https://sputnik-georgia.com/20250908/charteruli-reisi-dainishna-294842049.html
„ევრობასკეტი 2025": ეროვნული ნაკრების ქომაგებისთვის სუბსიდირებული რეისი დაინიშნა
„ევრობასკეტი 2025": ეროვნული ნაკრების ქომაგებისთვის სუბსიდირებული რეისი დაინიშნა
Sputnik საქართველო
საქართველოს ნაკრები მეოთხედფინალში ფინეთის ნაკრებს დაუპირისპირდება - მატჩი 10 სექტემბერს, თბილისის დროით 22:00 საათზე დაიწყება. 08.09.2025-ს, Sputnik საქართველო
2025-09-08T19:56+0400
2025-09-08T19:56+0400
2025-09-08T20:00+0400
საქართველო
სპორტი
საზოგადოება
საქართველოს აეროპორტების გაერთიანება
ახალი ამბები
https://cdnn1.img.sputnik-georgia.com/img/07e7/0b/11/284277726_0:119:1600:1020_1920x0_80_0_0_561a898afaae88630e84f5b94376ba8f.jpg
თბილისი, 8 სექტემბერი — Sputnik. საქართველოს მთავრობის ინიციატივით, „ევრობასკეტი 2025"-ის მეოთხედფინალში საქართველოს ეროვნული ნაკრების გასვლასთან დაკავშირებით, აეროპორტების გაერთიანებამ დამატებით კიდევ ერთი სუბსიდირებული რეისი დანიშნა. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.7 სექტემბერს საქართველოს კალათბურთის ეროვნულმა ნაკრებმა ევროპის ჩემპიონატის მერვედფინალურ მატჩში საფრანგეთი ანგარიშით 80:70 დაამარცხა და ისტორიულ შედეგს მიაღწია - კონტინენტის პირველობის მეოთხედფინალში გავიდა. საქართველოს ნაკრები „ევრობასკეტის" მეოთხედფინალში პირველად ითამაშებს, სადაც ფინეთის ნაკრებს დაუპირისპირდება - გუნდებს შორის შეხვედრა 10 სექტემბერს, თბილისის დროით 22:00 საათზე დაიწყება.სუბსიდირებული რეისი თბილისის საერთაშორისო აეროპორტიდან რიგის მიმართულებით 10 სექტემბერს, 07:00 საათზე შესრულდება, ხოლო უკან საქართველოში გულშემატკივრები 11 სექტემბერს დაბრუნდებიან. საქართველოს აეროპორტების გაერთიანების მიერ სუბსიდირებული ცალმხრივი ავიაბილეთის ღირებულება 195 ევროა. ბილეთების შეძენა ონლაინ პლატფორმა TKTFLY.GE/eurobasket-ზე დღეს, 20:00 საათიდან იქნება შესაძლებელი.ლატვიის დედაქალაქში სუბსიდირებული რეისით გაფრენის შესაძლებლობა ექნებათ მხოლოდ იმ მგზავრებს, რომლებიც გაფრენამდე თბილისის საერთაშორისო აეროპორტში „ევრობასკეტი 2025"-ის მატჩზე დასასწრები ბილეთის წარმოდგენას შეძლებენ.დღეს, საქართველოს მთავრობის გადაწყვეტილებით, საკალათბურთო ნაკრები მიღწეული შედეგისთვის სამ მილიონ ლარს მიიღებს, ამავე ოდენობის ფულად პრემიას მიიღებენ სპორტსმენები ყოველი შემდეგი გამარჯვების შემთხვევაშიც.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, სპორტი, საზოგადოება, საქართველოს აეროპორტების გაერთიანება, ახალი ამბები
საქართველო, სპორტი, საზოგადოება, საქართველოს აეროპორტების გაერთიანება, ახალი ამბები
„ევრობასკეტი 2025": ეროვნული ნაკრების ქომაგებისთვის სუბსიდირებული რეისი დაინიშნა
19:56 08.09.2025 (განახლებულია: 20:00 08.09.2025) საქართველოს ნაკრები მეოთხედფინალში ფინეთის ნაკრებს დაუპირისპირდება - მატჩი 10 სექტემბერს, თბილისის დროით 22:00 საათზე დაიწყება.
თბილისი, 8 სექტემბერი — Sputnik. საქართველოს მთავრობის ინიციატივით, „ევრობასკეტი 2025"-ის მეოთხედფინალში საქართველოს ეროვნული ნაკრების გასვლასთან დაკავშირებით, აეროპორტების გაერთიანებამ დამატებით კიდევ ერთი სუბსიდირებული რეისი დანიშნა. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.
7 სექტემბერს საქართველოს კალათბურთის ეროვნულმა ნაკრებმა ევროპის ჩემპიონატის მერვედფინალურ მატჩში საფრანგეთი ანგარიშით 80:70 დაამარცხა და ისტორიულ შედეგს მიაღწია - კონტინენტის პირველობის მეოთხედფინალში გავიდა.
საქართველოს ნაკრები „ევრობასკეტის" მეოთხედფინალში პირველად ითამაშებს, სადაც ფინეთის ნაკრებს დაუპირისპირდება - გუნდებს შორის შეხვედრა 10 სექტემბერს, თბილისის დროით 22:00 საათზე დაიწყება.
სუბსიდირებული რეისი თბილისის საერთაშორისო აეროპორტიდან რიგის მიმართულებით 10 სექტემბერს, 07:00 საათზე შესრულდება, ხოლო უკან საქართველოში გულშემატკივრები 11 სექტემბერს დაბრუნდებიან.
საქართველოს აეროპორტების გაერთიანების მიერ სუბსიდირებული ცალმხრივი ავიაბილეთის ღირებულება 195 ევროა. ბილეთების შეძენა ონლაინ პლატფორმა TKTFLY.GE/eurobasket-ზე დღეს, 20:00 საათიდან იქნება შესაძლებელი.
„რეისი სრულად მორგებულია საქართველოს ნაკრების ისტორიულ მეოთხედფინალურ მატჩზე ფინეთის ეროვნული ნაკრების წინააღმდეგ, რომელიც 10 სექტემბერს, საქართველოს დროით 18:00 საათზე გაიმართება", - ნათქვამია განცხადებაში.
ლატვიის დედაქალაქში სუბსიდირებული რეისით გაფრენის შესაძლებლობა ექნებათ მხოლოდ იმ მგზავრებს, რომლებიც გაფრენამდე თბილისის საერთაშორისო აეროპორტში „ევრობასკეტი 2025"-ის მატჩზე დასასწრები ბილეთის წარმოდგენას შეძლებენ.
დღეს, საქართველოს მთავრობის გადაწყვეტილებით, საკალათბურთო ნაკრები მიღწეული შედეგისთვის სამ მილიონ ლარს მიიღებს, ამავე ოდენობის ფულად პრემიას მიიღებენ სპორტსმენები ყოველი შემდეგი გამარჯვების შემთხვევაშიც.
