https://sputnik-georgia.com/20250829/saxalxo-damcveli-sizulvilis-enis-gamoyenebis-faqtebs-kidev-ertxel-gamoexmaura-294702609.html
სახალხო დამცველი სიძულვილის ენის გამოყენების ფაქტებს კიდევ ერთხელ გამოეხმაურა
სახალხო დამცველი სიძულვილის ენის გამოყენების ფაქტებს კიდევ ერთხელ გამოეხმაურა
Sputnik საქართველო
სახალხო დამცველი მოუწოდებს ყველას, გამოიჩინონ მაღალი სტანდარტის პოლიტიკური და სოციალური პასუხისმგებლობა. 29.08.2025-ს, Sputnik საქართველო
2025-08-29T18:35+0400
2025-08-29T18:35+0400
2025-08-29T18:35+0400
ახალი ამბები
საქართველო
საზოგადოება
საქართველოს სახალხო დამცველი
პოლიტიკა საქართველოში
პოლიტიკა
https://cdnn1.img.sputnik-georgia.com/img/07e7/03/07/275531408_0:0:1920:1080_1920x0_80_0_0_353459d1d0fad8c7b6772ee27842a72e.jpg
თბილისი, 29 აგვისტო - Sputnik. სახალხო დამცველი ლევან იოსელიანი ქალებისა და არასრულწლოვანების მიმართ სიძულვილის ენის გახშირებულ შემთხვევებთან დაკავშირებით განცხადებას ავრცელებს და აღნიშნავს, რომ სიძულვილის ენის გამოყენება მიუღებელია. როგორც სახალხო დამცველი აღნიშნავს, ბოლო პერიოდში საზოგადოებრივ და პოლიტიკურ დისკურსში ქალებისა და არასრულწლოვანებთან მიმართ სიძულვილის ენის გამოყენების შემთხვევები გახშირდა. იოსელიანი მიიჩნევს, რომ საზოგადოების თითოეული წევრის მხრიდან მნიშვნელოვანია ბავშვების უფლებების განუხრელი პატივისცემა და განსაკუთრებული სიფრთხილე საჯარო გამოსვლებით არასრულწლოვანთა შესაძლო ზიანის თავის არიდების მიზნით. იოსელიანი ერთ-ერთი პოლიტიკოსის ოჯახური მდგომარეობის შესახებ სოციალურ ქსელში გავრცელებულ ინფორმაციასაც გამოეხმაურა და აღნიშნა, რომ პოლიტიკოსის ოჯახური მდგომარეობა შეიძლება საზოგადოების ინტერესის საგანი გახდეს მხოლოდ იმ შემთხვევაში, თუ იგი უშუალოდ უკავშირდება მის საჯარო საქმიანობას. სახალხო დამცველი კიდევ ერთხელ მოუწოდებს ყველას, განსაკუთრებით, პოლიტიკური პარტიების წარმომადგენლებს, საჯარო პირებს, მედიაპლატფორმებსა და ჟურნალისტებს, გამოიჩინონ მაღალი სტანდარტის პოლიტიკური და სოციალური პასუხისმგებლობა და თავი შეიკავონ სიძულვილის ენის შემცველი, არაეთიკური განცხადებებისგან. გუშინ პარტია „ფედერალისტების" ერთ-ერთმა ლიდერმა თამარ ჩერგოლეიშვილმა სოციალურ ქსელში პოსტის კომენტარებში მისი მისამართით დაწერილი შეურაცხმყოფელი კომენტარების ავტორების გვერდიდან ბავშვების ფოტოები აიღო და მათი გამოყენებით საპასუხოდ შეურაცხყოფა მიაყენა. აღნიშნულის გამო შემდგომში მან ბოდიში მოიხადა. გარდა ამისა, რამდენიმე დღეა, სოციალურ ქსელში სხვადასხვა სფეროს წარმომადგენლები მმართველი გუნდის წევრის, დეპუტატ თეა წულუკიანის შესაძლო მეორედ გათხოვების შესახებ ავრცელებენ ინფორმაციას. წულუკიანი სასამართლოში ჩივილით დაემუქრა მათ, „ვინც მის შესახებ სიბინძურე გაავრცელა".
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საზოგადოება, საქართველოს სახალხო დამცველი, პოლიტიკა საქართველოში, პოლიტიკა
ახალი ამბები, საქართველო, საზოგადოება, საქართველოს სახალხო დამცველი, პოლიტიკა საქართველოში, პოლიტიკა
სახალხო დამცველი სიძულვილის ენის გამოყენების ფაქტებს კიდევ ერთხელ გამოეხმაურა
სახალხო დამცველი მოუწოდებს ყველას, გამოიჩინონ მაღალი სტანდარტის პოლიტიკური და სოციალური პასუხისმგებლობა.
თბილისი, 29 აგვისტო - Sputnik. სახალხო დამცველი ლევან იოსელიანი ქალებისა და არასრულწლოვანების მიმართ სიძულვილის ენის გახშირებულ შემთხვევებთან დაკავშირებით განცხადებას ავრცელებს და აღნიშნავს, რომ სიძულვილის ენის გამოყენება მიუღებელია.
როგორც სახალხო დამცველი აღნიშნავს, ბოლო პერიოდში საზოგადოებრივ და პოლიტიკურ დისკურსში ქალებისა და არასრულწლოვანებთან მიმართ სიძულვილის ენის გამოყენების შემთხვევები გახშირდა.
„არასრულწლოვანების ან მათი ოჯახის წევრების პოლიტიკურ დისკუსიებში მონაწილეობა, მათ შორის, საჯარო სივრცესა თუ სოციალურ ქსელში, არ უნდა იქცეს ბავშვებისადმი დამამცირებელი, სტიგმატიზაციის ან სიძულვილის შემცველი შინაარსის გამავრცელებელი", - ნათქვამია განცხადებაში.
იოსელიანი მიიჩნევს, რომ საზოგადოების თითოეული წევრის მხრიდან მნიშვნელოვანია ბავშვების უფლებების განუხრელი პატივისცემა და განსაკუთრებული სიფრთხილე საჯარო გამოსვლებით არასრულწლოვანთა შესაძლო ზიანის თავის არიდების მიზნით.
იოსელიანი ერთ-ერთი პოლიტიკოსის ოჯახური მდგომარეობის შესახებ სოციალურ ქსელში გავრცელებულ ინფორმაციასაც გამოეხმაურა და აღნიშნა, რომ პოლიტიკოსის ოჯახური მდგომარეობა შეიძლება საზოგადოების ინტერესის საგანი გახდეს მხოლოდ იმ შემთხვევაში, თუ იგი უშუალოდ უკავშირდება მის საჯარო საქმიანობას.
„დემოკრატიულ საზოგადოებაში ყურადღება უნდა გამახვილდეს პოლიტიკური გადაწყვეტილებების შინაარსსა და მოქალაქეებზე მის გავლენასა და შედეგებზე", - წერს ომბუდსმენი.
სახალხო დამცველი კიდევ ერთხელ მოუწოდებს ყველას, განსაკუთრებით, პოლიტიკური პარტიების წარმომადგენლებს, საჯარო პირებს, მედიაპლატფორმებსა და ჟურნალისტებს, გამოიჩინონ მაღალი სტანდარტის პოლიტიკური და სოციალური პასუხისმგებლობა და თავი შეიკავონ სიძულვილის ენის შემცველი, არაეთიკური განცხადებებისგან.
გუშინ პარტია „ფედერალისტების" ერთ-ერთმა ლიდერმა თამარ ჩერგოლეიშვილმა სოციალურ ქსელში პოსტის კომენტარებში მისი მისამართით დაწერილი შეურაცხმყოფელი კომენტარების ავტორების გვერდიდან ბავშვების ფოტოები აიღო და მათი გამოყენებით საპასუხოდ შეურაცხყოფა მიაყენა. აღნიშნულის გამო შემდგომში მან ბოდიში მოიხადა.
გარდა ამისა, რამდენიმე დღეა, სოციალურ ქსელში სხვადასხვა სფეროს წარმომადგენლები მმართველი გუნდის წევრის, დეპუტატ თეა წულუკიანის შესაძლო მეორედ გათხოვების შესახებ ავრცელებენ ინფორმაციას. წულუკიანი სასამართლოში ჩივილით დაემუქრა მათ, „ვინც მის შესახებ სიბინძურე გაავრცელა".
