რამდენი უცხოელი ეწვია საქართველოს - ახალი მონაცემები

© photo: Sputnik / Stringerტურისტები მეტეხის ხიდზე
ტურისტები მეტეხის ხიდზე - Sputnik საქართველო, 1920, 02.08.2025
გამოწერა
საქართველოში ვიზიტების ძირითადი მიზნები იყო დასვენება და გართობა.
თბილისი, 2 აგვისტო — Sputnik. საქართველოს 2025 წლის მეორე კვარტალში 1,8 მილიონი ვიზიტორი ეწვია, რაც 2024 წლის ანალოგიურ პერიოდთან შედარებით 6,9%-ით მეტია, ნათქვამია სტატისტიკის ეროვნული სამსახურის „საქსტატის" განცხადებაში.
15 წელს ზემოთ პირთა ვიზიტების რიცხვმა 1,6 მლნ შეადგინა, რაც 2024 წლის მეორე კვარტლის მონაცემზე 7%-ით მეტია.
ტურისტული ვიზიტების რიცხვმა 1,3 მილიონი შეადგინა, რაც გასული წლის ივლის-სექტემბრის მონაცემებზე 10%-ით მეტია.
საქართველოში ვიზიტების ძირითადი მიზნები იყო დასვენება და გართობა.
ყველაზე მეტი ტურისტი მეორე კვარტალში ეწვია თბილისსა და აჭარას. უცხოელები საქართველოში საშუალოდ 5,3 ღამეს ატარებდნენ.
ვიზიტორთა უმეტესობა რუსეთიდან იყო - 309,4 ათასი, რაც ვიზიტორთა საერთო რაოდენობის 22,4%-ს შეადგენს. მას მოსდევს თურქეთი (17,6%) და სომხეთი (10,8%).
უცხოელებმა რუსეთიდან 361,8 ათასი ვიზიტი განახორციელეს, თურქეთიდან – 308,3 ათასი, სომხეთიდან – 210 ათასი ვიზიტი.
„საქსტატის“ მონაცემებით, უცხოელებმა საქართველოში დაახლოებით 3,5 მილიარდი ლარი დახარჯეს, რაც 0,6%–ით მეტია, ვიდრე 2024 წლის საანგარიშო პერიოდში. ხარჯები ერთ ვიზიტზე 6%–ით შემცირდა და 2.116,8 ლარი შეადგინა.
ყველა ახალი ამბავი
0