https://sputnik-georgia.com/20250829/iaponiasi-qartuli-rvino-waradgines-294701974.html
იაპონიაში რვა ქართული ღვინო წარადგინეს
იაპონიაში რვა ქართული ღვინო წარადგინეს
Sputnik საქართველო
იაპონია ქართული ღვინის ერთ-ერთი სტრატეგიული ბაზარია, აღნიშნავენ ღვინის ეროვნულ სააგენტოში. 29.08.2025-ს, Sputnik საქართველო
2025-08-29T16:56+0400
2025-08-29T16:56+0400
2025-08-29T16:56+0400
ახალი ამბები
საქართველო
ქართული ღვინო
ღვინის ეროვნული სააგენტო
იაპონია
https://cdnn1.img.sputnik-georgia.com/img/24080/17/240801795_0:149:1109:773_1920x0_80_0_0_4d0a26226043290c265710f235085fa7.jpg
თბილისი, 29 აგვისტო - Sputnik. ქართული ღვინო იაპონიის ქალაქ ფუკუოკაში წარადგინეს. ამის შესახებ ინფორმაციას ღვინის ეროვნული სააგენტო ავრცელებს. ქართული ღვინო ღვინის ეროვნული სააგენტოს მხარდაჭერითა და სააგენტოს კონტრაქტორი მარკეტინგული კომპანიის Red Bridge ორგანიზებით წარადგინეს. საქართველოს მეღვინეობის კულტურის, ისტორიის, ვაზის ჯიშებისა და ღვინის თანამედროვე ინდუსტრიის შესახებ პრეზენტაცია Red Bridge-ის დირექტორმა, იაპონიაში ერთადერთმა ღვინის მაგისტრმა, კენიჩი ოჰაშიმ წარმოადგინა. კენიჩი ოჰაშიმ სტუმრებს საქართველოს მეღვინეობის სხვადასხვა რეგიონიდან 8 ქართული ღვინო წარუდგინა. ღონისძიებას ღვინის სომელიეები, იმპორტიორები, ბაიერები, სავაჭრო ქსელებისა და მედიის წარმომადგენლები, ჯამში 100-მდე სტუმარი დაესწრო. საპორტო ქალაქი ფუკუოკა იაპონიის მნიშვნელოვან ინდუსტრიულ ცენტრად ითვლება. სააგენტოს განცხადებით, აღნიშნულ ქალაქში განხორციელებული მარკეტინგული აქტივობები მნიშვნელოვანია ქართული ღვინის ცნობადობისა და პოპულარიზაციის გაზრდისთვის როგორც ფუკუოკას პრეფექტურაში, ისე ზოგადად იაპონიის ღვინის ბაზარზე. კომპანიასთან Red Bridge ღვინის ეროვნული სააგენტო 2017 წლიდან თანამშრომლობს. კომპანიის საქმიანობა იაპონიის სტრატეგიულ ბაზარზე ქართული ღვინის სხვადასხვა მარკეტინგულ ღონისძიებას მოიცავს. აღნიშნული ღონისძიებების მიზანი იაპონიის ბაზარზე ქართული ღვინის ცნობადობის და, შესაბამისად, მოთხოვნის ზრდის ხელშეწყობაა. იაპონია ქართული ღვინის ერთ-ერთი სტრატეგიული ბაზარია, სადაც ღვინის ეროვნული სააგენტოს მხარდაჭერით, ქართული ღვინის პირველი მასშტაბური წარდგენა 2014 წელს გაიმართა. შემდგომ წლებში, ასევე ღვინის ეროვნული სააგენტოს მხარდაჭერით, ქართული ღვინის კომპანიები მონაწილეობდნენ გამოფენებში Foodex Japan, Wine and Gourmet Japan, RAW Wine Tokyo, ProWein Tokyo, ადგილობრივ ღვინის კონკურსებში, ქართული ღვინის წარდგენა-დეგუსტაციებში, რომლებიც იაპონიის სხვადასხვა ქალაქში გაიმართა. პარალელურად, მოეწყო იაპონელი ღვინის პროფესიონალებისა და მედიის წარმომადგენლების ტურები საქართველოში.
საქართველო
იაპონია
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ქართული ღვინო, ღვინის ეროვნული სააგენტო, იაპონია
ახალი ამბები, საქართველო, ქართული ღვინო, ღვინის ეროვნული სააგენტო, იაპონია
იაპონიაში რვა ქართული ღვინო წარადგინეს
იაპონია ქართული ღვინის ერთ-ერთი სტრატეგიული ბაზარია, აღნიშნავენ ღვინის ეროვნულ სააგენტოში.
თბილისი, 29 აგვისტო - Sputnik. ქართული ღვინო იაპონიის ქალაქ ფუკუოკაში წარადგინეს. ამის შესახებ ინფორმაციას ღვინის ეროვნული სააგენტო ავრცელებს.
ქართული ღვინო ღვინის ეროვნული სააგენტოს მხარდაჭერითა და სააგენტოს კონტრაქტორი მარკეტინგული კომპანიის Red Bridge ორგანიზებით წარადგინეს.
საქართველოს მეღვინეობის კულტურის, ისტორიის, ვაზის ჯიშებისა და ღვინის თანამედროვე ინდუსტრიის შესახებ პრეზენტაცია Red Bridge-ის დირექტორმა, იაპონიაში ერთადერთმა ღვინის მაგისტრმა, კენიჩი ოჰაშიმ წარმოადგინა.
კენიჩი ოჰაშიმ სტუმრებს საქართველოს მეღვინეობის სხვადასხვა რეგიონიდან 8 ქართული ღვინო წარუდგინა. ღონისძიებას ღვინის სომელიეები, იმპორტიორები, ბაიერები, სავაჭრო ქსელებისა და მედიის წარმომადგენლები, ჯამში 100-მდე სტუმარი დაესწრო.
საპორტო ქალაქი ფუკუოკა იაპონიის მნიშვნელოვან ინდუსტრიულ ცენტრად ითვლება. სააგენტოს განცხადებით, აღნიშნულ ქალაქში განხორციელებული მარკეტინგული აქტივობები მნიშვნელოვანია ქართული ღვინის ცნობადობისა და პოპულარიზაციის გაზრდისთვის როგორც ფუკუოკას პრეფექტურაში, ისე ზოგადად იაპონიის ღვინის ბაზარზე.
კომპანიასთან Red Bridge ღვინის ეროვნული სააგენტო 2017 წლიდან თანამშრომლობს. კომპანიის საქმიანობა იაპონიის სტრატეგიულ ბაზარზე ქართული ღვინის სხვადასხვა მარკეტინგულ ღონისძიებას მოიცავს. აღნიშნული ღონისძიებების მიზანი იაპონიის ბაზარზე ქართული ღვინის ცნობადობის და, შესაბამისად, მოთხოვნის ზრდის ხელშეწყობაა.
იაპონია ქართული ღვინის ერთ-ერთი სტრატეგიული ბაზარია, სადაც ღვინის ეროვნული სააგენტოს მხარდაჭერით, ქართული ღვინის პირველი მასშტაბური წარდგენა 2014 წელს გაიმართა. შემდგომ წლებში, ასევე ღვინის ეროვნული სააგენტოს მხარდაჭერით, ქართული ღვინის კომპანიები მონაწილეობდნენ გამოფენებში Foodex Japan, Wine and Gourmet Japan, RAW Wine Tokyo, ProWein Tokyo, ადგილობრივ ღვინის კონკურსებში, ქართული ღვინის წარდგენა-დეგუსტაციებში, რომლებიც იაპონიის სხვადასხვა ქალაქში გაიმართა. პარალელურად, მოეწყო იაპონელი ღვინის პროფესიონალებისა და მედიის წარმომადგენლების ტურები საქართველოში.
