონალური მოძრაობის“ ლიდერებმა სოფო ჯაფარიძემ და ლევან ხაბეიშვილმა.კალაძემ აღნიშნა, რომ ოპოზიცია ამჟამად რთულ მდგომარეობაშია - მას არ აქვს მხარდაჭერა, არ აქვს რესურსები, არ აქვს რეიტინგი.კალაძის აზრით, ისინი ცდილობენ „ასეთი გზებით შთააგონონ თავიანთი მხარდამჭერები, მაგრამ ეს ნაკლებეფექტურია, რადგანაც საზოგადოება ისედაც ხედავს მათ ნამდვილ სახეს, ხოლო მათი ავტორიტეტი ნულის ტოლია“.ვერც ერთი პოლიტიკური ძალა ვერ შეძლებს რადიკალურ და ანტისახელმწიფოებრივ ჯგუფებთან თანამშრომლობის დამყარებას, განაცხადა პარტია „ხალხის ძალის“ წევრმა გურამ მაჭარაშვილმა.მისი თქმით, რევოლუციური სცენარების განხორციელების ან ქვეყნის დესტაბილიზაციის მცდელობები, როგორც ეს წარსულში ხდებოდა, წარუმატებლობისთვისაა განწირული.მოძრაობა „რუსთაველის გამზირის“ ლიდერმა პაატა ბურჭულაძემ 4 ოქტომბერი - ადგილობრივი თვითმმართველი ორგანოების არჩევნების დღე - ისტორიული გამარჯვებისა და მთავრობის მშვიდობიანი გზით დამხობის დღედ გამოაცხადა. ოპოზიციამ მხარი დაუჭირა ბურჭულაძის იდეას, თუმცა განაცხადა, რომ თარიღზე საუბარი არამიზანშეწონილია.ოპოზიცია საქართველოშისაქართველოს წამყვანი ოპოზიციური ძალები ორ ბანაკად გაიყვნენ.პარტიები „ლელო“, „მოქალაქეები“, „გირჩი“ და „საქართველოსთვის“ ადგილობრივი თვითმმართველი ორგანოების არჩევნებში მონაწილეობენ, რომელიც მიმდინარე წლის 4 ოქტომბერს გაიმართება და აპირებენ ხელისუფლებაზე ზეწოლის ყველა ლეგიტიმური ბერკეტის გამოყენებას.ამასთან, პოლიტიკურმა მოძრაობებმა „ერთიანი ნაციონალური მოძრაობა“ და „კოალიცია ცვლილებებისთვის“ უარი თქვეს არჩევნებში მონაწილეობაზე და საპროტესტო აქციებით ცდილობენ „ქართული ოცნების“ მთავრობის დამხობას. მათ მხარს უჭერს სამოქალაქო საზოგადოების ნაწილი, რომელიც 2024 წლის ნოემბრის ბოლოდან მონაწილეობს საპროტესტო მოძრაობაში და მოითხოვს ვადამდელ საპარლამენტო არჩევნებს და მათი მხარდამჭერების ციხიდან გათავისუფლებას.მმართველი პარტია „ქართული ოცნება“ ორივე ბანაკს ქვეყნის ეროვნული ინტერესების წინააღმდეგ მოქმედ რადიკალურ ოპოზიციას უწოდებს. მთავრობის წარმომადგენლების თქმით, ოპოზიცია გარკვეული უცხო ძალების მხარდაჭერით, რომლებსაც მმართველი ელიტა deep state-ს უწოდებს, „საქართველოში რევოლუციის მოწყობას“ გეგმავს.მმართველ პარტიაში Deep state-ს ასევე უწოდებენ „გლობალური ომის პარტიას" - „გლობალური ომის პარტიის" ქვეშ საქართველოს ხელისუფლება გულისხმობს გარკვეულ ძალებს უცხოეთში, რომლებსაც აშშ-ისა და ევროკავშირის პოლიტიკოსებსა და ბიუროკრატებზე მნიშვნელოვანი გავლენა აქვს. დასავლეთში ამ მტკიცებას შეთქმულების თეორიას უწოდებენ.საქართველოს პრემიერ-მინისტრ ირაკლი კობახიძის განცხადებით, ოპოზიციას გამარჯვების შანსი არ აქვს და „ქართული ოცნება“ ყველა დონეზე ხელისუფლებას 2030 წლამდე შეინარჩუნებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, პოლიტიკა საქართველოში, კახა კალაძე , ქართული ოპოზიცია, ახალი ამბები, თვითმმართველობის არჩევნები
საქართველო, პოლიტიკა საქართველოში, კახა კალაძე , ქართული ოპოზიცია, ახალი ამბები, თვითმმართველობის არჩევნები
ვინ და რატომ საუბრობს არჩევნების წინ ყოფილ ჩინოვნიკებსა და ოპოზიციას შორის კავშირებზე?
პაატა ბურჭულაძე - უკვე მესამე პირია, რომელიც აცხადებს, რომ „ქართული ოცნების“ ყოფილ მაღალჩინოსნებს ოპოზიციასთან კავშირი აქვთ.
თბილისი, 9 სექტემბერი — Sputnik. მმართველი გუნდის ყოფილ თანამდებობის პირებსა და ოპოზიციას შორის თანამშრომლობის შესახებ განცხადებები ხრიკია, რომელიც მიზნად ისახავს საზოგადოებაში დაპირისპირების გამოწვევას ადგილობრივი თვითმმართველობის არჩევნების წინ, განაცხადა მმართველი პარტიის „ქართული ოცნება - დემოკრატიული საქართველოს“ გენერალურმა მდივანმა, თბილისის მერმა კახა კალაძემ.
მოძრაობა „რუსთაველის გამზირის“ ლიდერი პაატა ბურჭულაძე - უკვე მესამე პირია, რომელიც აცხადებს, რომ „ქართული ოცნების“ ყოფილ მაღალჩინოსნებს ოპოზიციასთან კავშირი აქვთ. მისი თქმით, „ისინი ინანიებენ ცოდვებს და სურთ მონაწილეობა მიიღონ ქვეყნის აღდგენაში“. ანალოგიური განცხადებები ადრე გააკეთეს ყოფილი მმართველი პარტია „ერთიანი ნაციონალური მოძრაობის“ ლიდერებმა სოფო ჯაფარიძემ და ლევან ხაბეიშვილმა.
„გამიჭირდება იმის თქმა, თუ რამდენად შეესაბამება ეს სინამდვილეს. რადგანაც ეს ადამიანები მსგავსი ხრიკებით შეეცდებიან რაიმე სახის დაპირისპირების გამოწვევა. ბოლოს და ბოლოს, არც ბურჭულაძე და არც ხაბეიშვილი არ გამოირჩევიან დიდი ინტელექტით“, - განაცხადა კალაძემ.
კალაძემ აღნიშნა, რომ ოპოზიცია ამჟამად რთულ მდგომარეობაშია - მას არ აქვს მხარდაჭერა, არ აქვს რესურსები, არ აქვს რეიტინგი.
კალაძის აზრით, ისინი ცდილობენ „ასეთი გზებით შთააგონონ თავიანთი მხარდამჭერები, მაგრამ ეს ნაკლებეფექტურია, რადგანაც საზოგადოება ისედაც ხედავს მათ ნამდვილ სახეს, ხოლო მათი ავტორიტეტი ნულის ტოლია“.
„ამიტომაც ჩვენ მშვიდად ვაგრძელებთ ჩვენს საარჩევნო კამპანიას. 4 ოქტომბერს ჩვენ გამარჯვებას ქართველ ხალხთან ერთად აღვნიშნავთ“, - ხაზგასმით აღნიშნა კალაძემ.
ვერც ერთი პოლიტიკური ძალა ვერ შეძლებს რადიკალურ და ანტისახელმწიფოებრივ ჯგუფებთან თანამშრომლობის დამყარებას, განაცხადა პარტია „ხალხის ძალის“ წევრმა გურამ მაჭარაშვილმა.
მისი თქმით, რევოლუციური სცენარების განხორციელების ან ქვეყნის დესტაბილიზაციის მცდელობები, როგორც ეს წარსულში ხდებოდა, წარუმატებლობისთვისაა განწირული.
„და პირველი მიზეზი, რის გამოც ვერც ერთი კოალიცია და არანაირი მხარდაჭერა ვერ მიაღწევს წარმატებას, ქართველი ხალხია“, - განაცხადა მაჭარაშვილმა.
მოძრაობა „რუსთაველის გამზირის“ ლიდერმა პაატა ბურჭულაძემ 4 ოქტომბერი - ადგილობრივი თვითმმართველი ორგანოების არჩევნების დღე - ისტორიული გამარჯვებისა და მთავრობის მშვიდობიანი გზით დამხობის დღედ გამოაცხადა. ოპოზიციამ მხარი დაუჭირა ბურჭულაძის იდეას, თუმცა განაცხადა, რომ თარიღზე საუბარი არამიზანშეწონილია.
საქართველოს წამყვანი ოპოზიციური ძალები ორ ბანაკად გაიყვნენ.
პარტიები „ლელო“, „მოქალაქეები“, „გირჩი“ და „საქართველოსთვის“ ადგილობრივი თვითმმართველი ორგანოების არჩევნებში მონაწილეობენ, რომელიც მიმდინარე წლის 4 ოქტომბერს გაიმართება და აპირებენ ხელისუფლებაზე ზეწოლის ყველა ლეგიტიმური ბერკეტის გამოყენებას.
ამასთან, პოლიტიკურმა მოძრაობებმა „ერთიანი ნაციონალური მოძრაობა“ და „კოალიცია ცვლილებებისთვის“ უარი თქვეს არჩევნებში მონაწილეობაზე და საპროტესტო აქციებით ცდილობენ „ქართული ოცნების“ მთავრობის დამხობას. მათ მხარს უჭერს სამოქალაქო საზოგადოების ნაწილი, რომელიც 2024 წლის ნოემბრის ბოლოდან მონაწილეობს საპროტესტო მოძრაობაში და მოითხოვს ვადამდელ საპარლამენტო არჩევნებს და მათი მხარდამჭერების ციხიდან გათავისუფლებას.
მმართველი პარტია „ქართული ოცნება“ ორივე ბანაკს ქვეყნის ეროვნული ინტერესების წინააღმდეგ მოქმედ რადიკალურ ოპოზიციას უწოდებს. მთავრობის წარმომადგენლების თქმით, ოპოზიცია გარკვეული უცხო ძალების მხარდაჭერით, რომლებსაც მმართველი ელიტა deep state-ს უწოდებს, „საქართველოში რევოლუციის მოწყობას“ გეგმავს.
მმართველ პარტიაში Deep state-ს ასევე უწოდებენ „გლობალური ომის პარტიას" - „გლობალური ომის პარტიის" ქვეშ საქართველოს ხელისუფლება გულისხმობს გარკვეულ ძალებს უცხოეთში, რომლებსაც აშშ-ისა და ევროკავშირის პოლიტიკოსებსა და ბიუროკრატებზე მნიშვნელოვანი გავლენა აქვს. დასავლეთში ამ მტკიცებას შეთქმულების თეორიას უწოდებენ.
საქართველოს პრემიერ-მინისტრ ირაკლი კობახიძის განცხადებით, ოპოზიციას გამარჯვების შანსი არ აქვს და „ქართული ოცნება“ ყველა დონეზე ხელისუფლებას 2030 წლამდე შეინარჩუნებს.
